لا تتخلى عني ..
انتَ آخر ما تبقى لي من هذا الحُطام🥀🖤
**********************************************
داخل سرادق العزاء يجلس مالك وبجانبه رامز يستقبلون المعزيين في والده ومالك كالمغيب شارد الذهن تتحجر الدموع داخل مقلتيه لا يستطيع تعزيه نفسه لما فقده فهو والده الذي اكتشف مؤخراً ظلمه له ومعاناته وحيداً في رحلته مع مرضه لتسقط منه دمعه عنوه عنه ليجد رامز يربت علي كتفه بحنو ليفيق من شروده لينظر اليه ويمسح دمعته بقوه
رامز : صلي علي النبي يا مالك ده كان امانه من ربنا وربنا استرد امانته ميعزش علي الي خلقه كلنا زعلانين عليه وزعلنا عليه اكتر لما عرفنا بمرضه الله يرحمه
ليهز مالك رأسه بالموافقه بشرود وتيهه بدون اي رد
رامز : مليكه فين يا مالك انا لما دخلت جميله جوه مكنتش موجوده
مالك : في اوضتها من ساعه الي حصل وهي قافله عليها ربنا يصبرنا
رامز : انا هدخل اشوف جميله واخليها تطلع تشوفها مينفعش نسيبها لوحدها
في هذه اللحظه يدلف نائل وادهم الي سرادق العزاء ليقوموا بتعزيه كل من مالك ورامز
نائل : البقاء لله يا دكتور ربنا يجعلها اخر الاحزان
مالك : ونعم بالله تسلم لزوقك
ادهم : البقاء لله
مالك : ونعم بالله .. هي روبين جت معاك
ادهم : روبين روبين المفروض انها هنا من الصبح
مالك : تمام تبقي فوق مع مليكه شكراً علي انها مسبتهاش لوحدها
ادهم : مليكه تبقي اختنا مش صديقه ربنا يصبرك ويصبرها
مالك : يا رب
********************************************
في غرفه مليكه تجلس داخل احضان روبين تمسد علي شعرها بحنو
روبين : حبيبتي يا لوكا اتمالكي نفسك شويه كده انتي هيحصلك حاجه
مليكه : مش قادره يا روبين مش قادره اصدق ان المده دي كلها كنت ظلماه وهو كان بيعاني لوحده ويوم ما نعرف ونقرر نقف جنبه يروح قدام عنينا ومنقدرش نساعده يوم واحد حتي يوم واحد انا ملحقتش اقوله اني بحبه انا اكتشفت اني بحبه اوي ملحقتش يا روبين ملحقتش
روبين : اهدي يا حبيبتي ده قدر وكلنا هنموت اهدي
لتجد ان رأسها قد ثقلت عليها ولم تعد ترتجف كما كانت لتزيح رأسها لتجدها فاقده للوعي تماماً
روبين : مليكه فوقي يا مليكه يا ربي اعمل ايع دلوقتي بس اعمل ايه
لتقرر ان تتصل علي اخيها ليخبر مالك بما حدث ليتصرف فهي لا تستطيع ان تجد حلاً بدونه
روبين : نائل انت في العزا
نائل : ايوه احنا تحت في حاجه ولا ايه
روبين : مليكه يا نائل مليكه اغمي عليها من كتر العياط ومش عارفه اعمل ايه قول لاخوها جيبوا دكتور واطلعوا بسرعه احنا في اوضتها
نائل : حاضر حاضر خليكي انتي جنبها شمميها برفان او اعملي اي حاجه انا هتصرف
ليغلق معها الخط ليجد مالك ما زال يستقبل جمع من الناس ليلتفت لادهم
نائل : بقولك يا ادهم مليكه اغمي عليها وروبين مش عارفه تتصرف انا هطلعلهم وانت اتصرف وهات دكتور بسرعه وتعالا ومتلفتش الانظار زي ما انت شايف اخوها مش هنا اصلاً ده غير انه لازم يستقبل الناس
ادهم : طيب يا نائل انا هتصرف اطلعلهم انت بسرعه
ليذهب نائل لداخل الفيلا ليصعد السلم بسرعه فائقه اما عن ادهم فاخذ يبحث علي هاتفه علي رقم صديق له دكتور وهاتفه بعد ان خرج خارج سرادق العزاء حتي لا يلفت له الانظار
في الممر المؤدي للغرف يقف نائل حائرا اي من هذه الغرف غرفتها لمليكه ليجد احدي الخادمات خلفه مباشره
الخادمه : انت مين يا استاذ وازاي تطلع هنا بدون اذن
نائل : انا الرائد نائل وديع اخو روبين فين اوضه مليكه من فضلك هي مغمي عليها وانا طالع عشان اساعدهم
الخادمه : يا لهوي ست مليكه مغمي عليها هما في الاوضه دي يا حضره اتفضل معايا انا هدخلك
لتاخده للغرفه ليدقوا بابها ليجد روبين تفتحه متلهفه
روبين : الحقني يا نائل الحقني دي مش بتفوق حاولت افوقها ببرفان وبميه ومفيش اي رد فعل ولا حتي بربشت اعمل حاجه اتصرف
نائل : وسعي طيب عشان ادخل وسعي
ليدخل نائل الغرفه مسرعاً ليجد مليكه مسطحه علي سريرها شعرها مبعثر حولها وترتدي تيشيرت اسود بحملات عريضه وبنطال اسود واسع ليتجهه نحوها رافعاً رأسها بحنو بالغ ليخبط بكف يديه علي خدها برفق
نائل : مليكه مليكه فوقي يا مليكه فوقي
روبين : هي مبتردش ليه يا نائل مش بتفوق ليه
نائل : اكيد اغمي عليها من الضغط النفسي دلوقتي تفوق عندكوا نشادر (موجهاً كلامه للخادمه )
الخادمه : ايوه ايوه عندنا ثواني اجيبلك
لتخرج مسرعه للمطبخ لتجلبها له وتعود مسرعه
الخادمه : اهو يا حضرت اتفضل
لياخذه منها نائل ليفرغ قليلا منه علي يديه ليجعلها تستنشقه رما هي الا لحظات حتي سعلت وفتحت عينيها ببطيء شديد لتجد نفسها مرفوعه الرأس علي يد احد الرؤيه ما زالت مشوشه ولكن هذه الرائحه تعرفها جيداً لتستعيد وعيها كاملاً لتجده نائل
مليكه بتيهه : نائل انت نائل انت بجد ولا بحلم
نائل : مليكه فوقي انا نائل ايوه فوقي كده انتي كويسه حاسه بحاجه
سرعان ما تستعيد احساسها بفقدان ابيها لتبكي بشده مره اخري وترتمي بجسدها داخل احضان نائل غير واعيه لما تفعله لتتنحح الخامده لتخرج من الغرفه وتفرغ روبين فاها من الصدمه لتقترب منهم لتربت علي كتفها
روبين : اهدي يا مليكه مينفعش كده انتي كده بتضري نفسك .. انزل انت بقي يا نائل عشان محدش يجي وتحصل مشكله وانا معاها اهو متقلقش عليها
نائل : طيب انا هنزل لو احتجتوا حاجه كلميني انا تحت مش همشي الا لما اطمن عليها
مليكه وهي ترفع رأسها ببطيء ما ان هم بالوقوف وتركها لتمسك يديه : متمشيش يا نائل خليك معايا انا محتاجه وجودك جنبي ارجوك
نائل : انا معاكي اهو بس انتي متتعبيش نفسك خليكي مرتاحه ماشي انا هنا اهو
روبين : احنا كلنا معاكي يا حبيبتي بس انتي بطلي عياط
مليكه : مش قادره يا روبين مش قادره خلاص مش قادره اتخيل انه مات كده بالسهوله دي من غير ما احضنه ولا اقوله اني بحبه او اني مسمحاه علي بعده عني واقف جنبه في تعبه واساعده عشان يخف لا لا
نائل : وحدي الله يا مليكه كلنا هنموت وهو اكيد اترحم من العذاب الي كان عايش فيه ادعيله بالرحمه ادعيله
ليظلوا معها يهونوا عليها حتي تذهب في سبات عميق ليخرج نائل مع روبين متجهيين الي منزلهم
اما عن مالك فقد انتهي العزاء وودعه رامز متجهاً الي بيته ليدخل مكتبه يغلق عليه الباب ليظل كما هو شارداً لتتساقط دموعه في الظلام ليخرج هاتفه بعد فتره ليجد اتصالات لا عدد لها منهم بتول ورسائل لا عدد لها منها ايضاً ليرفع هاتفه ليحدثها وما ان هم بالاتصال بها ليجدها تتصل به ليرد عليها
مالك : ايوه يا بتول معلش كنت في العزا والموبايل كانت صامت
بتول : البقاء لله يا مالك انا جيت العزا وكان نفسي اشوفك ومعرفتش
مالك : ونعم بالله انا كنت في عزا الرجاله معرفش انك جيتي سوري
بتول : لا ولا يهمك انا قلت اطمن عليك واعزيك
مالك : شكرا يا بتول انا مضطر اقفل دلوقتي مع السلامه
بتول بدهشه : مع السلامه خد بالك من نفسك
مالك : حاضر سلام
لتغلق بتول معه لتحدث نفسها : اكيد بيتكلم كده متأثر بوفاه باباه ده مهما كان باباه بردوا انا ايه الي بفكر فيه ده واحد زعلان علي باباه هيتكلم معايا ازاي يعني هيحب فيا مثلا لا حول ولا قوه الا بالله انا شكلي اتجنيت خلاص
**********************************************
اما عن رامز فما ان دخل منزله حتي وجده مظلم ولا يوجد اي صوت داخله
رامز : اااااااه لاااااااا يا رب ميكنش الي في بالي انا هلكان وتعبان وعلي اخري بجد
لتتحدث جميله من خلفه : ما لسه بدري يا استاذ رامز ولا حتي كنت بات مكان مكنت بالمره ما خلاص البيت معتش علي هواك ومعنتش طايق تدخله
رامز : لا اله الا الله في ايه يا جميله علي المسا ما انتي عارفه اني كنت في عزا يوسف وكنتي هناك الصبح بنفسك وعارفه الي هناك في ايه بقي
جميله : اديك قلت انا كنت هناك يعني رحت ورجعت قبل ما حضرتك تشرف مش المفروض كنت جيت وصلتني ورجعت بيتك بدري زي خلق الله
لكن ازاي لازم تفضل طول اليوم بره ومراتك تولع صح
رامز : في ايه يا جميله في ايه انا عايز افهم اسيب يعني صاحبي الوحيد وابوه الي مات الي كان بمثابه والد ليا واجي عشان اقعد جنبك
جميله : ما انت خلاص انا بقيت اخر اهتماماتك منا لو كنت خلفتلك حته عيل كان زمانك لابدلي لكن انا عشان مبخلفش معنتش طايقني
رامز : اااااااه قولي كده بقي قولي ان ده معادها وهي جت ومحصلش حمل ونكد كل شهر هيبدأ
جميله : نكد انا بنكد عليك يا رامز
رامز : ايوه بتنكدي عليا يا جميله كل شهر نكد نكد نكد وانا خلاص جبت اخري دي بقت عيشه تطهق انا زهقت بقي زهقت
جميله : مدام مش طايقني كده يا رامز وزهقان من عيشتك معايا طلقني طلقني يا رامز واخلص مني ومن قرفي
رامز : حاضر يا جميله هطلقك هطلقك يا جميله
ليتركها ويدلف لغرفتهم ليغلق بابها بقوه وتجلس جميله مكانها تبكي بحرقه لا تعلم اتبكي علي ضياعها ام علي ضياع حلمها في الامومه ام لما وصل به حالها مع زوجها حب حياتها
**********************************************
داخل غرفه مظلمه تجلس مريام علي سريرها شارده كعادتها مؤخراً تحاول جاهده في استرداد حقها في قلب نائل كما تتدعي ويسوقها غرورها بنفسها لانها ستقدر علي استرداده كما تشاء تتكتك وتخطط لسبيل للفوز بقلبه مره اخري لتجد هاتفها يضيء لتعلم بورود مكالمه هاتفيه لها لتمسك بهاتفها لتجده رقم خاص غير مسجل لتقرر الاجابه عليه
مريام : الوو مين معايا
ليرد المتصل : اهلاً بالمزه ازيك
مريام : حلمي انت ازاي تتصل عليا تاني بعد الي حصل انت معندكش دم
حلمي : اهدي يا مزه كده واسمعيني بلغي حبيب القلب يبعد عن طريقي ويبطل يدور عليا عشان مش هيعرف يوصل انا عارف انه بينخور ورايا بعد الي عملته فيه بس قوليله ده بعده انه يطول شعره مني ده بعده فاهمه
مريام : بعد الي عملته فيه انت عملت فيه ايه انت مالك وماله اصلاً انطق
حلمي : ايه ده هو انتي متعرفيش ما اهو انا ابقي الي بعتله الي نخلوه علي الطريق وسيحوا دمه المفروض انه كان يبقي ميت دلوقتي بس اعمل ايه بقي زي القطط بسبع ارواح
مريام بهستيريه : انت بتخرف تقول ايه يا حيوان انت انت الي عملت في نائل كده انت اكيد مجنون انت اكيد مجنون
حلمي : انا نبهتك يا قطه بلغيه بالي قولتهولك وخليه يبعد عن طريقي احسن ليه وليكي سلام يا مزه
مريام : استني يا حيوان انت يا زفت اوعي تقرب منه ملكش دعوه بيه الووووو الوووووووو
**********************************************
والي هنا ينتهي هذا الفصل انتظروني في فصل جديد 😉😉
