داخل منزل وديع الالفي
وديع : هو فين البشر الي عايشين معانا هنا اتاخروا كده ليه النهارده
براء : روبين وبتول في المول بيشتروا حجات ونائل عنده اجتماع وقال هيتاخر شويه .. جعت يا حبيبي تحب نتعشي انا وانت علي ما يبقوا يجوا يتعشوا هما سوا
وديع : لا يا حبيبتي مجعتش ولا حاجه انا بسال بس عليهم وبعدين انا كفايه عليا اشوفك قدامي بشبع من الدنيا بحالها ❤️❤️
براء : هتفضل طول عمرك كده يا وديع كلامك ده الي مخليني عايشه ربنا يخليك ليا يا رب
وديع : ويخليكي ليا يا عمري كله
تدلف بتول وروبين علي مغازله ابيهم وامهم لبعض
بتول : احم احم نحن هناااااا .. راعو شعور السناجل يا نااااااس
روبين : ايه يا حاج انت مش هتبطل شقاوه
وديع : عيب يا بنات كده كسفتوا ماما اهي خدودها بقت طماطم اهي
براء : والله محد كاسفني غيرك يا دودي
بتول : دودي هيه وصلت لدودي لا انا اخد اختي الغلبانه دي ونتكل علي الله وخليكي انتي مع دودي يلا يا بنتي
روبين : اه والله يلا يا بنتي
براء : خدي يا بنت انتي وهيه رايحين فين
وديع : ما تسيبيهم يا ستي انتي مضايقه ليه روحوا يا بنات غيروا هدومكوا علي ما نحضر العشا
براء و روبين : اوك
هنا يدلف نائل : السلام عليكم
كلهم : وعليكم السلام ورحمه الله وبركاته
بتول تنحني علي روبين : شكله متخانق مع بوز الاخص بتاعته
روبين : باين كده يا خبر بفلوس بكره يبقي ببلاش
نائل : انا هدخل اغير هدومي علي ما تحضروا العشا عشان عايزك يا ماما انتي وبابا في موضوع مهم
وديع : خير اللهمً اجعله خير
براء : خير يا حبيبي
نائل : نتكلم علي العشا بعد اذنكوا هدخل اغير هدومي
براء وروبين : واحنا كمان هندخل نغير
براء : يلا بسرعه متتاخروش هروح اسخن الاكل مع ام فتحي علي ما تخلصوا
تدلف براء للمطبخ تجد ام فتحي منهكه في صنع الطعام
براء : ها يا ام فتحي كله جاهز الاولاد وصلوا
ام فتحي : ايوه يا ست براء كله جهز حالا واطلع الاكل للسفره
براء : طيب يا ام فتحي ناوليني الاطباق ارصها علي ما تجيبي الاكل
ام فتحي : اهم يا ست براء وراكي علي الرخامه
براء : طيب يلا حصليني بالاكل
تخرج براء من المطبخ وتتجه لغرفه السفره تجد وديع بداخلها
وديع : ها هتاكلونا ايه النهارده
براء : عملالكوا مسقعه هتاكلوا صوابيعكوا وراها
وديع : الله الله يا ست
هنا يدلف الجميع لغرفه السفره
روبين : مسقعه ايه يا ماما انا مش قلت مليون مره بلاش الاكل الدسم ده علي بالليل
براء : بت انتي يا بتاعت الدايت روحي شوفي عايزه تاكلي ايه خلي ام فتحي تعملهولك وسيبينا احنا في المسقعه
روبين : ودي تيجي بردوا 🤨🤨 هاكل مسقعه طبعا 😂😂
براء : ايوه كده اتلمي واقعد كلي
نائل : بعد اذنك يا ماما تحددي معاد مع خالتو بيسان وعمو مدحت عشان نتكلم في كذا حاجه كده بخصوص حياتي انا ومريام
براء : مريام ليه يا حبيبي حصل حاجه تاني
بتول : قولي عاشر ولا مليون
براء : بس يا بنت اسكتي خالص دلوقتي مش وقتك خير يا حبيبي ايه الي حصل
يقص نائل عليهم ما حدث في مكالمه مريام له ويوضح لهم عدم رغبته في اكمال هذه الخطبه اذا صممت علي رايها
بتول لروبين بصوت منخفض : يا رب تتمسك برايها ونفضنا من دي جوازه هم
روبين : ليه كده بس يا توتي كفايه ان اخوكي بيحبها
بتول : عشان هيه مبتحبش نائل مفيش حد بيحب حد يعذبوا كده ده انا عمري ما شفته فرحان معاها من يوم ما خطبها كل يوم خناق خناق
روبين : ربنا يصلح حالهم ويقدملهم الخير يا رب
بتول : يا رب
وديع : بص يا حبيبي انت يوم ما خطبتها محدش قالك انت بتعمل ايه ولا ليه ولا ازاي لان انا ربيتكوا علي ان كل واحد مسئول عن نفسه وقراراته ومدام انت شايف انك عايز كده انا وراك
نائل : شكرا يا بابا .. يا ريت يا ماما تاخدي منهم معاد بكره عشان نروح نتفق علي كل حاجه ونحط النقط علي الحروف عشان بعد بكره الحفله بتاعت بتول ومش هبقي فاضي خالص
براء بحزن علي ابنها لمعرفتها بحبه لابنه اختها : حاضر يا حبيبي ربنا يقدم الي فيه الخير
نائل : يا رب عن اذنكوا هقوم انام بقي
براء : انت ماكلتش حاجه يا حبيبي طبقك زي ما هو
نائل : مليش نفس يا ماما تصبحوا علي خير
كلهم : وانت من اهله
.............................................................................................
داخل فيلا العدوي
مالك : يا دلال يا دلال
دلال : ايوه يا ابني حمد الله علي سلامتك تحب احضر العشا
مالك : هيه مليكه رجعت
دلال : ايوه يا ابني رجعت وفي اوضتها قالت هتستناك تتعشوا سوا
مالك : وبابا مش موجود
دلال : موجود في مكتبه جوه
مالك : طيب حضري الاكل وتقدميه بنفسك مش عايز الي حصل الصبح ده يتكرر تاني عشان مزعلش حد
دلال بتوتر : حاضر مش هيتكرر تاني ابدا
مالك : حضري الاكل وعرفي بابا اننا رجعنا لو حابب يتعشي معانا وانا هبلغ مليكه
دلال : حاضر هحضر الاكل علي طول
يصعد مالك لغرفته ويقوم بالاستحمام وتغير ملابسه ويتجهه لغرفه مليكه
ويدق بابها
مالك : ممكن ادخل
مليكه : طبعا يا ابيه اتفضل تعالا
مالك : مش عايزك تزعلي من الي حصل مني الصبح انتي عارفه الموضوع ده حساس بالنسبالي ازاي
مليكه : لا يا حبيبي مفيش حاجه حصلت يلا بينا ننزل نتعشي تقريبا كده بابا هنا
مالك : اه في مكتبه قلت لدلال تبلغه بالعشا
مليكه : اه طيب يلا بينا
يهبطوا سويا لغرفه السفره فيجدوا اباهم بانتظارهم ودلال تضع الطعام علي السفره
مليكه : مساء الخير يا بابا
يوسف : مساء النور يا حبيبتي
مالك : مساء الخير
يوسف : مساء النور .. انا عديت علي الشركه النهارده اخدت الورق بتاع المناقصه الاخيره مش شايف ان المبلغ الي انت مقترحه ده كتير اوي عليها
مالك : بالعكس المناقصه لو رسيت علينا هتعوض الي هندفعه فيها عشرين ضعف
يوسف : لو انت شايف كده فانا واثق فيك اكيد هتبقي تمام .. قولي اخبار تنظيمات الحفله ايه
مالك : تمام كل حاجه جاهزه ومترتبه
يوسف : وانا معتمد عليك وعارف انك هتعمل حاجه تليق بسمعه شركتنا
مالك : ان شاء الله
يوسف : اخبار شغلك ايه يا مليكه
مليكه : تمام الشغل تمام
يوسف : بس كده احكيلي مش محتاجه اي مساعده
مليكه : لا شكرا انا تمام اوي ومش محتاجه مساعده احنا حتي هنفتح فرع جديد ومعانا شريك ثالث وان شاء الله الفرعين يبقوا ثلاثه واربعه
يوسف : ربنا يوفقكوا انا خارج ومش راجع النهارده ولا بكره اشوفكوا في الحفله باي باي
مليكه وهيه تنظر الي اخيها وتتأفف : اتفضل انا مش فاهمه اخرتها ايه هو مفكر نفسه لسه عنده عشرين سنه ده انت مبتعملش كده
مالك : سيبك منه مقولتليش مين الشريك ده
مليكه : ده واحد كان زميلنا في الكليه متقلقش هو اصلا كل الي هياخده اسم الجيم بتاعنا وهيفتح في مكان تاني بس
مالك : طيب يا حبيبتي بعيدا عن عرض بابا في المساعده لو احتجتي اي مساعده انا موجود
مليكه : عارفه يا حبيبي اكيد بس صدقني انا حابه اعتمد علي نفسي
مالك : هيه دي اختي حبيبتي 😘😘
..........................................................................................
في منزل مريام
بيسان ( والده مريام ) : خالتك اتصلت النهارده بتقول انهم جايين بكره يتكلموا معانا في حاجه حصلت بينك وبين نائل ولا ايه
مريام : العادي بتاعنا نائل عرف اني مضيت عقد جديد وركبه ميت عفريت ويا هو يا البرنامج
بيسان : ازاي يعني انتي مش معرفاه انك مش هتدفني نفسك وان ده مستقبلك
مريام : ايوه يا مامتي شوفتي بقي اهو رجع في كلامه معايا وكل وعوده
بيسان : اتمسكي برايك وهو هينخ زي كل مره ده بيموت فيكي
مريام : منا هعمل كده هو يقدر يعيش من غيري ده بيعشقني
بيسان : ايوه كده بنت امك صحيح
مريام : حبيبتي يا مامتي
.............................................................................................
في منزل دلال تجلس نجمه خلف لوح الرسم الخاص بها وتمسك بالفرجار ( وهي اداه يستخدمها المهندس في رسم الدوائر ) وتقوم برسم هندسي مطلوب منها ولكنها فجاءه تشرد في ما حدث صباحا
نجمه لنفسها : يا ترا ايه الي وراك يا سي رامز وحاطتني في بالك ليه
ايه ده وانا مالي بيه بفكر فيه ليه ركزي ياختي ركزي انتي فين وهو فين ده هتلاقيه قال لنفسه بنت حلوه وغلبانه ويضحك عليها بس والله منا معبراه انا اركز في كليتي وبس حاجه تانيه لا
وهنا تجد هاتفها الذي وضعته علي وضع الاهتزاز يهتز دلاله علي وجود اتصال تجده رقم غير مسجل
نجمه : الو ايوه مين معايا
رامز : الله صوتك حلو اوي في التليفون
نجمه : افندم مين حضرتك
رامز : انا الي سرقتي قلبه وعقله وبقي ماشي هيمان علي روحه ولا عارف ياكل ولا يشرب واتجنن خلاص
نجمه بارتباك : انت هتستهبل لو مقولتش مين معايا والله لقفل السكه
رامز : تقفلي ايه بس هو الصبح تسيبيني وتمشي وبالليل مش عايزه تكلميني والله حرام عليكي
نجمه : هو انت انت جبت رقمي منين وازاي تسمح لنفسك تكلمني في وقت زي ده
رامز : جبت رقمك منين انا ليا اساليبي الخاصه
Flash back
مالك : ايه الي جابك دلوقتي يا ابني
رامز : مفيش كنت معدي قلت ادخل اشرب معاك قهوه
مالك بشك : قهوه طيب تعالا ندخل المكتب ونطلب القهوه
رامز : اسبقني انت علي المكتب هدخل الحمام واقول للي في المطبخ يعملولنا القهوه في طريقي
مالك : طيب
رامز لدلال : ازيك يا داده اخبارك ايه وحشاني جدا والله
دلال باستغراب : وحشاك ما انت كنت هنا امبارح يا ابني خير جاي المطبخ ليه
رامز : اعمليلنا قهوه من ايديك الحلوين ومعلش يا داده هاتي تليفونك كده اعمل منه مكالمه لحسن تليفوني فصل
دلال : خد يا ابني علي ما اعمل القهوه
ياخذ رامز الهاتف ويبحث عن رقم نجمه ويقوم بتسجيله ثم يعطي الهاتف لدلال مره اخري
رامز : شكرا يا داده مردش عليا خلاص لما ابقي افتح فوني هبقي اكلمه هاتي القهوه المكتب بقي
دلال : حاضر يا ابني جايه وراك اهو
End
نجمه : انا مضطره اقفل وبعد اذنك متتصلش علي الرقم ده تاني
رامز : طيب استني بس مستعجله ليه انا حبيت اقولك تصبحي علي خير
نجمه : وانت من اهله يا سيدي سلام بقي
تغلق نجمه الهاتف ثم تنظر اليه وتحدث نفسها : بني ادم غريب هو انا ناقصه يا ربي
..........................................................................................
والي هنا ينتهي هذا الفصل الي اللقاء في فصل جديد 😘😘
