امام كليه الهندسه جامعه عين شمس يقف رامز يستند علي سيارته يبحث عن مبتغاه ( جميله )
رامز لنفسه : يا رب اعرف الاقيها في الزحمه دي ايه ده كل دول بني ادمين
وبعد انتظار نصف ساعه تخرج امامه جميله من البوابه ترتدي بنطلون جينز ابيض وفوقه بدي من الكاشمير وكوتشي من الكاشيمر في الابيض وعلي ظهرها المسطره حرف T وفي يديها بعض الكشاكيل والاوراق وترتدي نظاره شمسيه
رامز لنفسه : الصلا علي النبي ودي انا هكلمها ازاي دي
رامز : يا بشمهندسه جميله يا بشمهندسه جميله
جميله باندهاش : استاذ رامز
رامز لنفسه : استاذ مين ده انتي الي استاذ
رامز : ازيك يا بشمهندسه
جميله وهيه تتلفت حولها : الحمد لله انت ايه الي جايبك هنا
رامز : ايه الي جابني .. جايلك يا ستي ممكن نقعد مع بعض في اي حته نتكلم شويه
جميله بارتباك: نقعد نقعد ازاي يعني لا مينفعش طبعا وانا اعرف حضرتك منين عشان اقعد معاك بعذ اذنك
رامز : استني بس انتي رايحه فين ده انا بقالي ساعه واقف في الشمس مستنيكي
جميله : مستنيني انا ومستنيني ليه انا اسفه بس مش هقدر اقف معاك اكتر من كده بعد اذنك علشان الحق الباص
رامز : مش هعطلك والله وهوصلك للحته الي تحبيها
جميله بنرفزه وتقوم بخلع النظاره : لو سمحت انا مينفعش اقف معاك اصلا عشان يبقي ينفع اركب معاك توصلني او اقعد معاك في اي حته عديني لو سمحت عشان امشي
رامز وقد سرح في جمال عينيها التي تحولت تحت ضوء الشمس من الازرق الي السماوي والعسلي الي الاصفر : سبحان الله انتي ايه من الجمال انتي ازاي كده .... وعندما يفيق من خياله يجد انها ابتعدت عنه تلحق بالباص العمومي
رامز لنفسه : اووووووف كان لازم تقلعي النظاره اديني روحت في داهيه بس والله منا سايبك وراكي وراكي والزمن طويل
وهنا يدق هاتف رامز باتصال من مالك
رامز : ايوه يا boss
مالك : انت فين يا رامز سالت عليك في مكتبك قالولي خرج من ساعتين ولسه مرجعش
رامز : اه انا في مشوار وجاي اهو في حاجه
مالك : فاضل يومين علي الحفله واسبوع علي افتتاح الصيدليه الجديده ده غير الطلبيات وحضرتك مختفي معرفش فين
رامز : اهدي بس انا مجهز كل حاجه نص ساعه وتلاقيني عندك مسافه الطريق
مالك : طيب يا استاذ لما نشوف اخرتها معاك ايه كلمت البنت الي هتغني دي اسمها ايه شوفت نظامها ايه
رامز : بتول اه كلمتها من بدري واتصلت عليا تاني واخدت قايمه بانواع الاغاني الي انت حاببها وظبط معاها كل حاجه
مالك : تمام يلا متتلكعش واخلص عندنا الف حاجه عايزين ننتهي منها
رامز : نص ساعه وتلاقيني قدامك ان شاء الله
مالك : في انتظار سيادتك اول ما توصل تيجي علي مكتبي فورا
رامز : حاضر علي طول اهو
يغلق الهاتف مع مالك ويزفر نفسه
اهو اليوم انضرب والبت طارت بس والله منا سايبك وينطلق بالسياره في اتجاه الشركه
.......................................................................
في مبني الاذاعه والتليفزيون تجلس مريام امام مخرج وهو ينظر لها نظرات خبيثه
حلمي المخرج : بصي يا انسه مريام البرنامج الي هديهولك مده تجهيزه ست شهور والعقد الي هنمضيه معاكي مش هيبقي ااقل من سنتين في السنتين دول مش هينفع يبقي قدامك اي التزامات تانيه غير الشغل مع القناه بتاعنا وميبقاش في اي مانع من حضورك في اي وقت يعني مينفعش تقولي لا علي حاجه وملابسك والميكب بتاعك هيكون علينا واحنا الي هنختاره ايه رايك
مريام : طبعا طبعا يا فندم انا معنديش اي التزامات غير الكليه زي ما حضرتك عارف واظن دي مفيهاش مشكله بالنسبه لحضرتك
حلمي : لا لو علي الكليه بس مفيش مشكله بس مينفعش اي ارتباط في الوقت ده خصوصا اني شايف دبله في ايديك يعني ممكن تتجوزي في اي وقت
مريام : لا حضرتك متشغلش بالك بالموضوع ده نهائي خطيبي معندوش مشكله ناجل الفرح دلوقتي لحد ما اخلص شغلي
حلمي : اذا كان كده يبقي نمضي العقد وخليكي عارفه ان العقد مكتوب فيه كل الشروط دي وكمان في شرط جزائي مليون جنيه لو اخليتي باي بند فيه
مريام : اوك مفيش اي مشكله
حلمي : يبقي نمضي العقود
مريام : اوك
تمضي مريام العقد وتستاذن بالرحيل من حلمي و تدلف خارج مكتبه وتقوم بالاتصال علي نائل
مريام : نائل حبيبي ازيك مش باين ليه عندي ليك خبر بمليون جنيه
نائل : علي ما افتكرتي ان ليكي خطيب .. وخبر ايه ده ان شاء الله
مريام : انت بتكلمني كده ليه الحق عليا عايزه افرحك معايا وانت اول واحد ابلغه
نائل وقد حن اليها : طيب خلاص يا ستي متزعليش خبر ايه ده بقي
مريام : انا مضيت عقد لبرنامج لقناه من اهم قنوات الوطن العربي بمبلغ تحفه
نائل بعصبيه : تاني يا مريام تاني انتي مبتتعلميش انتي مش همك غير نفسك مش قولنا هناجل الكلام ده لحد ما نتجوز هو احنا مستقبلنا مع بعض للدرجادي مش همك
مريام : لو سمحت متزعقش اولا انا لا يمكن اتجوز قبل سنتين علي الاقل ودي شروط العقد الي مضيته ثانيا قولتلك مليون مره انا مش هفكر في الجواز قبل ما اعمل لنفسي كرير وكيان خاص بيا
نائل : لا والله ولما هو كده وافقتي علي خطوبتنا ليه انا استنينك عشان بحبك بس من الواضح انك مبتحبيش غير نفسك ومبتفكريش في حد غير نفسك بصي يا بنت الحلال يا تلغي العقد ده وتركزي في الكام شهر الي باقيين علي السنه دي عشان نتجوز ونخلص بقي يا كل واحد يروح لحاله ونفضها سيره بقي
مريام : ايه الي انت بتقوله ده انا بجد مش مصدقه انك اناني كده انت كل حاجه جواز جواز طيب لا بقي يا نائل انا مضيت العقد خلاص ومش هرجع فيه وانت المفروض تقف جنبي وتشجعني مش تبكت فيا وتطفي طموحي
نائل بصدمه : انا انا بطفي طموحك عشان عايزك جنبي ابقي بطفي طموحك ومبقفش جنبك اخنا بقالنا خمس سنين مخطوبين عارفه يعني ايه خمس سنين قلتي استني لحد ما اخلص كليتي قلت ماشي لكن اكتر من كده لا لا يا مريام كفايه بقي كفايه
ويقوم نائل باغلاق الهاتف في وجهها
مريام : اوف بقي اوف هو الواحد ميعرفش يفرح ابدا ابدا لازم يتنكد عليه كده بس لا يا نائل انا مصممه علي رأيي وهعمل البرنامج يعني هعمله وانت بتحبني وهتستحمل انا متاكده انت لا يمكن تقدر تعيش من غيري
.......................................................................
في الجيم
ادهم : روبين يا روبين ممكن نتكلم شويه لو فاضيه
روبين : اه طبعا يا ادهم انا قدامي نص ساعه علي الكلاس الجاي
ادهم : طيب تعالي نقعد في الكافيه نشرب حاجه ونتكلم
روبين : طيب يلا
ادهم : اقعدي يا روبين علي ما اجيب حاجه فريش نشربها لسه بتحبي البرتقال زي ايام الجامعه
روبين باستغراب : وانت تعرف منين اني كنت بحب البرتقال
ادهم بارتباك : لا ابدا كنت ديما بشوفك بتشربيه فيعني قلت اكيد بتحبيه
روبين : اه فعلا بحبه جدا هشرب برتقال ماشي
ادهم : طيب ثواني وراجع علي طول
روبين لنفسها بعد مغادره ادهم : يا ترا انت حكايتك ايه يا ادهم ويا ترا فعلا مهتم بيا ولا دي كلها مجرد صدف
ادهم : انا رجعت سرحانه في ايه
روبين : لا ابدا كنت هتقول ايه بقي
ادهم : بصي يا ستي انتي عارفه اني كنت كوتش في الامارات ولسه راجع والحمد لله عملت مبلغ كويس يخليني افتح مكان محترم بس عشان ابني سمعه هاخد وقت وانا عايز اختصر الوقت ده وقررت استغلك
روبين : تستغلني انا ازاي
ادهم : هاخد اسم الجيم بتاعك وافتح فرع تاني في اكتوبر طبعا انتي الجيم بتاعك عمل سمعه وانا براس مالي هفتحلك فرع تاني في مكان تاني وابقي يا ستي شريك ليكي
روبين : بس انا مش مش لوحدي في المشروع ده يا ادهم ومينفعش اقرر فيه لوحدي انا معايا مليكه
ادهم : مفيش مشكله لو انتي عندك قبول للفكره نتكلم سوا مع مليكه وماظنش هيبقي عندها اعتراض وجايز نفتح فرع تالت ورابع وخامس
روبين : فكره حلوه جدا خلاص نتكلم مع مليكه
وهنا تدلف مليكه للكافتيريا وتسمع اسمها
مليكه : مليكه هنا مين بيجيب في سيرتي
ادهم : بنت حلال تعالي عايزينك
روبين : تعالي اقعدي يا مليكه ادهم عنده عرض لينا ولازم ناخد القرار سوا
مليكه : عرض ايه ده
ادهم : انا اقولك يا ستي
ويقوم ادهم بشرح العرض كله لمليكه
مليكه : حلو اوي دي فكره روعه وباذن الله تنجح وتكسر الدنيا
ادهم : لو كده يبقي اتفقنا ونبدا ندور علي مكان باقصي سرعه ونبدا نجهزه
روبين ومليكه : تمام علي بركه الله
ادهم بسعاده لنفسه : ادي اول خطوه عشان افضل جنبك ديما يا رب عقبال ما تبقي من نصيبي يا روبين
وهنا يرن موبايل روبين باتصال من بتول
روبين : ايوه يا حبيبتي انتي فين خلصتي
بتول : ايوه يا روبي انا في الطريق ليكي اجهزي يلا عشان منتاخرش
روبين : طيب هظبط اموري والبس علي ما توصلي
بتول : اوك يلا مسافه الطريق
روبين : اوك مستنياكي
تقوم روبين باغلاق الهاتف وتلتفت لادهم ومليكه فتجدهم يتحدثون سويا ويضحكون بشده فتشعر بالضيق الذي لا تعرف سببه
روبين : لو سمحتي يا لوكا لو مش وراكي كلاس تدخلي مكاني الكلاس الجاي عشان هروح مشوار مهم مع بتول ومش هقدر ارجع علي هنا النهارده
مليكه : ماشي يا حبيبتي روحي انتي انا موجوده اهو انا وادهم هنظبط الدنيا
روبين بضيق : اه .. ادهم .. طيب ماشي سلام انا بقي هروح اجهز
ادهم وقد لاحظ ضيقها : متقلقيش يا روبين احنا هنا روحي مشوارك
روبين : طيب ماشي سلام
مليكه وادهم : سلام
بعد زهاب روبين تلتفت مليكه لادهم وتحدثه فتجد عينه علي روبين وفي عالم اخر
مليكه : احم احم نحن هنا
ادهم: ها .. اه بتقولي حاجه معلش سرحت
مليكه بخبث : ايوه منا خدت بالي انك سرحت 😉😉 هيه ايه الحكايه بالظبط
ادهم : هقولك بس هيبقي سر بينا
مليكه : قول يا برنس سرك في بييييييير
ادهم : بصراحه كده يا مليكه انا بحب روبين من ايام الكليه وانتي عارفه ان هيه ملهاش في الجو ده وانا خايف جدا من رد فعلها واني اخسرها كصديقه وكحبيبه كمان
مليكه : والي يجسلك نبضها من بعيد لبعيد
ادهم : رقبتي ليه
مليكه : يبقي خلاص سيب الموضوع ده عليا بس اعمل حسابك انك تيجي الحفله السنويه للمجموعه بتاعت بابي
ادهم : هيه روبين جايه
مليكه : ايوه طبعا اومال انا بقولك تعالا ليه عشان متسيبش فرصه الا لما تكون معاها
ادهم : حلو اوي قشطه عليكي يا لوكا يا جامد هو ده الشغل
مليكه : طبعا يا بني انت مفكر ايه ده احنا شغلنا جامد اوي اوي
ادهم : والله انتي حبيبتي يا لوكا من زمان اوي 😉😉
تدخل روبين علي هذه الجمله فتتغير ملامحها وتحس بالاختناق ولا تعرف السبب
روبين : طيب يا جماعه انا كنت جايه اسلم قبل ما امشي مش عايزين حاجه بتول وصلت بره
مليكه وقد شعرت بضيقها : لا يا حبيبتي كلميني بالليل لما تروحي
روبين : ماشي يا لوكا سلام سلام يا ادهم
ادهم : سلام يا روبين .. وبصوت منخفض لا تسمعه سوا مليكه ( سلام يا قلبي )
مليكه : براحه علي نفسك برااااااحه
ادهم : بحبها بحبها اوي يا لوكا
مليكه بحزن وهيه تفتكر نائل : ربنا يجمعكوا يا رب علي خير وميوجعش قلب حد ابدا ابدا
......................................................................
والي هنا ينتهي هذا الفصل انتظروني في فصل جديد قريبا جدا
