داخل الصيدليه التي تعمل بها بتول تقف بتول تعمل باجهاد وعلامات الاجهاد واضحه عليها فاليوم اول الشهر وموعد استلام الطلبيات الخاصه بالصيدليه
بتول : دخل دول يا عم محمد المخزن وسيب دي ودي هنا هنرصهم
عم محمد : حاضر يا دكتوره طيب ودول
بتول : دول ايه دول يا هايدي
هايدي : دول المرتجع يا دكتوره
بتول : لما دول المرتجع يا دكتوره مش مكتوب عليهم ليه اتفضلي اكتبي عليهم من فضلك
هايدي : مكتوب يا دكتوره بس من النحيه التانيه حضرتك مش شيفاه
بتول : معني اني مش شيفاه يعني وارد جدا ان غيري ميشفهوش عشان كده قلت الكتابه تبقي علي الكرتونه من فوق اتفضلي هاتي الماركر واكتبي عليها من فوق .. وانت يا عم محمد دول هتاخدهم معاك وانت راجع دول المرتجع زي ما سمعت يلا يا جماعه في الانجاز لازم الزحمه دي كلها تنفض النهارده
عم محمد : هدخل دول المخزن حاضر وهرجع احمل دول علي العربيه هروح انا
بتول : اتفضل يا عم محمد .. عملتي الي قولت عليه يا هايدي
هايدي : بطبع باركود جديد يا دكتوره حاضر
بتول : خلصي واطلبيلنا اسبريسو بالله عليكي دماغي هتنفجر
ليدخل مالك عليهم يحمل بيديه كوبين من القهوه
مالك : طيب ما تمشيش قهوه مظبوط يا دكتوره
بتول بدهشه : مالك .. قصدي دكتور مالك اتفضل ده واجب علينا والله تاعب نفسك ليه
مالك : جاي اشوف الشغل يا دكتوره فيها حاجه دي بعد اذنك يا دكتوره هايدي تسيبينا شويه
هايدي بشك : اه اه طبعا طبعا يا دكتور انا هدخل اشوف العمال جوه في المخزن
مالك : وحشتيني
بتول : وانت كمان وحشتني مش اتفقنا نتقابل بعد الشغل ايه الي جابك هنا بس
مالك : وحشتيني مقدرتش استني لحد معادنا ودي فيها ايه دي
بتول بخجل : انت كمان وحشتني اوي بس كده يقولوا علينا ايه
مالك : يقولوا الي يقولوه يا ستي حد له عندنا حاجه واحد وحبيبته الله
بتول بخجل : حبيبته ☺️☺️
مالك وهو يمسك يديها : حبيبته وروحه وقلبه كمان عندك مانع
بتول : لا لا مانع ايه بس
مالك : ايوه كده يلا بينا نمشي بقي
بتول : لسه يا مالك مش هينفع النهارده لازم اخلص الطلبيه دي واقف علي رصها وقدامي مش اقل من ساعتين شغل هشرب معاك القهوه دلوقتي ونتغدي سوا بعد الشغل انا عزماك يا سيدي حلو كده
مالك : مممممم مدام عزماني ماشي هشرب القهوه وارجع الشركه وبعدين نتقابل بعد الضهر نتغدي سوا 😉
بتول : ماشي
ليجلس مالك معها يتناولون القهوه ولم تخلوا جلستهم من نظراتهم العاشقه وكلام مالك الذي يخجل بتول وعشق بتول الواضح للعيان
*************************************************
داخل منزل مريام تقف في منتصف غرفتها حائره لا تعلم ماذا يجب ان تفعل لتسترد حبها الضائع لتدخل عليها امها
بيسان : هتفضلي موقفه حياتك كده كتير وقافله علي نفسك كده ومبتطلعيش من الاوضه دي قومي ساعديني في شغل البيت يلا
مريام : تعالي يا ماما انا عيزاكي بعد اذنك
بيسان : خير يا اخره صبري في ايه
مريام : عايزاكي تساعديني ارجع نائل
بيسان : ايه بتقولي ايه انتي هبله يا بت انتي ترجعي مين نائل ده كرامته وجعته لما فضلتي شغلك عليه تقومي لما تعملي بلوتك دي تقولي هرجعه
مريام : نائل بيحبني انا متاكده وملكيش دعوه هرجعه ازاي عيزاكي بس تساعديني اعرف اخرج من هنا وتغطي عليا
بيسان : انا مليش دعوه بيكي ابعدي عني انا لو طاوعتك هيتخرب بيتي ابوكي حالف عليا ياختي
مريام : يا ماما يا حبيبتي انا مهما كان بنتك حبيبتك بردوا يرضيكي الي انا فيه ده انا هعمل كده ليه مش عشان اصلح غلطي وارجع نائل
بيسان : طيب يا مريام هنزلك بس متتاخريش واوعي ابوكي يحس بحاجه
مريام : والله مش هتاخر هروح ابص علي نائل بس وهرجع علي طول ساعه بالكتير وابقي هنا
بيسان : طب اجهزي يلا علي ما اشوفلك الطريق
مريام : هوااا وابقي جاهزه
لتخرج بيسان من الغرفه وتترك مريام تتجهز للخروج
