علي جانب اخر علي طاوله مليكه ونائل وروبين وادهم والتي انضمت اليهم بتول عليها
تميل مليكه علي روبين وتسالها
مليكه : روبي هو نائل اخوكي ماله حساه مش في المود كده وعنيه حمرا اوي
روبين : ها .. اه اصله بس متضايق شويه
مليكه بخضه : مضايق مضايق ليه ماله ايه الي حصله
روبين وقد بات الشك داخلها ان يصبح يقين : هو في ايه يا لوكا مالك مهتميه بيه اوي كده ليه
مليكه بارتباك : مهتميه مهتميه ازاي يعني اخو صحبتي وقاعد معانا علي نفس الترابيزه ومش معانا كانه في دنيا تانيه وعنيه حمرا دم بسال عليه دي فيها ايه دي
روبين بخبث : ااااااه قولتيلي طيب يا ستي بصي علي ايديه اليمين وانتي تعرفي ماله
تتظر مليكه علي يد نائل اليمني فلا تجد محبسه الفضي الخاص بمريام
مليكه : ايه ده هو نائل فسخ خطوبته من مريام
روبين بحزن علي اخيها : اه امبارح بس مفيش نصيب الحمد لله
مليكه بفرحه : الحمد لله الحمد لله
روبين وقد ايقنت ان احساسها صحيح : هو انا بقولك احنا طالعين شرم ايه الفرحه الي هلت عليكي دي
مليكه : فرحه فرحه ايه لا فرحه ولا حاجه اصلي مكنتش بقبل البت مريام دي يا باااااااي غلسه غلاسه
روبين : مش كده بردوا اهو محصلش نصيب ربنا يعوضه خير يا رب ( وتقوم بغمزها ) 😉😉
مليكه : بطلي يا حبيبتي تلقحي عليا بالكلام روحي شوفي الهيمان الي قاعد جنبك بقيتوا مفضوحين خالص
روبين بارتباك : مفضوحين ايه ايه يا مليكه بطلي اسلوبك ده
مليكه : الواد يا عيني عليه من ساعه ما قعدنا وهو منزلش عينه من عليكي روحي اتكلمي معاه لحسن اخوكي ياخد باله وتبقي وقعتكوا طين
روبين : هروح هروح
تلتفت روبين فتجد ادهم ينظر اليها نظرات عشق واضحه
روبين بارتباك وخجل: مالك يا ادهم بتبصلي كده ليه
ادهم بهيام : قولي مش عارف انزل عيني من عليكي انتي حلوه اوي
روبين بخجل : ربنا يخليك يا ادهم انت الي عيونك حلوين عشان كده شايفني حلوه
ادهم : تتجوزيني يا روبين 😍😍
روبين بدهشه : ايه بتقول ايه ااااا ايه😳😳
ادهم : ت .. ت ..ج..و..ز..ي..ن..ي ❤️❤️
روبين وكادت ان تسقط فاقده الوعي من فرط احساسها : انت بتقول ايه يا ادهم انت واعي للي بتقوله ده
ادهم : انا عمري ما كنت واعي قد دلوقتي انا بحبك من وانتي في اولي جامعه بحبك ومعرفتش اشوف غيرك سافرت ورحت وجيت ومعرفتش اشوف غيرك مكنش عندي الشجاعه اني اصارحك كنت خايف اعترف بحبي ليكي اخسرك كصديقه وكحبيبه لكن دلوقتي خلاص معنتش قادر اخبي اكتر من كده انا بحبك وعايز اتجوزك تتجوزيني يا روبين
روبين وقد فقدت السيطره علي نفسها نهائيا : انا .. انا .. انا عايزه اروح
وتلتفت روبين لاخيها نائل وبتول
روبين : يلا يا نائل انا تعبت وعايزه اروح
بتول : بس انا لسه قدامي فقره كمان يا روبي استني شويه
روبين : خلاص انا كده كده معايا عربيتي هروح انا وابقوا حصلوني
نائل : في ايه يا روبين مزاجك اتغير فجاءه كده ليه ما كنتي كويسه من شويه
روبين بارتباك : مفيش حاجه صدعت فجاءه هروح انا باي
تهم روبين بالمغادره
فيتحدث ادهم امام نائل : هاجي اوصلك لحد العربيه يا روبين
روبين بارتباك شديد : تيجي توصلني توصلني فين لا لا خليك انا همشي لوحدي عن اذنكوا
وفي اقل من دقيقه تهرب روبين من امامهم جميعا
نائل : مالها روبين يا بتول
بتول : مش عارفه يا نائل بتقول مصدعه
نائل بحيره : مصدعه غريبه دي
مليكه لادهم بصوت منخفض : مالها روبين يا ادهم ايه الي حصل انا سيباكو بتتكلموا من شويه كنتوا كويسين
ادهم بحيره من امرها : انا طلبت منها الجواز
مليكه بصوت مرتفع : طلبت ايه جواز جواز من مين
فينظر لها كل من علي الطاوله والطاوله المجاوره فتتجهاهلهم جميعا وتنظر بدهشه لادهم
ادهم : وطي صوتك يا زفته في ايه
مليكه : انت واعي للي بتقوله ده كده خبط لزق جواز
ادهم : اهو الي حصل بقي
مليكه : ربنا يستر اااااه منك ياني مش قادر تصبر مش قادر
ادهم : لا مش قادر مش قادر ومعنتش قادر وهكلم اخوها دلوقتي حالا ياخدلي معاد من والدها ومش هسمحهلها تضيع من ايدي ونضيع في عمرنا اكتر من كده خلاص انا تعبت تعبت
مليكه : اهدي بس يا ادهم الموضوع ميتاخدش قفش كده اهدي
ادهم : ولا اهدي ولا بتاع بقي عن اذنك
مليكه : ادهم يا ادهم استني بس
يتجاهلها ويتوجهه ناحيه نائل في الجهه المقابله علي الطاوله حيث يقف
ادهم : لو سمحت يا نائل باشا عايز حضرتك تاخدلي معاد من والدك عشان عايز اجي اتقدم للانسه روبين
نائل : حاضر تحب تشرفنا امتي
ادهم باستغراب من رده : الوقت الي تشوفوه مناسب انا معنديش اي مشكله بس يعني حضرتك مستغربتش ولا علقت ممكن افهم السبب
نائل : عشان انا من اول يوم شوفتك فيه في الجيم وانا ملاحظ نظراتك لاختي وانا اعرف كويس افهم نظراتك دي بناء علي ايه ونظراتك ليها النهارده طول القاعده كفيله تاكدلي شعوري وكنت مستني الخطوه دي منك واهي جت 😉😉
ادهم بتفهم : انا مش عارف اقول لحضرتك ايه بجد شكرا اوي ليك ويا ريت تساعدني في اقناع روبين بموضوعنا لانها مرتبكه ومتردده ومش قادره توصل لقرار في علاقتنا
نائل : اوعدك اني هتكلم معاها
ادهم : شكرا ليك هستاذنك امشي بقي سلام عليكم
نائل : وعليكم السلام
.......................................................................
وعلي الطاوله المجاوره يقف مالك حائرا لم تنزل عيناه عن بتول ولو لحظه واحده يتابع كل خطواتها وكل حركاتها ويستغرب من نفسه كثيرا ولكنه لا يشغل باله كان كل همه متابعتها الي ان رأها تتجه للاستيدج مره اخري وتهم بصعوده لاداء اخر فقره في الحفله قبل مغادرتهم جميعا وتشرع في الغناء وهذه المره كانت اغنيه سيره الحب لام كلثوم وهنا استعاد ذكرياته مع سماع صوتها لاول مره في سيارته حين اعجب بصوتها وكانت في نفس الاغنيه وعند قولها
( طول عمري بخاف من الحب وسيره الحب وظلم الحب لكل اصحابه
تاه فيها وتذكر كم كان يخاف من الحب فعلا والاختلاط وعندما وجدها بين يديه يا الله علي هذا الشعور ونسيانه لكل القوانين والخطوط الحمراء التي وضعها لنفسه في الحياه وفاق عليها وهي تقول
وقابلتك انت لقيتك بتغير كل حياتي معرفش ازاي حبيتك معرفش ازاي يا حياتي من همسه حب لقيتني بحب لقيتني بحب وادوب في الحب وادوب في الحب وصبح وليل علي بابه
فايقن انه وقع في حبها من اول نظره وان كل ما وضعه من قوانين اصبح سراب كم من مره عرضت النساء عليه نفسها حرفيا ورفضهم رفضا قاطعا كم من مره وقعت زميلاته بالكليه في حبه ورفضهم بدون ادني نقاش وكم مر من العمر ولم يجد من تفعل فيه مثلما فعلت بتووول وااااااه من بتول
فات من عمري سنين وسنين شفت كتير وكتير عاشقين الي بيشكي حاله لحاله والي بيبكي علي مواله اهل الحب صحيح مساكين صحيح مساكين يا ما الحب نده علي قلبي مردش قلبي جواب
لماذا يجد كلمات هذه الاغنيه وكانها موجهه اليه لماذا يستمع اليها وكانه لاول مره يسمعها يا الله لماذا تلمع عيناها بهذه الطريقه لماذا
الا عيونك انت دول بس الي خدوني خدوني وبحبك امروني امروني احب لقيتني بحب لقيتني بحب وادوب في الحب وادوب في الحب وصبح وليل ولييييييل علي بابه
وهنا لم يعد بمقدرته الصمود اكثر وعندها شعر بارتجاف في كل اركان جسده كانه ضرب بصاعقه برق في ليلة ممطرة فخرج مسرعا من القاعه ولم ينتظر انتهاء الحفله ركب سيارته وساق باقسي سرعه متجها لكورنيش النيل لا يعلم كم استغرق من الوقت للوصول الي هناك ولكن كل ما يعلمه انه كان يفتقد احساسه وشعوره بالهواء وكيفيه التنفس شعور لاول مره يمر عليه شعور يهابه ويخاف منه ولكنه لذيذ وممتع يا الله ماذا فعلت بي هذه البتول
لا يعلم كم مر من الوقت وهو هنا ولكن يجب عليه التحدث مع احد ولا يوجد لمثل هذه المواقف غير اخته مليكه فاسرع بالتوجهه لمنزله لعل وعسي يجد عندها حلا لهذا اللغز
......................................................................
ينتهي الحفل ويودع كل من نائل وبتول مليكه ويتجهون الي منزلهم
بتول : يا اهل المنزل يا قوم اين انتم
براء : بس يا بنت بس ايه الدوشه دي باباكي نايم
بتول : هسسسسسسس سكت اهو هاتي بوسه بقي
براء : اه يا بكاشه ايه اخبار الحفله كانت تمام
بتول : تمام زي الفل كالعاده بنتك تالقت بس هلكااااانه حاسه اني عايزه انام سنه هدخل انا بقي اخد شاور واناااام تصبحوا علي خير
براء : وانتي من اهله يا حبيبتي .. ايه يا حبيبي سرحان في ايه
نائل : ها لا ابدا ولا حاجه روبين فين
براء : روبين رجعت وقالت مصدعه ودخلت اوضتها تنام في حاجه ولا ايه
نائل : لا ابدا نتكلم الصبح هبص عليها وبعدين ادخل انام تصبحي علي خير
براء : وانت من اهله يا حبيبي
يتوجه نائل لغرفه اخته ويدق الباب فيسمع اذنها بالدخول
نائل : ممكن ادخل
روبين : طبعا يا حبيبي اتفضل
نائل : ممكن الجميل يقولي فيه ايه
روبين : ابدا انا بس مصدعه شويه
نائل بزعل : اول مره تخبي عني حاجه مع انك اول حد بجري عليه واحكيله الي فيا
روبين : والله يا حبيبي انا فعلا معرفش مالي حاسه اني متلغبطه فرحانه علي مخضوضه علي مش مصدقه علي خايفه علي قلقانه
نائل : بس بس ايه كل ده ده كله عشان واحد طلبك للجواز
روبين بدهشه : افندم وانت عرفت منين
نائل : اصله طلبك مني 🤣🤣
روبين : نعم عمل ايه
نائل : طلبك مني طلب معاد من بابا ومني ومستني ردنا
روبين : وانت قولتله ايه
نائل : هو مستني ردي وانا مستني ردك عشان ارد عليه
روبين : ايه يا ربي الحوسه دي اعمل ايه بس
نائل وهو يشير الي قلبها : ده بيقولك ايه
روبين : ما هي المشكله في ده ❤️ ده بيقول اه
وده 🧠 بيقول مش وقته
نائل : هو ايه ده الي مش وقته ليه حضرتك عندك عشر سنين ولا ايه
وبعدين لما قلبك يقول اه وعقلك ميرفضش رفض قاطع ويقول لا يبقي انا اخدت ردك تصبحي علي خير
روبين بخجل : استني بس يا نائل استني
نائل : بلا استني بلا بتاع يلا نامي يا عروسه 😉😉 تصبحي علي خير
روبين وقد تورد خديها تبتسم ابتسامه خفيفه ثم تبعث اليه قبله في الهواء : وانت من اهل الخير يا حبيبي
...................................................................
يصل مالك لمنزله يتجهه الي الاعلي سريعا الي غرفه مليكه ويدق الباب ولكنها لم ترد فيفتح الباب يجدها تضع الهيدفون في اذنيها وترقص في وسط الغرفه
مالك : مليكه يا مليكه
ويتجهه اليها وينزع السماعات من علي اذنيها
مليكه : مالك خير في حاجه
مالك : تعبان اوي يا مليكه عايز اتكلم مخنوق مش عارف اخد نفسي ويقع في احضانها مغشي عليه
مليكه : مالك مالك فيك ايه يا حبيبي ماااااالك 😳😳
.......................................................................
والي هنا ينتهي هذا الفصل اراكم في فصل جديد ان شاء الله انتظروني 😘😘
