دعاء يونس

الفصل العشرون

يعود احمد و جويرية مع ابنائهما الثلاثة الى البيت و قد ارتسمت ابتسامة عظيمة على وجوههما
احمد و جويرية فى ذات الوقت : الحمد لله
يبتسم كل منهما الى الاخر و تمتلئ عينهما بدموع الفرح
أحمد : لازم نعجل فى العقيقة و نشكر ربنا على نعمه
و يتابع هتصل بدعاء . كانت قلقانة اوى
يرفع احمد الهاتف و يتصل بدعاء و يقوم بتفعيل المكيروفون لكى تسمع جويرية
احمد : السلام عليكم
دعاء : و عليكم السلام ورحمة الله وبركاته يا عمو
عملتوا ايه عند الدكتور .
احمد : على فكرة التليفون ميكرفون . جويرية معاكى
دعاء : ازيك يا جويرية
جويرية : الحمد لله يا دعاء
احمد : عندى ليكى خبر يا حبيبة عمو
دعاء : خير ؟!
احمد بصوت فرح : النهاردة الدكتور قال ان زينب سليمة تمامآ و معندهاش فشل كلوى زى ما كان الدكاترة فاكرين
دعاء بفرحة : الحمد لله . الحمد لله
ربنا يبارك لكوا فيها يا عمو و فى اخواتها ربنا يفرحكوا بيهم و يجعلهم ذرية صالحة و ترتدوا بسببهم تاج الوقار يوم القيامة لحفظهم القرآن يا رب
احمد و جويرية فى آن واحد : يارب يارب
و يتابع احمد : و يرزقك بالذرية الصالحة يا دعاء
....
تغلق دعاء مكالمة عمها و يملئ قلبها الراحة و الفرحة فقد اطمأنت على زينب فهى ابنة عمها و لكنها تعتبر ابنة اخيها أحمد و أختها جويرية
..........
فى اليوم التالى
يعود يونس من العمل حيث يعمل بأحدى شركات النقل البحرى بين مصر و تركيا
يعود و على وجهه ابتسامة كعادته
تفتح له دعاء الباب و على وجهها ضحكة تحاول اخفاءها
يدخل يونس و يقول : خير يا دعاء فى حاجة عاوزة تقوليها
دعاء و على وجهها تلك الابتسامة المريبة : لا لا ابدآ
يلا عشان حضرت الغداء
يجلس كل منهما على طاولة الطعام و اثناء تناول الغداء
يقول يونس : دعاء معلش ممكن ماء
دعاء : اه طبعآ
تنهض دعاء مسرعة و تضع شيئآ على الطاولة
و تقول : اتفضل يا يونس أشرب .
يرفع يونس عينه من الطبق ليشرب الماء ليجد بزجاجة اطفال للرضاعة  بها ماء ليقول لها و على وجهه علامات الاستغراب : ايه ده ؟
دعاء : و انت فاكر ابننا هتشرب ازاى ؟!
أنا حامل
يونس : ايه بجد ؟؟! و يحمل دعاء من الارض فرحآ و يقول لها هنجيب بنت شبهك على فكرة !
دعاء : لأ ولد شبهك ! بتبوظ امنيتى ليه ؟
و يضحك كل منهما و يحتضن الأخر فى فرحة عارمة
.......
فى احدى الليالى الهادئة
تجلس دعاء تقوم بغزل كوفيه لعمها أحمد
و يجلس يونس أمامها و يتصفح الأنترنت و يقول لها
دعاء فى مسرحية دينية حلوة اوى عاوزة احضرها
دعاء : ايه يا شيخ يونس؟ مسرحيات ايه بس ؟
يونس : مفيهاش ممثلات متبرجات . ابطال العمل كلهم رجال و فكرتها عن الغزوات ايام الرسول صلى الله عليه و سلم
دعاء باستنكار : التمثيل فيه خلاف يا يونس
يونس : لا ما انا بقتنع بالراى اللى يبيح
انا سبت التمثيل عشان المحرمات اللى فيه بس طالما مفيهاش شئ محرم خلاص
دعاء : مش مستريحة للكلام ده يا يونس بلاش
يونس : ليه بس يا حبيبتى
دعاء : خلاص براحتك
....
فى أحدى المسارح حيث تقام المسرحية التى ذهب يونس لحضورها
يجلس يونس باستمتاع و شغف يتابع المسرحية فقد ايقظت موهبته التى دفنها لسنين ارضاء لربه
و يأتى مشهد النهاية و يعجب به يونس و يقوم بالتصقيف
و يستعد الحضور لمغادرة القاعة
و اذا بيونس يهم ليخرج ليجد أحدى الحاضرين و الذى يبدو عليه أنه مشهور فى مجال الفن فى مصر
يأتى و يسأله بدهشة : يونس اولسوى ؟!
يهز رأسه يونس و يرد و على وجهه ابتسامة خفيفة : نعم .
ليرد الرجل : أهلآ أهلآ يا استاذ يونس انا متابع حضرتك من زمان و أعرف شعبيتك فى تركيا و زعلت اوى ساعة ما اعتزلت موهبتك كانت عظيمة .
يونس : الحمد لله تركت المجال لله و رضاه .
الرجل : ازاى بس كان ممكن تعمل حاجة هادفة من غير ما تغضب ربنا زى اللى احنا بنعمله النهاردة
يونس : حبيت اقطع الموضوع خالص عشان مرجعش
الرجل : حريتك الشخصية و ربنا يوفقك
أعرفك بنفسى انا : حسام شاكر مخرج مسرحى و ده الكارت بتاعى اتفضل
يونس باستغراب : شكرآ
حسام : و ممكن رقمك ؟ حضرتك شخصية عظيمة و أتمنى لو فضلت على اتصال بيك و كمان ساعات كتير بحتاج فتاوى و أسئلة و مبلاقيش رد يقنعنى فلو تسمح لى اسألك لما أحتاج
يونس : طبعآ طبعآ ليا الشرف
..
يعود يونس الى المنزل ليجد دعاء : جالسة تقرأ القرآن لتراجع على حفظها
يونس : السلام عليكم يا دعاء جيتى أمتى من المركز
دعاء : و عليكم السلام و رحمة الله. لسه جاية .
عملت ايه ؟ ايه اخبار المسرحية ؟ اتمنى مكانش فيها مخالفات شرعية
يونس : لأ طبعآ يا حبيبتى
دعاء : طيب
يخلع يونس الجاكت و يخرج كارت حسام
دعاء : كارت ايه ده ؟
يونس : ده كارت واحد اتعرفت عليه النهاردة
مخرج مسرحى اسمه حسام و اخد نمرتى عشان يتواصل معايا و يسأل على حاجات فى الدين
دعاء : اتمنى علاقتكوا تبقى فى حدود الأسئلة الدينية بس
يونس :قصدك أيه يعنى ؟
دعاء : متبقاش اسئلة فنية
يونس : لأ طبعآ يا دعاء دماغك راحت فين ؟
انا رحت بس المسرحية النهاردة عشان مش هلاقى زيها تاني مفيهاش اى مخالفة شرعية و تقدرى تسألى عليها
دعاء : تمام يا يونس مصدقاك
خلاص انهى الموضوع ده
عاوزة اقولك حاجة
عمو أحمد هيعمل عقيقة اولاده الجمعة الجاية
اعمل حسابك نروح
يونس : تمام .ربنا يبارك له فيهم