صباح يوم جديد يحمل الكثير والكثير علي جميع ابطالنا
داخل الفندق تستيقظ جميله من نومها تجد رامز يتكأ علي يديه ينظر اليها وكانه لا يصدق وجودها بجانبه وحين رآها تفتح عينيها ابتسم قائلا
رامز : مهلكتي 😍😍
جميله بابتسامه : صباح الخير
رامز : صباح الورد والفل والجمال .. هو انا كل يوم هصحي علي الجمال ده
جميله وهي تعتدل في نومتها : اها كل يوم كل يوم مش هسيبك يوم واحد تصحي من غيري
رامز : يا حلاوه كده لا هيبقي فيها شغل ولا هيبقي فيها قومان من علي السرير من اساسه
جميله بغمزه : من اساسه من اساسه يعني 😉😉
رامز : ايه ده ايه ده اااااااه قلبي يا لهوي ياني ايه القمر ده
جميله : بس بقي بتكسف الله 🙈🙈
رامز : بتتكسفي طيب تعالي بقي لما اقولك 😘😘
جميله وهي تضحك بصوت عالي : تقولي ايه استني بس يا رااااااامز الله
رامز : استعنا علي الشقي بالله 🤣🤣
واخدها في عالم من نسج خيالهم لا يستطيع تخطيه غيرهم وحدهم ❤️❤️
.......................................................................
في غرفه بتول تستيقظ من نومها وقد شغلها التفكير فمنذ تلك اللحظه التي حادثتها مليكه فيها بالامس لتعلم عن عرض مالك اليها وانها باستطاعتها بدا العمل معهم مده السنه التي ستنتظر فيها لحصولها علي ترخيص صيدليتها وهي شارده لا تعلم ااذا كان قرارها التي اتخذته بان تعمل في الشركه بصواب ام لا فاخذت قرارها بانها يجب ان تتحدث مع والدها فهو الوحيد الذي سيعطيها القرار الراجح لذلك فقامت للتتجهز متجهه الي غرفه ابيها وما ان همت بدق بابها حتي فتح ووجدته يخرج من الغرفه
وديع : خير يا حبيبتي في حاجه
بتول : اه يا بابا كنت عايزه اخد رايك في حاجه كده
وديع : طيب تعالي ندخل شكله موضوع كبير اوي
بتول وهي تدلف معه داخل الغرفه : انا اصلي عرفت امبارح بالليل اني مش هعرف اخد الترخيص بتاع صيدليتي الا بعد سنه من تاريخ تخرجي وفي نفس الوقت عرفت ان عرض شركه العدوي ما زال قائم بالنسبه ليا واني اقدر اشتغل معاهم وان شغلي هناك مش هيقصر علي ممارستي موهبتي بس لحد دلوقتي مش قادره اقرر اعمل ايه
وديع : بصي يا حبيبتي انا رأيي انك بدل شايفه انه مش هيقصر علي ممارستك لهوايتك ان ده خير ليكي اهو تكتسبي خبره في مجالك خصوصا ان شركه العدوي من اكبر الشركات المتخصصه في مجالك
بتول وقد لمعت عينيها : انت رايك كده يا بابا مدام كده اروح بقي اجهز واطلع علي الشركه ابلغهم قراري
وديع باستغراب من لهفتها : ماشي يا حبيبتي ربنا يوفقك
وديع لنفسه : انا ليه حاسس ان فرحتها دي مش فرحه بشغلها في حاجه غامضه ربنا يجعله خير يا رب
.......................................................................
داخل غرفه نائل كان مستيقظا متمددا علي فراشه سارحا في ما حدث امس معه بخصوص مريام حيث اتصل عليه صديقه مازن مساءا ليعلمه انه قد تم عقد القران وان عمه مدحت قد اخذ ابنته راحلا يجر اذيال الخيبه ورائه منكس الراس
ولكنه سرح ايضا في شعوره بخيبه الامل في قلبه الذي اختار شريكه خطئاً ونهر نفسه بشده لتفكيره فيها بعد كل ما حدث ولكنه سرعان ما جال بخاطره مليكه ووقفتها معه ولهفتها عليه ونظراتها اليه وحديثها معه مهلا مهلا ما هذا الذي افكر فيه مليكه .. مليكه .. مليكه .. بعينيها الآسره بسحرها الخاص قام من رقدته فجاءه ناهرا نفسه يهز راسه لعله يستطيع اخراج هذه الافكار التي تسيطر علي عقله وذهب للمرحاض ليتجهز ويخرج لعمله تاركا خلفه احساسه الجديد الذي تولد داخله
.......................................................................
داخل الجيم جلست روبين خلف طاوله يجالسها ادهم يتحدثان معا
ادهم : ها قولتي ايه يا بنتي عندي شغل عايز اقوم
روبين : والنبي ده كلام يعني ترمي عليا القنبله وتجري
ادهم : قنبله ايه بس بقولك انا عايز نحدد فرحنا اخر الشهر ده تقوليلي قنبله
روبين : ايوه طبعا قنبله شهر ايه ده الي اجهز فيه
ادهم : شهر الا اسبوع يا روحي 😉😉
روبين : اهو اهو اديك قولت بنفسك شهر الا اسبوع دول اعمل فيهم ايه دول
ادهم : الشقه وجاهزه ناقص نفرشها وده مش هياخد وقت ننزل اي يوم شوفي الي انتي عيزاه ونفرشها فورا حجز القاعه وده متشغليش بالك بيه نحجزها حالا لو تحبي ايه تاني
روبين : حاجتي ولبسي وفستاني والكوافير وووووو وحجات كتير اوي الموضوع ميتاخدش قفش كده يا ادهم
ادهم : قفش قفش ايه يا روبين احنا بقالنا قد ايه مخطوبين هو عشان بحبك وعايزك تبقي معايا تقوليلي قفش خلاص براحتك يا روبين ولما تبقي جاهزه ابقي بلغيني
روبين : استني بس يا ادهم انت بتقفش ليه بس احنا بنتناقش يا حبيبي وبعدين طيب منا كمان بحبك ونفسي نفضل سوا علي طول 😌😌
ادهم بفرحه : وحياه امك يا شيخه بتحبيني يا بركه دعاكي ياما اهو ده الكلام يبقي هكلم عمي وابلغه اننا اتفقنا علي المعاد اخر الشهر 😘😘
ويهم سريعا ليتركها في ذهولها لا تفهم اي شيء مما حدث
روبين : والله مجنون انا بحب مجنون
وهنا تدخل مليكه عليها تجدها تبتسم وتحدث نفسها
مليكه : يا صباح النعناع
روبين : والله انتي الي يشوفك ميقولش عليكي بنت ناس ابدا يقول عليكي جايه من السوق
مليكه : الله ده كله عشان النعناع طيب بلاش متزعليش خليها جرجير 🤣
روبين : هتشليني والله
مليكه : بس مقولتليش ايه سبب الابتسامه الحلوه دي علي الصبح كده
روبين : ادهم يا ستي حدد معاد فرحنا اخر الشهر
مليكه : اخر الشهر ده الي هو ازاي انا مقولتلوش كده
روبين بشك : قولتيلوا قولتيلوا ايه انتوا بتتفقوا عليا من ورايا 😡😡
مليكه : اووووبس انا نيلت ايه بصي بقولك ايه روحي كلمي جوزك وانا مالي
وتقوم لتغادر المكان سريعا الا ان يد روبين امسكت بها جيدا
روبين : بت انتي هتقولي في ايه ولا اعملها معاكي
مليكه : لا والله هقول يا ستي هو كان واقف امبارح يتفرج عليكي من ورا الباب وانتي بتمرني فانا اقترحت عليه انه بدل ما هو هيمان كده يتجوزك بقي ويخلص بس دي كل الحكايه
روبين بخجل : كان واقف يتفرج عليا ازاي يعني
مليكه : شوفي بقولها ايه وهيه بتقول ايه انا قايمه بدل ما يجيلي شلل منكوا انتوا الاتنين ..
روبين : انتي رايحه فين قولتيلي هحكيلك بكره لما اشوفك ومحكيتيش حاجه
مليكه باضطراب: منا قولتلك مش حاجه مهمه يعني يا روبي
روبين بشك : مش حاجه مهمه طيب براحتك
مليكه بملل : طيب خلاص هحكيلك
وتقوم مليكه بقص عليها كل ما حدث معها منذ وقوفها امام القسم الي ما حدث بعد ذلك
روبين : غريبه اوي هو فعلا رفض يتعشي امبارح وقال انه تعبان وعايز ينام يا ترا ايه الي حصل معاه
مليكه بحزن : يا ريتني اعرف ماله كنت شاركته المه
روبين : هيحس يا حبيبتي بحبك صدقيني وانتي اصلا تتحبي اكيد هيحس انتي بس اصبري
مليكه : يا رب يا روبي يا رب
.......................................................................
داخل شركه العدوي
تصل بتول الي وجهتها وما ان همت بالدلوف داخل الشركه حتي اصطدمت بجسد احد الاشخاص
بتول : انا اسفه جدا ماخدتش بالي
محمد وقد تاه في جمالها : لا ابدا ولا يهمك يا فندم اقدر اساعدك شكلك جديده هنا
بتول بحرج شديد : انا فعلا جديده بس شكرا انا عارفه طريقي بعد اذنك
محمد : اتفضلي
محمد لنفسه : مين دي يا ترا وايه يا ربي الجمال ده سبحان الله
تتجه بتول الي السلم تصعده فهي لن تجازف بان يحدث معها مثل اخر مره صعدت بتول السلم بصعوبه شديده الي ان وصلت الي وجهتها فوقفت جانبا تستجمع انفاسها الهادره ثم اتجهت ناحيه مكتبه لتستاذن السكرتير بالدلوف اليه وداخلها اعصار يجتاحها من الداخل فهي ستراه ولكن هل ما قالته مليكه بخصوص مرضه صحيح وهو يستثنيها ام ان مرضه ليس بهذا الحد الذي وصفته مليكه لهم وما تشعر به نحوه ما هو الا مجرد حب من طرف واحد وهنا فاقت علي صوت حمدي ياذن لها بالدخول فتوجهت الي باب مكتبه طارقه بابه حتي سمعت اذنه بالدخول
وما ان دخلت حتي وجدته يقف وعلي وجهه ابتسامه اسرت قلبها وضي عيناه الذي اضاء اركان عقلها مسلطه عينيها عليها تشبع منها وتنهال من نظراته ما يشبع اشتياقها له اهي حقا تشتاقه الهذه الدرجه وصل حالها
اما هو وما ان دلفت مكتبه ورأاها ببدلتها السوداء ذات الطابع الكلاسيكي ترتدي اسفلها شمير من اللون الزيتوني يشبه لون عيناها وتضع عطرها الذي تخلل داخل انفاسه قاطعا احساسه باستنشاق اي شيء عاداه وابتسامتها العذبه وشعرها التي موجته علي جانب واحد من وجهها فتغلل اليه شعور داخله بانه يود لو يتلمسه وجد نفسه يبتسم اليها كالابله ويقف وكانه منساق اليها يمد يديه التي استقبلتها بيديها لترد سلامه وهنا تاها سويا علي اثر تلك الملامسه لليدين شعرا فيها وكان تيارا من الكهرباء قد سار باوردتهم فتنحنح مالك
مالك : اهلا يا دكتوره نورتي مكتبي
بتول بخجل وقد فاقت من تيهها : اهلا يا دكتور اسفه لو جيت من غير معاد
مالك بتسرع : من غير معاد ايه انا مستنيكي من بدري .. اا.. اا. اقصد يعني اتفضلي مش محتاجه معاد
بتول : شكرا ليك جدا .. اكيد حضرتك بتسال انا جايه ليه
مالك : قبل اي كلام تشربي ايه ومفيش اعتراض
بتول : مش عارفه بس ممكن اشرب قهوه ساده من فضلك
مالك : اوك
يقوم مالك بطلب القهوه لبتول ويطلب قهوته الخاصه وماهي سوا دقائق حتي سمع دق علي باب غرفته فاذن للطارق بالدلوف ولكن استغرب من ان من يجلبها شخصا لا يعلم هويته وما اثار اعصابه انه وجده لا يرتدي جلافز في يديه فقام من جلسته مزعورا
مالك : انت مين وازاي تمسك الفناجين بايديك كده انت مجنون
الساعي : والله يا فندم غسلت الفناجين كويس وايدي نضيفه اصلي مش بقدر البس الجوانتي الملزق ده
مالك بعصبيه : جوانتي ملزق ايه وبتاع ايه ايه الاستهبال ده انت يا حمدي انت يا زفت
ياتي حمدي سريعا : نعم يا دكتور في ايه
مالك : مين الي جاب الراجل ده هنا فين عم محمد ازاي ازاي ده حصل ده استهتار
كل هذا تحت انظار بتول المندهشه بشده ولم تنطق حرف واحد تشاهد ما يحدث بزهول فقط ويتاكد لها صدق كلام مليكه ولكن ما ادهشها اكتر لما الوضع معها مختلف
حمدي : عم محمد اجازه يا دكتور وحسام جه مكانه واحنا كاتبنله كل التعليمات بالحرف
حسام الساعي : والله يا فندم غاسل الفناجين وايدي كويس
مالك : اتفضل لو سمحت شيل الفناجين دي من هنا مش عايز قهوه اتفضل
حسام : حاضر حاضر
مالك : لما يبقي حد من العاملين في الشركه وفي وضع حساس زي وضع عم محمد يغيب عن الشركه لازم يبقي عندي علم يا استاذ حمدي ولا ايه
حمدي بارتباك : حضرتك عندك حق يا فندم دي غلطتي انا اسف انا هعمل لحضرتك القهوه بنفسي عن اذنك
مالك : اتفضل
ثم يلتفت لبتول التي نسي وجودها بالفعل من فرط انفعاله فيجدها مصنمه في مكانها لا يبدي عليها اي رد فعل غير الاندهاش والتوتر
مالك : انا اسف جدا جدا بجد بس في قوانين في حياتي كده يعني ااااااا مش عارف الصراحه اقولك ايه
بتول بتفهم : لا مفيش مشكله ولا اكن حاجه حصلت نقدر نكمل كلامنا
مالك : غالبا انا عارف السبب في وجودك النهارده عشان اكون صريح معاكي بس خليني اسمعك
بتول بدهشه : عارف السبب امممممم طيب يبقي ادخل في الموضوع من غير لف او دوران لو لسه عرض شركتكوا بالنسبه لشغلي معاكو قائم فانا احب استفاد من خبرتكم وانضم ليكوا بس لازم الاول حضرتك تعرف ان عندي موهبه بمارسها ومش عايزه شغلي معاكو يأثر عليها
مالك بعمليه شديده : طبعا العرض لسه قائم بس زي ما حضرتك يا دكتوره قلتي مش عايزه شغلك معانا يعطلك عن ممارسه موهبتك احنا كمان مش عايزين موهبتك تأثر علي شغلك يعني زي ما هتلتزمي بممارسه موهبتك تلتزمي بشغلك
بتول : دي حاجه اكيده
مالك : كده احنا متفقين تقدري تبداي شغل معانا من امتي
بتول : من حالا لو حضرتك حابب
مالك لنفسه : حابب جدا ده انا لو عليا اققعدك قدامي في المكتب مقومكيش لحظه
مالك : تمام بس هنديكي النهارده راحه تستعدي فيه ونحدد طبيعه الشغل المناسب ليكي وبعدين تبداي
بتول : تمام بعد اذن حضرتك امشي انا ويا رب مكنش عطلت حضرتك
مالك : لا مفيش اي مشكله اكيد شرف لينا شغلك معانا
بتول بابتسامه خجل : شكرا ليك استاذن بقي
مالك وهو يمد يده للسلام : مع السلامه
غادرت بتول وداخلها اعصار من العواطف شعور داخلي بالسعاده وتناقض قوانينه التي اكتشفت لتوها انه لا يخلفها مع احد سواها وشعور داخلي اخر بضروره معرفته اكتر واكتر
.......................................................................
والي هنا ينتهي فصلنا لليوم 😥😥 انتظروني في فصل اخر قريبا
