دعاء يونس

الفصل السابع

تذهب دعاء لزيارة جويرية لكى تشكو لها ما تعرضت له من تنمر من تحبهم
تطرق دعاء باب بيت عمها و تفتح لها جويرية و تجد دعاء تبكى و ترتمى فى حضنها و تبكى بحرقة تقوم جويرية بمحاولة تهدئتها قائلة : مالك يا دعاء ؟ فيه ايه ؟
دعاء : كلهم بهدلونى و كسروا نفسى . كنت فاكراهم هيفرحوا بلبسى للنقاب
جويرية : براحة بس احكي لى ايه حصل
دعاء : بابا و ماما زعلوا و مش راضين يكلمونى
و اصحابى اتريقوا عليا و اللى قالت ان انا يومين و هقلعه و اللى قالت ان انا بقيت متخلفة و رجعية و اللى قالت انى ممكن تكون اخلاقى مش كويسة
ده غير كلام امى ان انا مش هتجوز و هعمل مشاكل لبابا فى الشغل و مش هشتغل و ان البنات اللى مش كويسين بيلبسوه عشان يداروا نفسهم
و بدأت دعاء فى البكاء مرة اخرى
جويرية : طب بس بس ماتضيقيش وحدى الله
دعاء بصوت باكى : لا أله إلا الله
جويرية : انتى تيجى معايا فى دورة العلم الشرعى اللى قولت لك عليها بكرة و الدكتورة اللى بتدى المحاضرات هناك هتجاوب على كل الأسئلة البايخة دى و هتقولك تتعاملى معاهم ازاى
دعاء تقول دعاء بسكون بعد حزن : ماشى
تمسح جويرية على وجه دعاء و تبتسم لها
■■■
فى صباح اليوم الثانى
تستيقظ دعاء بهمة تنتظر بلهفة ان تذهب للدورة التى اخبرتها زوجة عمها عنها لعلها تفيدها حقآ
تستعد دعاء للخروج و ترتدى النقاب
و تخرج لتحاول ان تتحدث مع امها و لكن كعادة كل يوم تأبى ان تتحدث معاها رغم توسل دعاء لها
تخرج دعاء متوكلة على الله تاركة لله حل همومها و مشاكلها و تخرج بهمة عالية لتقابل زوجة عمها
عند شقة احمد تخرج جويرية لمقابلة دعاء
دعاء تحضن جويرية قائلة : ازيك يا جويرية
جويرية : الحمد لله شكلك مبسوطة النهاردة ايه مامتك كلمتك ؟
دعاء بحزن ممتزج بيأس ::لأ ابدآ انا عشمانة الاقى رد على الاسئلة اللى بتتوجهلى النهاردة
جويرية : باذن الله يا دعاء يلا نتوكل على الله
دعاء : يلا
تذهب جويرية مصطحبة دعاء لمركز العلم الشرعى الذى اخبرت دعاء عنه
و هناك تصطحب دعاء لرؤية دكتورة خديجة و هى احد من يقومون بتدريس العلم الشرعى فى المركز
تطرق جويرية باب مكتب دكتورة خديجة
خديجة : اتفضل
تفتح جويرية الباب و هى مصطحبة دعاء
تدخل دعاء لتجد خديجة مرتدية للنقاب و يطمئن قلبه لرؤيتها
جويرية : السلام عليكم يا دكتورة خديجة
خديجة : و عليكم السلام ورحمة الله وبركاته يا جويرية ازيك عاملة ايه ؟
و تقوم خديجة برفع النقاب و تقول : اتفضلوا اقعدوا
وحشانى جدآ مبقتيش تيجى زى زمان
جويرية : و انتوا كمان و الله مفتقدة جدآ المركز باذن الله ابقى ارجع تانى بس من ساعة الزواج و من مشغولة شويتين ان شاء الله اعرف اضبط الامور و اجى زى زمان
خديجة : تنورينا فى اى وقت يا جويرية مش هتعرفينا على الاخت الجميلة اللى معاكى
جويرية : دى بنت اخ زوجى (دعاء ) بنت على خلق و لبست النقاب من كام يوم و محتاجة دعم منك يا دكتورة خديجة
خديجة : انا مستعدة اساعدك فى اى حاجة تطلبيها باذن الله يا دعاء
تقوم دعاء برفع النقاب و تقول لها متشكرة جدآ يا دكتورة خديجة بس انا من ساعة ما لبست النقاب و انا عمال يتوجهلى كلام و اسئلة و انا مش عارفة اجاوب عليها
خديجة : زى ايه ؟
دعاء : ان انا مش هتجوز بسببه و مش هشتغل و هعمل مشاكل لبابا فى الشغل و ان ممكن يتقبض عليا و ان النقاب مش معيار للاخلاق و الدين و ان الدين فى القلب و الكلام ده او ان اسفة يعنى بنات مش كويسين و بيلبسوه عشان يداروا فيه و يا عالم ممكن تبقى منقبة بس اخلاقها زى الزفت
تبتسم خديجة و تقول لها : طيب اولآ انا هرد على الأسئلة دى عشان حاجتين اول حاجة ممكن تكونى انتى من كتر الاسئلة بدأتى تشكى فى قرارك للبس النقاب و حتى لو مش هترجعى عنه لازم تردى على الكلام ده
اولآ لموضوع الجواز او الشغل ده رزق و مستحيل الطاعة تمنع الرزق
و بعدين النقاب يضمن لك عريس يغير على اهل بيته مش احسن ما تكونى لابسة هدوم ضيقة و يجي لك عريس مش بيغير على زوجته !
اعتقد لو فكرتى بالعقل هتلاقى ان النقاب فى مصلحتك فى موضوع الزواج
تانى حاجة الدين فى القلب مش بلبس
الكلام ده غلط ١٠٠ %
لأن الدين لو فى القلب هيخلى المسلم يتبع اوامر الله عز و جل فى جميع حياته
حب ربنا باتباع اوامره و اجتناب نواهيه مش بالكلام
و بعدين اه اكيد فيه منتقبات مش كويسين و غير كفء له اصل النقاب مش ضمان لدخول الجنة و كمان احنا مش هنحكم على النقاب من كام واحدة اساءت التصرف
يعنى دلوقتى لو احنا نزلنا قرية و لقينا حد عاملنا وحش يبقى كده كل اهل القرية مش كويسين
اكيد لأ مبدأ التعميم غلط جدآ
و اخر حاجة البنات ممكن يلبسوه عشان يتخبوا فيه اه ساعات بتحصل بس الله يسامحهم هم ده مش ذنب النقاب
و افتكرى ان لا ذنب للعنب بما يفعله الخمر كذلك لا ذنب للنقاب والخمار بما تفعله المسيئات
و اصلآ حرام شرعآ انك تشتمى النقاب او تهينيه لأنه زى امهات المؤمنين و بالتالى لو حد هان ملابسهن يبقى اهانهن هن و لا ايه؟ رضى الله عنهن جميعآ
تبتسم خديجة و تتابع : اعتقد كده الامور هتبقى اسهل عليكى يا دعاء
دعاء : شكرآ اوى يا دكتورة خديجة بأذن الله هقدر ارد على اي حد يقولى حاجة تضايقنى
دكتورة خديجة : طيب يلا بقى يا بطلة عشان نحضر اول درس النهاردة فى الدورة
دعاء : هو هنتكلم فى ايه النهاردة ؟
دكتورة خديجة : الاغانى و المسلسلات
تتشوق دعاء لسماع تلك المحاضرة فهى تريد ان تسمع هل كان كلام عمها صحيح عن الاغانى و المسلسلات ام ماذا ؟!
تبدأ المحاضرة التى سوف تلقيها دكتورة خديجة و تجلس الفتيات امامها فى القاعة و من بينهن دعاء رافعة للنقاب منتظرة ما الذى ستقوله الدكتورة خديجة
تبدأ الدكتورة خديجة كلامها
: بسم الله و الحمد لله و الصلاة و السلام على رسول الله
موضوعنا النهاردة عن الاغانى و المسلسلات
طبعآ احنا هنا دورة الف باء من اساسيات الدين يعنى اللى لسه بادئ فى طريق الالتزام بيحتاج معلومات كتيرة و بنات كتير بيجوا المركز و مش بتبقى عارفة تعمل ايه عشان ترضى ربنا و من اكتر الاخطاء اللى البنات بيقعوا فيها هى الاغانى و المسلسلات لما شيخ يقول الاغانى و المسلسلات حرام بيتقال عليه متشدد
لكن هل حد سأل نفسه ايه حكم الاغانى و المسلسلات فعلآ ؟
هل حد سأل ايه رأى الائمة الاربعة ؟
او حتى سأل فطرته ؟
الأئمة الاربعة اتفقوا على تحريم الموسيقى
و فى حديث للرسول صلى الله عليه وسلم يقول فيه :
يأتي في آخر الزمان قوم يستحلون الحر والحرير والخمر والمعازف و لكن أبن حزم ذهب إن الحديث منقطع
و عن أنس بن مالك رضي الله عنه، أن النبي صلى الله عليه وسلم قال: .صوتان ملعونان في الدنيا والآخرة: مزمار عند نعمة، ورنة عند مصيبة
و طبعآ الاحاديث دى مش محتاجة شرح واضحة وضوح الشمس و مش محتاجة حد يختلف فى تفسيرها
و قال الله عز و جل فى كتابه : و وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ  / لقمان:6 و رأى أغلب العلماء إن المقصود بلهو الحديث هو الغناء
و لكن رأى ابن حزم و الغزالى اباحة الأغانى و لكن اتفق جميع العلماء على تحريم القبيح منها
يعنى اللى يثير الشهوات و المشاعر و غيرها من المحرمات
و اذكركن بحديث الرسول صلى الله عليه وسلم :
إِنَّ الْحَلَالَ بَيِّنٌ، وَإِنَّ الْحَرَامَ بَيِّنٌ، وَبَيْنَهُمَا مُشْتَبِهَاتٌ، لَا يَعْلَمُهُنَّ كَثِيرٌ مِنَ النَّاسِ، فَمَنِ اتَّقَى الشُّبُهَاتِ، فَقَدِ اسْتَبْرَأَ لِدِينِهِ وَعِرْضِهِ، وَمَنْ وَقَعَ فِي الشُّبُهَاتِ وَقَعَ فِي الْحَرَامِ .
هل عندك حجة دلوقتى لسماع الأغانى ؟
هل الأغانى تستحق الوقوع فى الشبهات و المحرمات ؟
و اللى هتقول الموسيقى شئ راقى و جميل ازاى حرام
افتكرى الأية وَزَيَّنَ لَهُمُ الشَّيْطَانُ أَعْمَالَهُمْ
أَفَمَن زُيِّنَ لَهُ سُوءُ عَمَلِهِ فَرَآهُ حَسَنًا ۖ
و أسأل نفسك انت عبد الكمان و الجيتار و لا عبد الله عز و جل ؟ اكيد عبد من عباد الله
افرح بده افرح انك من المسلمين
افرح و احمد ربنا انه ربك
احمد ربنا ان هو الى خلقك
اعبده و طيعه بدون سؤال
هل حد تجرأ يقول ليه مثلآ العشاء ٤ ركعات ؟
اكيد لأ لان ده امر من ربنا سبحانه و تعالى واجب التنفيذ
يبقى احنا كده اتفقنا على الاغانى ؟ تمام
نيجى بقى للمسلسلات والأفلام؟
هل لما بتتفرج على مشهد من مسلسل و لا فيلم حتى لو الفيلم مفيهوش مشاهد خارجة
هل البطل مش بيمسك ايد البطلة
طب لما يطلع اتنين بيمثلوا انهم اخوات مش بيحضنوا بعض ؟! هل هما اخوات فعلآ ؟
هل الستات دول ملتزمين بالزى الشرعى ؟
اكيد اجابة كل الاسئلة دى لأ
يبقى خلاص اتفرج ليه على حاجة فيها معصية ؟ و متقولش انا بتفرج مش بعمل كده متبقاش عامل زى اللى قاعد مع صاحبه و هو بيشرب خمرة و يقول انا مالى ده ذنبه مش ذنبى انا !!
حرام انك تشاهد او تجالس او تعاشر الحرام
عشان ممكن من كتر الذنوب اللى انت بتتفرج عليها شوية شوية و تألفها و تبقى عندك عادى و يضيع حيائك و مبادئك
مش كده و لا ايه ؟
المهم ان بنات كتير بعد ما بطلوا اغانى و مسلسلات بيقوا عايزين يعملوا حاجة فى وقت الفراغ بس مش عارفين يعملوا ايه
كل واحد عنده هواية بس وسط التكنولوجيا اللى احنا فيها للأسف محدش بيكتشف نفسه
اللى فاضى و عايز يعمل حاجة مش حرام
يعمل حاجة بيحبها
يعنى لو بتحبى القراءة اقرأى كتب و روايات كتير الوقت اللى بتضيعوه فى مسلسل واحد يخليكى تقرأى عشر كتب شوفى بعد المسلسل ما يخلص استفادى ايه و شوفى بعد العشر كتب استفدى ايه ؟ حقيقى المسلسلات مضيعة للوقت و مش بتعود باى فايدة غير المتعة وقتها
و لو بتحبى الاشغال اليدوية اتعلميها
....اتعلمى رياضة بتحبيها هتلاقى نفسك بقى ليك دور و تأثير
حقيقى المتعة مش مقتصرة على الافلام و المسلسلات بالعكس هم اقل متعة .
و بالنسبة للاغانى فى البداية استبدلوها بالاناشيد اللى من غير موسيقى
بصوا يا بنات اعرفوا ان اى حاجة فى الدنيا لها نوعين النوع الحلال و النوع الحرام
النوع الحرام هيبقى اسهل اياك تستسهل و تاخده
اتعب و راضى ربك و اعمل اللى يراضياه
دمتم جميلات طائعات لله عز و جل
انتهت المحاضرة