يوم زفاف رامز وجميله حيث اقنعهم بجعل الحفل لزفافهم وليس خطبتهم بما انه قد تم كتب كتابهم بالفعل وبالرغم من اعتراض والدتها لعدم استطاعتهم تجهيزها بهذه السرعه الا ان رامز تكفل بكافه المصاريف ولم يلزمهم بشيء وتم الاستعداد علي وجهه السرعه حيث انهم قرروا المكوث في بيت رامز علي ان يهتموا بفرشه من جديد وتجديده بعد الزواج فوافقوا
جميعا وتم تحويل الحفل لحفل زفاف ضخم والاستعداد له علي اكمل وجهه في خلال يومين فقط
داخل غرفه العروس المخصصه لها لتتجهز تقف جميله في منتصف الغرفه حيث انها قد انتهت من الاستعداد وفي انتظار حضور رامز ليصطحبها للاسفل حيث قاعه الاحتفال
يدخل عليها رامز الغرفه فيراها في مشهداً لا يليق سوا بها فقط بفستانها الملائكي تشبه حوريات الجنه فائقه الجمال رائعه الملامح التي زينتها بعض ادوات التجميل القليله جدا ولكنها رائعه ترفع شعرها الي الاعلي بتسريحه ملائمه لوجهها الطفولي البريء ويوضع عليه تاج جعل منها ملكه متوجه علي عرش قلبه ما هذا الجمال يا الله اهذه الحوريه ملكي انا
كل هذا وجميله تقف ترتجف من الخجل من نظراته العاشقه الساطعه علي ملامح وجهه وهيامه بها .. استعدات صوتها التي خشت ان يكون اختفي وقالت بصوت كالهمس
جميله : رامز انا طالعه حلوه
رامز وكانه مسحور : مهلكه
جميله بعدم فهم : بتقول ايه مسمعتش
رامز : ايه الجمال ده كله الجمال ده كله ليا انا .. لوحدي .. لا ده احنا شكلنا مش نازلين النهارده بلا فرح بلا بتاع ويقترب منها ويحتضنها ويشتم رحيق عطرها النابع من جسدها عبر رقبتها
جميله بخجل : ابعد يا رامز يا رامز الطرحه هتقع يا حبيبي مش كده الفرح والمعازيم والناس الي تحت دول هنتاخر يلا بقي
رامز وهو يستعيد وعيه الغائب في روعتها فيبتعد عنها بعد معاناه : احم احم امشي يا جميله قدامي يلا .. لا لا قدامي ايه تعالي هنا تعالي امشي جنبي .. لا لا احسن تمشي ورايا اه امشي ورايا احسن يلا بينا
جميله وهي تكتم ضحكتها الخجوله : يلا يا حبيبي يلا
رامز وهو يلتفت لها : مسمعش منك كلمه حبيبي دي طول ما احنا تحت اقولك مش عايز اسمع نفسك لحد ما نطلع السويت بتاعنا .... صبرني يا رب صبرني
ياخذها رامز متجهين للاسفل حيث قاعه الاحتفال ويقودها علي انغام الموسيقي العذبه حتي كوشه العرس امام انظار الحاضرين وانظار اخوها ووالدتها المحتقنه عيناها من كثره دموع الفرح بابنتها وهي تري حب رامز لها وسعاده ابنتها وتتمني لهم السعاده الدائمه
وعلي انغام الموسيقي الهادئه ابتدا الحفل برقصه العروسين علي استيدج الرقص وهم يتمايلون في احضان بعضهم البعض وكل منهم شارد في احاسيسه مغيبين عما حولهم حتي وجدها تضع راسها علي صدره فتصلب جسده من تحتها من فرط مشاعره التي تقوده للهلاك لا محاله
رامز : جميله بالله عليكي حاولي متقربيش اوي كده انا اسف اني بقطع عليكي لحظتك بس انا بجد مش قادر اتحكم في نفسي اكتر وانتي بتقربي اوي كده انا فاضلي تكه وهعمل الي لا انتي ولا حتي انا اتصور ان ممكن يحصل قدام كل الناس دي
جميله وقد توردت خداها من شده الخجل من كلامه تبتعد عن صدره وتنظر اليه داخل عينيه وهي تغمغم : حاضر يا رامز
رامز : يا بووووووووووووي لا لا كده كتير بجد خدودك احمروا وبراءه مشفتش بعد كده ( مقلدا اياها ) حاضر يا رامز .. هموت منك وربنا
ترفع يديها وتضعها علي فمه : بعد الشر عنك يا حبيبي اوعي تقول كده تاني
رامز وقد فقد اعصابه : جميله كفايه بجد كفايه اقولك تعالي نقعد تعالي
ويسحبها خلفه حيث مكان جلوسهم : اقعدي اقعدي يا جميله اقعدي يا حبيبتي ربنا يسترها عليكي اقعدي
جميله بهدوء : حاضر هقعد اهو بس بس
رامز : بس ايه بس بس اييييييييه
جميله : اقعد انت كمان الناس بتتفرج علينا
رامز وقد انتبه لنظرات الحضور المتفحصه لهم : اه اه عندك حق هقعد اهو
وهنا وجد من يضع يديه علي كتفه
مالك : مالك يا رامز في حاجه انت تعبان وشك اصفر كده ليه ووقفت الرقصه في نصها في حاجه
رامز : مالك حبيبي تعالي عايزك جيت في وقتك
مالك مستغربا : في ايه تعالا نقف علي جنب بعيد عن الدوشه دي
رامز : اه اه حلو الاقتراح ده تعالا
يمشي رامز امامه ومالك خلفه حتي وقفوا بعيدا عن الانظار قريبين من الكوشه
مالك : مالك يا ابني في ايه
رامز : معرفش مالي حاسس ان قلبي هيقف مش قادر اتلم علي اعصابي لما بشوفها قدامي بحس ااااااا بحس اني بحس بحجات غريبه اول مره احسها في حياتي يا مالك
مالك وقد فهم صديقه : طيب اهدي خش الحمام الي وراك ده اغسل وشك واشرب ميه كده واهدي انا مستنيك هنا اهو يلا
رامز : اوك
يدلف رامز للمرحاض بينما مالك يقف ينتظره ولكنه ينظر عبر باب القاعه منتظرا حضورها حضور بتوله نعم بتوله لقد اعترف اخيرا لنفسه بحبه وولهه بها تاكد من مشاعره وهيه في داخل احضانه هذه المره داخل المصعد
رامز وقد خرج من المرحاض : يلا يا مالك شكرا بجد انك معايا
مالك : شكرا ايه يا ابني انت اخويا مش صاحبي انت ناسي ولا ايه
رامز ممتنا له : لا يا مالك انت فعلا اخويا انت عارف كويس اني مليش غيرك بعد وفاه امي وابويا وانا فعلا مليش غيرك ربنا يخليك ليا
مالك : ويخليك ليا يلا بقي لحسن الفرح من غير عريس ميبقاش فرح وزمان العروسه قلقت عليك حاول تتمالك نفسك شويه الكام ساعه دول عشان متضيعش عليها فرحتها بتصرفاتك دي😉😉
رامز : اوك يلا بينا
يذهب وامز ومالك حيث كوشه العرسان ويجلس رامز بجوار جميله ويسحب كف يديها ويقبله
رامز : اسف يا حبيبتي كنت محتاج اغسل وشي
جميله بقلق : حبيبي انت كويس
رامز : كويس يا حبيبتي كويس مدام بقيتي معايا
جميله بخجل : ربنا يخليك ليا يا رب
رامز : ويخليكي ليا يا رب انا دلوقتي معتش ليا غيرك انتي ومالك اوعي تبعدي عني يا جميله
جميله : انت روحي وجوزي وحبيبي اسيبك واروح فين بس انا قاعده علي قلبك
رامز : قصدك قاعده جوه قلبي 😍😍
.........................................................................
علي طرف اخر يقف مالك وبجواره مليكه اخته ويوسف والده يتحدثون ولكنه لم ينزل عينيه عن باب القاعه منتظرا اياها ان تاني لما كل هذا التاخير ايعقل ان لا تاتي وهنا وفي هذه اللحظه دلفت بتول ملاكه الساحر بطلتها الخاطفه للانفاس بفستانها الاسود بحملاته الرفيعه من اللون الاوف وايت ذو فتحه صدر مربعه ينسدل علي طول جسدها مفصلا اياه حتي الكاحل بفتحه من الاسفل حتي ركبتها من الخلف وعينيها الزيتونه التي قامت بتحديد حولها بالكحل الاسود فاصبحت واضحه اكثر من زي قبل سبحانك يا ربي خلقت فابدعت .. لاحظت مليكه نظراته الهائمه المصوبه نحو الباب لتلتفت فتجد بتول تدلف منه
مليكه : ايه ده بتول بتعمل ايه هنا دي
مالك بشرود : اه بتول بتول جت اهي
مليكه بشك متذكره ما حدث في الحفل ونسيانها تماما حاله اخيها من بعدها لتزفر بضيق علي عدم اهتمامها بحال اخيها وسؤاله عن ما حدث : عن اذنكوا هروح اسلم عليها
مالك وهو يمسكها بعنف من يديها : لا خليكي هيه غالبا شافتك وجايه علينا تسلم عليكي
مليكه : حاضر حاضر بس سيب ايدي ايدي وجعتني
مالك وهو يفك حصار يديها من قبضته عليها : اسف اسف ماخدتش بالي انتي كويسه
مليكه : مفيش حاجه يا حبيبي اهدي
دخلت بتول القاعه وهي تبحث بعينيها عنه هي تعلم حد اليقين انه موجود اليوم فهو صديق رامز المقرب الي ان رأته فوجد قدميها تساق اليه رغما عنها كانت كالمغيبه وما ان لمحت مليكه بجواره اتخذتها حجه مناسبه لكي تسلم عليهم
بتول : مليكه ازيك يا قمر اخبارك ايه محدش بيشوفك خالص بقالي زمن مشوفتكيش ايه يا بنتي مبنوحشكيش خالص
مليكه : حبيبتي يا توتي ازيك اخبارك ايه انتي جايه تبع العريس ولا العروسه
بتول : الصراحه انا جايه تبع العريس في ظروف غريبه هبقي احكيلك بعدين
( كل هذا وهي تختلس النظر نحو مالك فتراه مسلط عيناه عليها )
مليكه : اكيد .. اعرفك مالك اخويا اكيد تعرفيه
بتول وهي تمد يديها بالسلام تحت انظار مليكه التي تتفحص اخاها وبتول وحين همت بتول برفع يديها للسلام عليه ووجدت اخاها لا يرتدي الجوانتي الخاص به خشيت ان يرفض سلامها ولكن ما صدمها حقا انه رفع يديه كمن كان ينتظر فعلتها هذه للسلام
بتول : اهلا دكتور مالك ازي حضرتك طبعا اعرفه يا مليكه
مالك : اهلا يا دكتوره اخبارك ايه
مليكه بخبث: دكتور ودكتوره ايه الرسميات دي احنا مش في شغل هنا احنا في فرح
بتول : ايوه فعلا عندك حقك بلاش رسميات ازيك يا دكتور 😂😂
مالك وهو يضحك من ردها : الحمد لله ازيك انتي
بتول لنفسها : بقيت كويسه اوي وقت اما شوفتك
بتول : الحمد لله .. هستاذنكوا ادور علي بقيت فرقتي اشوفهم فين
مالك : اتفضلي طبعا ويا ريت تشرفينا بانك تقعدي معانا لما تخلصي
بتول : ان شاء الله عن اذنكم
تذهب بتول للبحث عن اصدقائها ومالك لم يخفض عينيه عنها يتتبعها بعينيه اينما ذهبت ومليكه تتابع نظراته
مليكه : هيه ايه الحكايه بالظبط انا عايزه افهم حالا
مالك بتوتر : حكايه حكايه ايه
مليكه : حكايتك انت وبتول انت هتخبي عليا يا مالك
مالك : الحكايه وما فيها اني غالبا كده بحبها
مليكه بدهشه : بت ايه بتحبها وده من امتي وفين وازاي
مالك : اهدي شويه هتفرجي علينا الناس مش وقته نتكلم بعدين انا هروح اشوف رامز
مليكه 😉 : ماشي روح روح الله يسهلواا
يذهب مالك الي رامز متعمدا اخذ اتجاه بتول وعينيه عليها تعطيه ظهرها الذي اكتشف انه يظهر من خلال الفستان حيث ان الفستان بلا ظهر ولاول مره يفعلها لا يعلم سبب هذا الا انه تعمق النظر في ظهرها ليظهر له نعومته وبياضه الثلجي الذي يخطف الانفاس وتولد بداخله رغبه ملحه في لمسه لما هذه الرغبه معها وهو الذي كان يشمئز من لمس احد لماذا توجهه نحو رامز تاركا بتول هاربا من شعوره نحوها
مالك : ايه يا رامز مش محتاج حاجه
رامز : لا يا مالك تسلم .. ونظر خلف مالك وجد بتول خلفه
بتول : مبروك يا دكتور رامز الف مبروك مبروك يا عروسه ربنا يتمم بخير
رامز وجميله : الله يبارك فيكي منوره القاعه كلها
رامز : ايه يا دكتوره مش هتديني الكادو بتاعي
جميله : ايه ده يا رامز عيب كده في حد يقول الي بتقوله ده
بتول وهي تضحك علي جميله : قصده علي الاغنيه يا حبيبتي ميقصدش حاجه
جميله وهي تبتسم بخجل : اه فهمت اذا كان كده يبقي هطلب انا كمان نفس الكادو
بتول : عيوني بس انا هديتي هقوم كل كابلز يرقصوا عليها معايا سلو فهستاذنكوا تشاركوهم الرقصه
رامز : كمان تمام اوي ميرسي اوي ليكي
بتول : دي اقل حاجه اقدمها ليك ولعروستك الي زي القمر
جميله : تسلمي يا حبيبتي كلك زوق
كل هذا تحت انظار مالك المتفحصه لها ولا تخفي علي بتول حيث كانت تسترق النظر اليه خلسه
مالك وهو كالمغيب : اذا كان كده تسمحيلي بقي اشاركلك انتي الرقصه دي وترقصي معايا لو مفيش مانع
استغربت جميله طلبه اما رامز فقد تنح فعليا واذبهل من الصدمه اهذا هو مالك مريض الوسواس القهري الذي كان يصعق من مجرد لمسه لاي شخص يطلب مراقصه بتول وايضا سلو ستكون داخل احضانه
بتول باحراج وخجل شديد : بس يعني انا
مالك باسف : انا اسف جدا لو كنت احرجتك اعتبريني مطلبتش ده عن اذنك
بتول بتسرع : لا ابدا انا مقولتش كده بس انا مش هعرف اركز في الغنا اعذرني
مالك وقد ارتسم علي وجهه بسمه رجوليه : تمام اسف مره تانيه
بتول وهي تهز راسها وداخلها اعصار وندم لا تستطيع وصفه لا تعلم هويه هذا الشعور لا تعلم اي شيء غير انها نادمه علي رفض عرضه
توجهه مالك نحو طاولته بجانب مليكه وعلي وجهه علامات الضيق ولم ينطق بشيء ولم ترغب مليكه بالضغط عليه
هنا وجدت بتول خالد ينادي عليها ليخبرها باستعدادهم للبدا واعطائها المايك
بتول : ازيكو يا جماعه انا بتول هسمح لنفسي اني اقول صديقه العريس والعروسه هقدم ليهم كادو بسيط بمناسبه جوازهم السعيد هستاذن من كل كابلز حابب يشارك العروسين في الرقصه الجايه يتفضل معانا هنا علي الاستيدج
كل هذا وعينيها علي مالك الذي ينظر اليها من بعيد نظرات لا تعلم معناها هل هي عتاب ام غضب ام ماذا ولكنها وجدته يصطحب مليكه لساحه الرقص ليشاركها الرقصه فشعرت بنيران الغيره تحرق جوفها اوضل بها الحال لتشعر بالغيره عليه من اخته وهنا وفي هذه اللحظه علمت حقيقه شعورها نحوه لقد وقعت في حبه وانتهي الامر
شرعت بتول بالبديء في غنائها وقد بدات تغني ولاول مره في حياتها اغنيه اجنبيه وهي sway
When marimba rhythms start to play
Dance with me, make me sway
Like a lazy ocean hugs the shore
Hold me close, sway me more
Like a flower bending in the breeze
Bend with me, sway with ease
When we dance you have a way with me
Stay with me, sway with me
Other dancers may be on the floor
Dear, but my eyes will see only you
Only you have the magic technique
When we sway I go weak
I can hear the sounds of violins
Long before it begins
Make me thrill as only you know how
Sway me smooth, sway me now
Other dancers may be on the floor
Dear, but my eyes will see only you
Only you have the magic technique
When we sway I go weak
I can hear the sounds of violins
Long before it begins
Make me thrill as only you know how
Sway me smooth, sway me now
You know how
Sway me smooth, sway me now
كان مالك يرقص مع مليكه وعيناه علي بتول لم يخفضها عنها لحظه وبتول ايضا تنظر اليه وكأن بينهما اتصال روحي لا اتصال بالعيون فقط كانت تغني وكانها تهديه كلمات اغنيتها سرحت فيه وفي عينيه وهو ايضا سارحا بها تحت انظار مليكه التي علمت وشعرت بما يحدث بينهم فايقنت انهم واقعين في حب بعضهم البعض ولكن من الواضح انهم يحتاجون للتوجيه وهذا دورها 😉😉❤️❤️
والي هنا ينتهي هذا الفصل انتظروني في فصل جديد غدا ان شاء الله
