لقاء ..نظرة...فلمسه
فإما البدايه لما هو آت
او نهاية لكل ما سبق
فإما ان نغوص في بحور العشق بلا رجعه
او نغرق بلا رحمه
فالقلب سيختار واختيار القلب حتمي لا رجعة فيه... فلنبدأ اللقاء
.............................................................................................
تم الاستعداد من اجل الحفل السنوي لمجموعه العدوي واليوم الحدث الاكبر للحفله
تستيقظ بتول من نومها مفعمه النشاط والحيويه تتجه الي الحمام لتستحم وتتوضي لتقيم صلاتها وتخرج فتجد العائله مجتمعه علي ترابيزه السفره ما عدا نائل
بتول : صباح الخير علي الحلوين
براء : يا صباح الفل علي حبيبه قلب مامي
وديع : صباح الياسمين يا حبيبتي تعالي افطري
روبين : صباح الخير يا توتي
بتول : تعرفي ان لو حد في الكليه قالي يا توتي دي بقطعه
روبين : توتي دي بتاعتي انا وبس هو حد يجرأ يقولها غيري
بتول : حبيبه قلبي انتي والله .. الا نائل فين صحيح لسه مصحاش ولا ايه
ينظر كل من براء ووديع لبعضهم ويصمتوا
بتول : هو في ايه نائل فين مش هنا ولا ايه
روبين : في ايه انا بحسبه خرج بدري هو في ايه بالظبط انتوا مخبيين علينا حاجه
براء : خير يا بنات اخوكوا مجاش من امبارح
بتول : ده مرجعش معاكو ساعه ما روحتوا عند خالتو هو حصل حاجه هناك
وديع : اه يا بنات اخوكوا فسخ خطوبته من مريام مفيش نصيب
بتول وروبين : ايه بتقول ايه يا بابا ... ازاي ده حصل وليه
وديع : نصيب ادعوا لاخوكوا ربنا يعوضه خير .. هو اتصل من ساعه وقال انه هيروح علي الحفله علي طول هيقابلكوا هناك
روبين بحزن علي اخيها : حفله ايه دلوقتي يا بابا هو في ايه ولا ايه
بتول : كلمه يا بابا مفيش داعي يتعب نفسه ويضغط علي روحه ويجي انا معايا روبين وهنرجع سوا
براء : سيبيه يا حبيبتي اهو يجي يفك عن نفسه بدل الخنقه الي هو فيها
بتول : صح عندك حق اهو يغير جو
بتول : هقوم انا اجهز حاجتي واطلع علي الاستديو عشان البروفات لحد معاد الحفله اقابلك يا روبي في الحفله ان شاء الله والبسي الفستان الاورنج احلي من الاحمر 😉😉
روبين : انتي رايك كده خلاص اوك 😘😘
تذهب بتول لغرفتها لتستعد وتضع فستانها داخل cover الخاص به وتحضر شنطه صغيره من الميكب وفرشاه الشعر الكهربائيه وبرفانها good girl وتحزم حقيبتها الصغيره وتتجه الي الاستديو
