دعاء يونس

الفصل التاسع عشر

فى الحرم المكى
امام الكعبة تجلس دعاء مع يونس و ينظر الى الكعبة
فقد قررا بدأ حياتهما بعمرة تغسل ذنوبهما و تكون خير بداية لحياتهما
تجلس دعاء ترتل القرآن بجانب يونس
و اذ تفرغ من قراءة القرآن و تنظر الى يونس
فينظر يونس الى دعاء بحب و يقول لها : سبحان الله ! مش عارف ازاى فى ناس بتقلق و قدرها بأيد ربنا ! الحمد لله ان الله هو الله !!
حياتنا كانت مبعثرة و ملهاش معنى و ربنا من علينا بلذة الطاعة و جمعنا لبعض من اقصى البلاد ! الحمد لله
دعاء : عمرى ما تصورت انى ممكن اتزوج يونس اولسوى
كان اقصى حلم انى اشوفك صدفة و اتصور معاك !!
بس تعرف مهما كنت حبيت يونس اولسوى مش هيبقى بالقدر اللى حبيت بيه يونس محمد على
الحمد لله
ينهض كل من دعاء و يونس للعودة الى الفندق و يمسك كل منهما يد الاخر
...
فى عيادة امراض النساء و التوليد فى القاهرة
حيث تجلس جويرية و عيناها تلمع بالدموع و يجلس بجانبها أحمد و على وجهه خوف و حزن
الطبيبة : انا اسفة بس لازم تقرروا
لو محصلش اجهاض للجنين هيعيش طول عمره عنده فشل كلوى و هيغسل كلى مرتين فى الاسبوع حرام تحكموا عليه بده
احمدوا ربنا ان الاتنين المتطابقين بصحة و معندهمش مشكلة اختهم
كفاية اتنين ربنا قدر و لطف
و مستنية ردكوا فى اسرع وقت قبل ما الموضوع يبقى صعب بالنسبة لحالة جويرية الصحية عشان فاضل شهرين بس على الولادة
ينزل احمد و جويرية من العيادة و لا يتفوه أحد بكلمة و ثم يعودان للمنزل
و تجلس جويرية على كرسى الصالون
و اذا بأحمد يجلس عند رجلها و يمسك يدها
و يقول بصوت متهدج و بعين حزينة غير ناظرة لعينها :
الحمد لله صبرنا سنتين من غير خلفة رغم انقطاع الأمل و كلام الدكاترة اللى يموت
و كنتى بتقنعينى اتزوج عشان اخلف من كتر ما انتى فقدتى الأمل فى نفسك
و ربنا أكرمنا و حملتى
زعلنا عشان عارفين ان مفيش امل نخلف غير طفل واحد
و ربنا اكرمنا و طلعتى حامل بثلاثة
بقى يكون من الحمد على نعم ربنا علينا اننا نقتل روح
لأ و كمان روح بنتنا
هنقتل زينب يا جويرية ؟!
اذا كان ربنا خالقها كده الحمد لله ربنا كتب كده عليها و مبتليها
احنا مش احن من ربنا عليها يا جويرية
تبكى جويرية بحرقة و تحاول النزول فى حضن احمد و لكن يمنعها الحمل
فيصعد احمد بسرعة و يحضنها و يقبل رأسها و يدها
و يقول لها : اطمنى يا أم الحسن و الحسين
ربنا رحيم و كريم على عباده كلهم بما فيهم زينب
..............
بعد مرور شهرين بالقاهرة
استقرت حياة يونس و دعاء فقد أكمل يونس رسالته الدعوية فى مصر فى المساجد و المراكز التى تقدم علم شرعى و دعوى فكما هناك من يحتاج علمه فى اسطنبول هناك من يحتاجه ايضآ فى القاهرة
و استمرت مؤسسة يونس الخيرية فى تركيا فى عملها تحت اشراف اصدقاء يونس
و فى أحدى الأيام فى بيت دعاء و يونس
تعود دعاء من عملها فأصبحت تعمل فى مركز لتعليم اللغة التركية
و ثم تتوضئ و تستعد للصلاة
تبدأ دعاء صلاتها
و اذا بدعاء ساجدة اثناء صلاتها تدعو الله قائلة : اللهم ان عبدك أحمد و أمتك جويرية قلبهما يتمزق على ابنتهما الصغيرة الضعيفة زينب
اللهم عافها و اشفها
اللهم إن اليوم هو ثان يوم فى حياتها فاللهم اجعل حياتها كلها راحة و شفاء اللهم طمأن قلب ابويها عليها
تسلم دعاء و تنهى صلاتها
و تنهض و اذا بيونس يجلس خلفها على السرير يتأملها و عينه مليئة بالحب و الشغف
دعاء مبتسمة : ايه ده انت جيت من الشغل امتى ؟
انت هنا من كتير ؟
يونس : اه من ساعة ما كنتى بتدعى لابنة عمك زينب
دعاء بحزن : ربنا يشفيها يا يونس الدكاترة بيقولوا عندها فشل كلوى و هتعيش عمرها كده
فرحة احمد و جويرية مكسورة
مش عارفين يفرحوا بالحسن و الحسين عشان زعلانين على زينب
يونس : ربنا يشفيها و يطمنهما عليها
.......
فى المشفى و فى أحدى عيادات الأطفال :
يجلس أحمد و جويرية
و تحمل جويرية الحسن و يحمل أحمد الحسين
و على وجه أحمد و جويرية القلق و الحزن و ينظر كل منهما الى الأخر و كأنه يريد أن يطمئن الأخر و لكنه لا يدرى ماذا يقول
و على سرير كشف الأطفال تنام زينب كالملاك
فهى على وجهها من البراءة ما يقول أنها مستودعة أمرها جله و كله لله
يجلس الطبيب و يحمل فى يده أحدى الأشعة
و يظهر على وجهه الحيرة و التعجب
ازاى ؟ انا مش عارف ازاى ده حصل !!!!!
انا بجد بعتذر عنى و نيابة عن كل طاقم الأطباء اللى قال كده بس حقيقى مش عارف ازاى ؟
زينب سليمة ١٠٠ % معندهاش اى مشاكل فى الكلى زى ما كانت التقارير و الاشعة بتظهر اثناء الحمل
ينظر أحمد و جويرية إلى بعض و الفرحة كأنها تطير من عيناهما
أحمد : الحمد لله ....الحمد لله
انا قلت لك يا جويرية ربنا احن منا عليها
كنت عايزنى اقتل بنتى يا دكتور ؟
هو ده كلامك و كلام كل الدكاترة اللى معاك و تابعوا حالة زينب أن مفيش أمل و أنها مريضة فشل كلوى ؟!
الطبيب : بجد انا بعتذر بس تقدر تاخد الاشعة و التقارير بتاعت زينب اثناء الحمل و تطلع على اى مستشفى غيرنا
هيقولوا نفس الكلام
ده معجزة عمرى ما شفتها طول حياتى المهنية
و بكرر اسفى مرة اخرى
دلوقتى تقدر تروح مع زوجتك و اطفالك و انتوا مطمنين
زينب تقدر تعيش من غير اى مشكلة