وكلما تمنيت شئ وايقنت انني امتلكته ..سرعان ما افتقدته..
وكلما طويت صفحة من كتاب حياتي ..واجهت صفحة احلك سواد ،،فندمت انني طويتها...
وكلما طببت اثر لطمة ..لاحقتني اخري ..ليست كالسابقة بل اعنف واقوي..
وكلما دقت اجراس الخطر كلما زادتني ريبه من الآتي..وافقدتني الثقه بذاتي..
الي متي..ستظل سفينتي بلا ربان؟
الي متي ستظل روحي فاقدة للاتزان؟
والي متي سيظل قلبي مشتعل بنيران من الحرمان...
•••••••••••••••••••••••••••••••••••••••••••••••••••••••
اهو جيت اتفضلي قولي الي عندك عملتي كده ليه ايه انتي عارفه كويس اوي ان مفيش حاجه حصلت بينا وان لو كان وحصل وكتبنا ورقه عرفي بينا وانا معرفش ازاي الصراحه فده كان مجرد غلطه وعدت وخلصت وبعدت عنك وسيبت البلد كلها ومشيت جايه ورايا تقولي انك مراتي
برديس : شو بك اهدي اهدي مافي داعي لهاي الزعر الي عم فيك كل الحكايه إن هاي الموضوع عرض وطلب
ادهم بعصبيه : عرض وطلب ازاي يعني وبعدين بلاش والنبي رسمه اللبناني الي دخلالي بيها دي عارف كويس انك بتعرفي تتكلمي مصري حلو
برديس : بص يا ادهم انا عندي استعداد اقول لمرتك الحلوه اني خدعتها واقول الحقيقه كلياتها إلها حرف حرف وكلمه كلمه بس لازم تدفع المقابل
ادهم : يعني انتي كنتي عارفه انها مراتي وجايه تساوميني عشان ترفعي عني الاذي الي عملتيه يعني مكفاكيش الي عملتيه فيا في غربتي جايه تكملي هنا وبعدين حقيقه ايه انا لحد دلوقتي اصلاً معرفش ازاي مضيت علي الورقه دي
برديس : ههههههههههه انا اقولك يا سيدي فاكر ميزو المصري الي كان صاحبنا زمان كان عايز يمسك الجيم الي انت كنت ماسكه هناك وكان لازم يعمل حاجه عشان يخوفك ويهربك من هناك عشان يمسك مكانك ففكرانه يخليني اغريك وألبسك تهمه اغتصاب عشان تسيب البلد وتهرب بس انت للاسف مكنتش من النوع الي وحده زيي تغريك وكنت كل ما اقربلك تبعد اكتر لحد ما فكرت اني احطلك حبوب زي هلوسه كده في العصير بتاعك يوم عيد ميلادي الي اقنعتك بصعوبه تحضره ولما شربته بدأت تندمج معانا وترقص وتهيس وكان بسهوله عندي اخليك تمضي علي الورقه وادخلك الاوضه معايا كان نفسي الصراحه نقضي اليوم سوا حتي لو كنت مهلوس بس اول ما دخلت الاوضه زقتني وقولتلي انتي مش روبين ابعدي عني ولما زقيتك علي السرير نمت علي طول مكنش قدامي غير اني اقلعك هدومك وانام جنبك عشان لما تفوق تحس انك فعلاً عملت كده وبس الباقي اظن انت عارفه
ادهم : الباقي الباقي ان ميزو يقنعني ان ابوكي هيوديني في داهيه واني لازم اهرب وانزل مصر وكل ده بتخطيط منه عشان ياخد مكاني
برديس : بالظبط كده والندل لما احتجته استندل معايا ومكنش قدامي غيرك اخد منه الفلوس لاني محتجاها جداً وهروح في داهيه
ادهم : كان ممكن تطلبيها من غير ما تعملي كل ده
برديس : بس كنت هترفض ودلوقتي معندكش اي فرصه ترفص لان المبلغ مليون جنيه
ادهم : مليون ايه مليون عفريت ينططوكي وانتي مفكره اني ممكن ادفع الفلوس دي تبقي هبله
برديس : هتدفع عشان حبيبه القلب الي هتخسرها لو روحت قولتلها اني كنت حامل وبقي عندك بيبي يا قلبي
روبين : وتروحي ليه وتتعبي نفسك يا قللللبي انا جيتلك بنفسي اهوووو يا واطيه يا زباله يا اوسخ خلق الله
برديس : شو شو شو بدك مني ادهم ألحقني مين هاي الشرشوووحه
ادهم : شرشوحه في عينك يا زباله قال يعني متعرفيهاش علي فكره بقي انا لا هدفع ليكي مليون ولا مليم واحد روبين سمعت كل كلامك وعرفت الحقيقه اشربي من البحر الي جنبك ده يلا ومن غير سلام
