مذكرات عاشقه

الحلقه 27💋💋

• { الحمدُ للّه الّذي وهبَ لي على الكِبَر إسماعِيل وإسْحاق }

عليك أن تعلَم أن لحظة الفرج
لست أنت من يحدّدها ..
فقد تأتيك وأنت على مشارف اليأس !
_ثقْ باللــّه ♥

سامحني يوسفي مضطرة ♡ خشيت فيسع للشقه خديت عبايتي اللي معلقه جنب الباب ، ونزلت بالشويه مانبيش يحسو بوجودي ، درت وشاحي كأنه خمار وننزل علي اساس وحدة من الجيران ، وهما عاطين بظهرهم للباب ، وجماعه عبدالله يفتشو في الحوش داخل وهوا بحدا الباب من برا ومعاه فدوي تبكي والصغار، اني نزلت من بحداهم ودرت روحي عاديه، شورا زينب تلامحتني وزبطتني ، عيطت مريييم اهربي ، واني نازله نجري ، عبدالله يعيط علي جماعته اطلعو الحقاها ، اني طلعت من العمارة ، نجري نجري بقوة قوتي ، نخش للزنق ، من زنقه لزنقه ، بعدين بدت حوايز ، ونجري ومش قادرة نتلفت ؛ خلاص بيشدوني اني عارفه، يارب معاي يارب .
نجري قدامي محصول من الصفصفه نجري نجري نجري ، نين عترت وجيت طايحة ، راسي اضرب علي رشادة وفقدت الوعي .
‏"أعلم يا اللّه أنّي لم أفعل شيء يستحق أن ألقاك به، أنا أُخطئ كثيراً، ولكنّي أُحبك وأخشاك ولا أُريد سوى أن تُنقي روحي لأنّي أصبحتُ ضعيف لا أحتمل أكثر، كُل يوم يزداد شعورٌ ثقيلٌ بداخلي ، اللهُّم لاتجعل بيني وبينك حجابٌ يمنعني قربك وردَّني إليك رداً حسناً"💜
استاقظت لقيت روحي علي سرير وراسي مربوط ، اني وين وشن جابني اهني ، صدااااااع ، الم رهييييييب ، نبي نبكي ، قويني ياااارب ، خشتلي بنت صغيرة في العمر ، تسأل علي صحتي ، جايبتلي معاها صونيه رشدة مبكبكه وقعدت شادة فيا ناكل ، اني مش قادرة وربي ، مانبيش تربحي؛ غر فهميني بس انتي مني ، وشن جابني اهني ؛ قالتلي خوي لقاك ملوحه في الحوازة ، ستر ربي مالدغاتكش لفعه ولا عقرب ، قلتلها صحيتي اني لازم نطلع من اهني ، قالتلي وين بتطلعي في هالليل ارتاحي توا ولا اتصلي بحد يجي يرفعك ، قلتلها ماعنديش تلفون ومش حافظه ارقام ، قالتلي ارتاحي امالا وتعالي كولي ، اني ماعنديش خوات بنات ولا صاحبات ، نديرك وخيتي والله خشيتي خاطري ، قلتلها حتي انتي يا ااا ،
- اسمي رقيه ، وانتي ؟
-عاشت الاسامي اني مريم .
- سلمك حبيبتي ، بس فهميني شن جابك انتي اهني .
- قصه طويله رقيه، مرهقه ماعندي حيل نحكي .
قالتلي ⤵🔱ارتاحي مريم ، انتي في عهدتنا .
ربي يعزك رقيه ان شاءالله ♡ واللهي بنت اصل والله ، قلتلها انتي عايشه مع خوك بس ، قالتلي لالا اني بنت بين 4 خوت ولاد ، كل واحد في خدمته توا ، وبوي شيخ في الجامع لذلك يتأخر ، وأمي في حوش جدي ، اني طيبتلهم العشاء وصبيتلك قلت اكيدة جعانه .
ولي لحظه تمنيت نكون مكانك يارقيه ، في عيله ليبيه طبيعيه، بين امي وبوي واخوتي ..
صَبراً يا مِن ضَاقتْ بَكَ ♥
لَو تَعلمْ مَا لكَ عِندَ الله لـَ بَكيتَ فَرحاً :]
قلتلها امك تعلم بيا قالتلي لالا ، قلتلها خلاص خلي نطلع اني امالا توا ، مانبيش نسببلكم ازعاج ، قعدت شادة فيا نقعد، قلتلها رقيه اني يلحقو فيا ، مرات زبطوني في حوشكم ، مانبيش نضركم ، خليني نمشي فيسع قبل مايطبو ويقيموني اهنايا ، جابتلي شالها الصوف قالتلي البسيه برا صقع واعطتني خمسين دينار واني نحلف وهيا تحلف ادقولي تستحقيهم ، وحنقعد ندعيلك مريم ، ياريت الناس كلها زيك يارقيه ، راني توا مرت يوسف وفرحانه معاه مش متشردة وهاربه ، واني طالعه طق الباب خش خاها ، اني لبدت في الدار ، جابلها شكارة شكلاطه ويدلع فاها ويبصر علاها ، كان سندها وظهرها ،ومايناديش فاها غر دكتورتنا الصغرونه ، باهي علاش غر خوي اني قهرني في عمري ، علاش غر اني حظي عطيب في هالدنيا الحمدلله علي كل حال ....🌺🌺🌺🌺