مذكرات عاشقه

الحلقه 26 💋💋

‏لا ينساك الله ، ولو ظننت أنّك بالكاد تتحمّل الحياة ، يؤتيك باليُسر والفرَج في ذلك الحين الّذي تشعر فيه أنّك على شفى حُفرة من السقوط 💚

تلفتت القيته عبد الله ، لاااا عبدالله انت شن بدير وين فدوي والصغار ، سألتك بالله بعد ، معاش تقرب والللهي نعيط بعلو صوتي ، نفضحك ياعبد الله ، جريت للمطبخ وهوا وراي ، خديت الموس وقربته من وريدي ، بعد والا نقتل روحي ، ذنبي في رقبتك ، أبعد عني ، وهوا واقف ويستلذ بتعذيبي ، قرب مني وحاول يبوسني  ،  ثبتني علي الحيط وفي ايدي الموس ، واني نعيط ونستنجد ومافيش من سمع ، الجيران متعودين علي عياط فدوي ، هددته نقتله بس ماخافش مني ، ماخاااافش يامريم ، شن الحل ، حيغتصبني حنرجع لنفس الدوامه ، حنخون يوسفي ، حنتألم ، حنتوجع ، حيغتصب بقايا أنوثتي ،   لي لحظه حسيت روحي قويه ، شديت الموس وطعنته بقوة قوتي ، ايه عبدالله موووووت ، انت تستاهل تمووووت ، مووووت ، قعمزت في التركينه ونبكي،  حوايجي دم ، دمه النجس لوثني ، اني نكرهك نكررررررررهك  ، نشبح فيه ينازع في الموت قدامي،  حيحبسوني ، اني قتلت ، هل حيسامحني ربي ، اني خايفه ، خااااايفه ، الباب يطق ، زادت الدقات اكثر ، حينخلع الباب ، معاش نبي نعيش ، نبي نموووووووت ، ياربي اكيدة الردع جاين بيطبوني ، كيف عرفو ، ريحة الموت ، اكيد شمو الموت ، ااااه قلبي يوجع فيا ، عيوني ضببو ، لبست عبايتي ووشاحي ، منمشي نسلم روحي ، اني مجرمه ، اني قاتله ، شن نفرق علي عبدالله  ، فتحت الباب كانت فدوي والصغار، قتلتلكم بوكم اني ، فكيتكم منه ، اعتقت رقبتك يافدوي من تحت ايديه ، كلمه ارمله أشرف بمليون مرة ، من زوجه لواحد زيه ، اني خليتكم يتامي ، علاش حاسه انه من الاول كنتو يتامي وتوا بس اتخلصتو من هاليتم ، فدوي تشبح فيا والصغار جامدين، عيطت عليييهم بجهد جهدي ، ويييييييين كنتو ، علااااااش خليتوني بروووووحي ، قالت فدوي خدانا عبدلله منشري حوايج للصغار ، وتوا روح بينا يوسف سلفي انتي شن فيك وشن هذا الدم اللي علي ايديييييك تكلللللمي ، علي جيه يوسف ، شافني خش يجري،  واني نرعش ، ماذنبي شيء ، والله ماذنبي حاجة ، هوا مات بروحه ، مني الي مات مريم تكلمي ، قال لفدوي خشي جيبلها ميه اجري ، خشت للكوجينه وابدت تعيييط وتنذب ، علي مني تعيطي فدوي عليه ولا عليا ، انذبي علي وخيتك فدوي ، راني اني اللي متت مش هوا ، خش يوسف يجري وانصدم ، كلم الاسعاف ادجي وفيسع فيسع مسح  بصماتي من الدنيا كلها من علي الموس ومن الباب ومن كل مكان، قالي توا خشي غيري لبستك ، فيسع مرييييم تربحي ، خشيت غيرت والحوايج اللي فيهم دم حرقهم يوسف ،  شدني من ايدي وطلعني لشقته ، قالي اقعدي اهني وماتتحكريش ، فيسع نمشي بيه اسعاف ونوليلك ، قال لفدوي اقعدي مع الصغار قي شقتك وطلع يجري ،  الضربه جت في مكان خطير ، ضربته بالموس علي ظهره لما كان متلبطني ويبوس في رقبتي ، جاته قويه هلبا ، وفي اي لحظه يعلنو خبر وفاته ، نحسابه مااات ، طلع قاعد فيه الروح،  رجع يوسف في وقت متاخر للحوش ، القاني راقدة علي الكنبه ، غطاني ببطانيه وقعد مقعمز بحداي علي الكرسي نيين اذن الفجر ، نضت منصلي لقيته مهناش ، خشيت صليت ودرت قهوة ، علي خشت يوسف من برا ، قتله وين كنت ، قالي كنت نصلي في الجامع ، وجبتلك معاي سفنزات سخينات ، خلي نديرلك براد شاهي ونحطلك باش تاكلي ، هزيت راسي براحة ، لو تعرف قداش نعشق تفاصيلك يايوسفي ❤ 👆. ......
قالي مريم حتقعدي فترة اهني ،  كان تضايقي من وجودي نطلع نبات برا ، قتله وين بتبات ، قالي عادي وين مايجي حتي في السيارة ، المهم  رااااحتك عندي ، قتله لاااا ماتسيبنيش بروحي نخااف ، قالي خليك قويه زي مانعرفك ، ماتخلي شيء يهزك ، قعدنا نحكو نيين طلع الضوء،  قالي اني خلي نرقد ساعتين ونطلع للخدمه  ، وانتي خشي داخل علي السرير ، اني توا نرقد علي الكنبه ، يوسفي اني مستريحة عادي ، واني مش مستريح ، كيف تبي تبي جسمي يستريح  وروحي لا ، مريم انتي روحي ، اسمعي الكلام وخشي .