.....و سيظل قلبي.... طفلا
يسرق الإجابة من عينيك كلما سألوني ماهي الحياة !!؟؟
*********************************************
تصل سياره الاسعاف امام المشفي وبداخلها نائل تجلس بجواره مليكه ولم تترك يديه ابدا مهما نهرها المسعف لم تكن تستمع لاحد كل ما يشغل بالها هو نائل فقط ليوكزها المسعف
المسعف : يا انسه او يا مدام لو سمحتي وصلنا وسعي عشان ننزل المريض اصابته خطيره لازم يدخل عمليات حالا
مليكه بفزعه : ايوه ايوه الحقوه ابوس ايديكوا الحقوه
المسعف : طيب وسعي بعد اذنك
ليقوم المسعف بانزال نائل بحذر شديد والاسراع به نحو غرفه العمليات فورا وقفت مليكه خلف زجاج العمليات تنظر داخلها بشرود وفجاءه اسرعت باخراج هاتفها لتهاتف روبين فورا وتبلغها بما حدث بعد فتره ليست بالقصيره ولا الطويله تجد اصوات عاليه حولها لتفيق من شرودها لتجد كل من روبين وامها وابيها وادهم امامها يسالوها بلهفه
وديع : مليكه يا بنتي ايه الي حصل وازاي وفين
براء : طمنيني يا بنتي ابوس ايديك ابني ماله
روبين : حصل ايه يا مليكه انتي مش كنتي ريحاله عشان تعملي الباسبور ايه الي حصل
كانت مليكه كالمغيبه تائهه لا تفقه شيء مما يدور حولها راسها مشوش وغيامه من الظلام تحوم امام عينها لا تعي اي شيء ولم تستمع لاي مما تفوهوا به ولكنها رات روبين امامها لتحدثها تائهه : نائل نائل يا روبين نائل انا انا ملحقتش اقوله ملحقتش اقووو.. له اني بحبه راح راح يا روبين لتستسلم لدوار راسها لتسقط مغشيه عليها تحت زهول كل الحاضرين وقلقهم علي نائل وصدمتهم مما قالته مليكه امامهم جميعا
*************************************************
كانت جميله تجلس امام المراه تمشط شعرها لياتي رامز من خلفها ممسكا بيدها ليميل عليها مقبلا عنقها ببطيء ليدفن راسه بشعرها مستنشقا عبيره ويمسك بالفرشاه من يديها ليقوم هو بتمشيط شعرها محدثا اياها
رامز : بيدوخني شعرك وريحته بتدوخني
جميله : بس بقي يا رامز انا مش قد كلامك ده والله مش مصدقه لحد دلوقتي اننا اتجوزنا عارف انا نفسي في ايه بجد
رامز : نفسك في ايه يا روح قلبي اطلبي واتمني وانا انفذ فورا
جميله : نفسي في ولد صغنون يكون شبهك كده ياخد كل حاجه منك ميسيبش منك ولا حاجه صغننه ابدا ابدا
رامز بخبث : ابدا ابدا خالص خالص
جميله : خالص خالص
ليميل رامز واضعا يد تحت ركبتها ويد خلف ضهرها حاملا اياها فجاءه لتصرخ به
جميله : نزلني يا رامز في ايه انت رايح بيا فين انت مش بتشبع ابدا حرام عليك والله
رامز : اشبع اشبع ايه بس هو الفراوله بيتشبع منها وبعدين انتي مش قولتي عايزه ولد وانا قولتلك اطلبي واتمني وانا انفذ اديني هنفذ اهو
جميله بخجل : تنفذ ايه بس
رامز وهو يغمزها : يعني هو الواد هيجي باللاسلكي مش لازم مجهود يلا استعنا علي الشقي بالله هوووووووووب
جميله : رامز يا راااااااامز ب...بب ..س استني بس
لياخذها رامز الي عالم لا يوجد داخله غيرهم ليسبحها في بحور العشق الخاص بهم
********************************************
يجلس مالك خلف مكتبه سارحا لياتيه اتصال تليفوني ليجده رقم غير مسجل ليقوم بفتحه
مالك : ايوه مين معايا
روبين : انا روبين يا دكتور مالك صاحبه مليكه
مالك باستغراب : روبين ازيك خير في حاجه مليكه فيها حاجه
روبين بتوتر : مليكه في المستشفي يا مالك يا ريت تيجي
مالك بقلق : مليكه مليكه مالها اختي مالها فيها ايه انتوا في انهي مستشفي
روبين : احنا في مستشفي .........
مالك : انا جاي حالا .. ليقوم بغلق هاتفه لياخذ مفاتيح سيارته مغادرا بسرعه نحو المشفي
ليصل بعد مده متجها نحو الاستقبال ليسأل علي اسمها ليجد انه لا يوجد احد باسمها مسجل بسجلاتهم ليزداد قلقه ليقوم باخراج هاتفه مهاتفا اخر رقم ليقوم ادهم بالرد عليه
ادهم : ايوه مين معايا
مالك : انت الي مين مش ده رقم روبين
ادهم : ايوه بس روبين مش فاضيه دلوقتي للاسف لاننا في المستشفي مين حضرتك انا خطيبها
مالك : انتوا فين طيب في انهو دور انا واقف تحت
ادهم : في الدور الرابع قدام العمليات
مالك : اوك
ليقوم باغلاق هاتفه وقد شعر ان قلبه توقف للحظات ايعقل ان يكون قد اصاب اخته شيء خطير لدرجه دخولها العمليات استر يا رب
ليصعد مسرعا نحو العمليات
مالك بلهفه متجها نحو روبين : مليكه فين يا روبين ايه الي حصل ومين دول كلهم في ايه فهميني
روبين : مليكه كويسه متقلقش
مالك : كويسه ازاي يعني وهيه في العمليات
روبين : لا مش مليكه الي في العمليات ده نائل اخويا مليكه في الاوضه الي هناك دي اغمي عليها ماما معاها جوه تقدر تروحلها
مالك : حصلها ايه اغمي عليها ليه وايه الي جابها هنا لما هيه كويسه
روبين : يا دكتور مالك مليكه الي جابت نائل هنا نائل اتصاب وهو معاها وهيه مستحملتش المنظر اغمي عليها تقدر تروح تطمن عليها دلوقتي هيه واخده مهدأ ونايمه
مالك بارتياح : الحمد لله ليهم مغادرا نحو الغرفه ولكنه فجاءه وقف مزهولا عندما رأي بتول تدلف للمكان سريعا غير عابئه لوجوده متجهه نحوهم بسرعه وهيه في شبه حاله انهيار لا يعلم لما رؤيتها بهذا الشكل اصابه بوجع داخل قلبه ولكن كل ما يعلمه انه لا يتحمل رؤيتها بهذا الشكل لينظر اليها نظره سريعه متجها لغرفه اخته للاطمئنان عليها ليدخل للغرفه ليجد اخته مسطحه علي السرير غافيه اثر المهدأ وتجلس بجانبها سيده رغم كبرها الا انها تتمتع بالجمال الشديد والعيون ذات اللون الغريب
مالك : سلام عليكم انا مالك اخوها
براء : اهلا يا ابني مليكه كويسه هيه بس نايمه عشان المهدأ تقدر تيجي تقعد جنبها عشان اروح انا اطمن علي ابني
مالك : اتفضلي طبعا بس بدل هيه نايمه انا هاجي معاكي اطمن عليه
لا يعلم حقا ايريد ان يطمئن علي شخص لا يعلم حتي شكله ولم يقابله مره واحده حتي ام يريد الاطمئنان علي بتول ويقف بجوارها ليقبل راس اخته ويذهب مع براء للخارج ليجدهم كلهم يندفعون نحو الطبيب الخارج من غرفه العمليات محدثا اياهم
الطبيب : الحمد لله احنا خرجنا الرصاصه بس هيه كانت قريبه جدا من القلب هو دلوقتي محتاج دعواتكم ٢٤ ساعه الي جايين مهمين جدا يمروا عليه بسلام ادعوله
ليتركهم في قلقهم ويذهب يقفون جميعهم منتظرين خروجه ليخرج امامهم مستلقي علي ترولي مغيبا لا يعي ما يحدث حوله لتتصاعد ادعيه امه وابيه واخوته لربهم متمنيين له الشفاء
اما عن مالك فكان يتتبعها كالمغيب لا يخفض انظاره عنها وهي الي الان لا تعلم بوجوده فعيناها مغطاه بالدموع تدعي الله في سرها بالسلامه لاخيها ولكنها فجاءه استشعرت وجوده ولكنها لم ترفع عينيها عن الارض انها تهذي ما الذي سياتي به الي هنا الان اهذه رائحته التي تعبي الجو من حولها لما تشعر اذا ان قلبها سيخرج من داخل اضلعها مسحت دموعها بيديها ل ترفع رأسها تبحث عنه لتجده يقف امامها في الجهه المقابله ينظر اليها لتشعر وكان قلبها قد خرج من مكانه بالفعل انه هنا فعلا انا لا احلم اما هو فبمجرد رفعها لعينها وتلاقت اعينهم شعر وكانه قد سقط في قاع المحيط المظلم لم يعد يشعر بوجود اكسجين حوله والماء قد وصل لرئتيه يا الله انها اشد جمالا مما قبل حتي وهي تبكي واثار الدموع علي عينها تجعل من عينيها كالغابه الشاسعه الخضره وخضارها يلمع من قطرات الندي فجرا وحمره خديها وانفها جعلوها كالمرسومه علي لوحه فنان دموعها تحرقه بل اذابته ويشعر بانه يريد ان يخبئها داخل اضلعه ليسحب منها كل المها فاق من شروده ليجد نفسه امامها مباشره لقد ساقته ارجله الخائنه اليها كالمغيب وهو لا يشعر ليتنحنح
مالك : الف سلامه علي اخوكي ربنا يقومهولكوا بالسلامه
بتول وهي الي الان لا تصدق وجوده :مالك اااااا دكتور مالك ازي حضرتك انت ايه الي جايبك هنا
مالك : انا جيت عشان مليكه معرفش انكوا هنا ولما عرفت جيت عشان اطمن عليكييي عليكوا وعلي اخوكي يعني
بتول : ااا اه طيب اصل يعني انا مش عارفه ايوه ايوه نائل مليكه نائل اخويا
لتبدا مره اخري تبكي تشعر وكانها تحتاج لحضنه ليرفع يديه مغيبا يضعها علي كتفها ليربت عليهم وهو ينظر حوله ليري من حوله ليجد كل منهم في وادي غير واديه لينظر مره اخري باتجاها
مالك : اهدي يا بتول اهدي عشان خاطري انا بجد مش قادر اشوفك كده اهدي هو هيبقي كويس
بتول بدهشه : مش قادر تشوفني كده ازاي يعني
مالك بتوتر : انا عارف ان لا وقته ولا مكانه بس بجد قلبي بيوجعني عليكي مش قادر اشوفك كده متعيطيش عشان خاطري وبعدين نتكلم مش وقته
بتول وهي تزيح دموعها بضهر يديها كالاطفال ليقوم مالك بسحب منديل من جيب جاكيته ويمسح دموعها وهو يربت علي كتفها
لتقوم بتول بمسك يديه من فوق خدها ساحبه المنديل منها خوفا من ان يراهم احد :خلاص يا دكتور انا تمام خلاص ادعي بس لنائل يقوملنا بالسلامه انا مقدرش اتخيل انه يروح مننا
اما مالك فما ان لامست يديها يديه حتي شعر وكان نيران قد اندلعت داخله ليزفر انفاسه بحراره قائلا
مالك : اولا مالك بس مفيش دكتور ثانيا نائل هيقوم وهيبقي كويس متقلقيش
بتول بخجل : يا رب يا مالك يا رب
ليقفوا سويا يتحدثوا وروبين وادهم يقفوا سويا وبراء ووديع كل منهم يدعي لنائل ليفيقوا جميعا علي صراخ مليكه وخروجها بعد ان سحبت المحلول من يديها بعنف فتساقطت الدماء من يديها لتسرع مهروله اليهم وهي تترنح باكيه وتصرخ وتهلوس باسم نائل
مليكه : ناااااااائل نااااااااائل انت فين متسيبنيش يا نائل عشان خاطري يا ناااااائل
ليقف الجميع ينظر اليها بزهول لتسرع اليها روبين ويتسمر مالك مكانه ينظر اليها مزهولا من حالتها لا يقرب منها ينظر الي دمائها التي تتساقط من يديها ولا يقدر ان يتقدم خطوه واحده ناحيتها
**********************************************
الي هنا ينتهي هذا الفصل انتظروني في فصل جديد قريبا
