دعاء يونس

الفصل الثامن

تخرج دعاء و هى على اقتناع تام بكل كلمة سمعتها فى المحاضرة
و تستقل دعاء مواصلة و فى الطريق تقوم بمسح كل حساباتها على مواقع التواصل الاجتماعى لأن جميعها كانت لمتابعة الممثلين و المسلسلات و المطربين فما اصبح لتلك الحسابات فائدة الآن فهى قررت قطع صفحة الاغانى و المسلسلات من كتاب حياتها
و تقوم دعاء بفتح حسابها الداعم للمغنى و الممثل التركى يونس اولسوى و ترى و قد اصبح عدد المتابعين فى حسابها ٣٠٠ الف متابع و ترى عدد المنشورات وصل الى الف منشور فقد فتحت حسابها ذلك منذ اكثر من ٣ سنوات
تتحسر دعاء على وقتها الضائع فيما لا يرضى الله عز و جل و تلقى نظرة على احدى المنشورات التى كانت قد نشرتها منذ فترة فكان كليب ليونس اولسوى قامت بتنزيله عندما اصدر فى الاسواق و ترى ان عدد المشاهدات على ذلك الفيديو ما يقارب المليون
تحزن دعاء لعدد الذنوب التى حملتها على اكتافها
و تقول فى نفسها اللهم اغفر لى . لا اله الا انت سبحانك انى كنت من الظالمين
تقوم دعاء بحذف حسابها للأبد
و تشعر براحة من تخلصها من ذلك الذنب
و تظل تردد دعاء يونس عليه السلام لا اله الا انت سبحانك انى كنت من الظالمين طوال الطريق حتى وصلت لبيتها
تعود دعاء الى بيتها لتجد والدتها تنتظرها فى الصالة
نيرة بوجه عابس : دعاء تعالى عايزة اكلمك فى موضوع مهم
دعاء : نعم يا أمى
تجلس دعاء امام والدتها لتسمع ماذا تريد ان تخبرها
نيرة : بصى يا دعاء البتاع ده هيتقلع و من غير نقاش
دعاء : تسمحى تقولى لى ايه الدوافع اللى خلت حضرتك تقولى كده ؟
نيرة : قلت من غير نقاش
دعاء : حضرتك يا ماما ربتينى على ان معملش حاجة من غير ما اقتنع بيها
نيرة : ماشى يا دعاء طالما عايزانى اتكلم اتكلم
تقدرى تقولى لى هتتجوزى ازاى ؟
دعاء : عادى زى باقى الناس ما بتتجوزى
زى اللى بشعرها و اللى محجبة
نيرة : دعاء ماتضحكيش على نفسك طول ما انتى لابسة نقاب محدش هيتقدم لك مش هتلفتى نظر حد
دعاء : هو انا لازم الفت نظر حد عشان يتقدم لى محدش هيتقدم لى عشان اخلاقى او سيرتى و سمعتى و مكانتى ؟
هو انا لو ملبستش نقاب كنت زى زمان
برفان و مكياج و تربون و ملابس ضيقة
مين كان هيتقدم لى ؟
اكيد اللى هيقبل يتجوز وحدة زيى زى زمان اكيد حد مش متدين ، مش بيصلى ، مش محترم ، له علاقات تحت مسمى الصداقة ، ممكن يقبل على نفسه مال حرام ، مش مهتم برضا ابوه و امه
هل هأمن على نفسى مع شخص زى ده ؟؟؟؟
دلوقتى اى حد متدين ذو دين و خلق و بيدور على عروسة
منطقى هيدور على وحدة لابسة زى شرعى خمار نقاب .......عمو احمد لما حب يتجوز اتجوز جويرية
و اديكى شايفة جويرية عاملة ازاى . ياريت اكون فى نص دينها و اخلاقها
اتمنى تكونى فهمتينى يا ماما
نيرة : طب يا دعاء هتشتغلى ازاى ؟
دعاء : ده رزق يا ماما لو فى شغل رفضنى عشان منتقبة يبقى اكيد مليش رزق فيه و مكانش هيبقى فيه خير ليا
نيرة : ممكن اعرف انتى متمسكة اوى ليه بالنقاب كده ؟
دعاء : عشان عايزة اقرب من ربنا عايزاه يبص ليا بنظرة رضا .
عايزة ابقى شبه امهات المؤمنين
و تتابع دعاء مستعطفة امها : مش عايزة ربنا يحبنى يا ماما ؟
نيرة : خلاص انتى حرة بس مترجعيش تندمى يا دعاء
دعاء بفرحة : اوعدك يا ماما ان انا عمرى ماهندم عليه باذن الله بالعكس هيفضل لبس النقاب احسن قرار اخدته فى حياتى
نيرة : انا عن نفسى رميت طوبتك خلاص و مش هوجع قلبى معاكى فى الموضوع ده تانى اللى بيشيل اربه مخرومة بتخر على دماغه الا هل بلغت اللهم فاشهد
استلقى وعدك من ابوكى شوفى هتقنعيه ازاى
تنزل دعاء على رجل امها و تقبل قدمها
و تقول لها بفرحة : الله يبارك فى عمرك يا امى و يرزقنى رضاكى عنى
تدخل دعاء غرفتها سعيدة و تقفز من السعادة و تردد : وافقت وافقت وافقت الحمد لله الحمد لله
و تسجد سجدة شكر لله عز و جل
تقوم دعاء من السجود و تفتح هاتفها و تقوم بفتح حساب جديد على الفيس بوك للتتابع كل ما هو مفيد
فتابعت حسابات الشيوخ التى احبت السماع لهم و تابعت صفحات كليتها كلية الالسن و اثناء تصفح دعاء للصفحة الرسمية لكلية الألسن تقرأ ان نتيجة سنة رابعة ظهرت
تتذكر دعاء ان كان من المحتمل ظهور النتيجة هذة الايام و لكنها انشغلت عن نتيجتها بالاحداث التى جدت و ارتدائها للنقاب
و تدخل على رابط النتيجة مسرعة و نبضات قلبها تتسارع
و تجد نفسها حصلت على تقدير امتياز
لا تصدق دعاء نفسها و تخرج من غرفتها تصرخ : جبت امتياز جبت امتياز
يا ماما انا جبت امتياز
يا بابا انا جبت امتياز
لتجد والدها فى وجهها تشق الضحكة وجهه الضحك و هو غير مصدق
تجرى دعاء عليه لتحضنه
و تأتى امها و تقول لها : مبروك يا دعاء مبروك و تزغرط والدتها و يسمع كل البيت
فيأتى عمها من بيته و يقول : فيه ايه يا محمود فيه ايه يا دعاء
محمود : دعاء جابت امتياز
احمد فرحآ  : مبارك يا دعاء مبارك
... و يقوم باحتضانها و حملها عن الارض
تفرح دعاء لاكتمال فرحتها بارتداء التقاب فقد سامحها ابوها و امها و حتى سامحوا عمها و جلبت الفرحة على البيت حتى عمها ازداد فخرآ بها
........................
برجاء التصويت أذا أعجبكم الفصل 😊