دعاء يونس

الفصل الثامن عشر

بعد مرور اسبوع :
فى منزل محمود تجلس دعاء مع نيرة و تحضر لتجهيزات الزفاف و الحناء و لتجهيزات الزواج تمسك دعاء بورقة و قلم لكتابة ما تحتاجه و تقول ضاحكة : الحمد لله ان اوضتى هتفضل اوضتى حتى بعد الزواج
هتسيبوها زى ما هى لغاية ما اجيلكوا لما يكون يونس فى سفرياته
متجيش بعد ٣ شهور تقولى لى : شلت سريرك و حطيت ركنة !! قاعدة على قلوبكوا انا
و تلاحظ بكاء نيرة و محاولتها لامساك نفسها
دعاء : انتى بتعيطى ليه يا ماما ؟
نيرة : كنت مصبرة نفسى و انتى مسافرة
انك هتتجوزى و تقعدى هنا فى مصر مكنتش اعرف انك لما تتجوزى املى هيتقطع فى انك ترجعى
دعاء : متقطعيش قلبى يا ماما
انا هقعد معاكوا ٣ شهور فى السنة
مش هتشبعى منى ؟ ده انتى حتى هتملى منى !
خلاص بقى بالله عليكى متعيطيش
نيرة و هى تمسح دموعها من على خدها : حاضر
قولى لى بقى هتعملى ايه فى الحنة و الفرح
و تتابع بتذمر : انا شايلة هم اليوم ده من ساعة ما لبستى النقاب
دعاء مبتسمة : ايه العلاقة يا امى ؟!
نيرة : و هتعملى فرحك و حنتك ازاى يا عين امك من غير اغانى ؟
دعاء : متقلقيش باذن الله
هتكون احلى ليالى عمرى و ربنا هيبارك فيها
نيرة : يارب
●●
فى يوم الحنة :
فى منزل محمود حيث توجد جميع فتيات العائلة ترتدى دعاء فستان أنيق يظهر رقتها و هى مصففة شعرها كما ترغب
فقد اشبعت رغبتها الانثوية فى ارتداء ما هو جميل فى اطار الفطرة و الحلال
تجلس دعاء و تضع لها الحنانة الحنة على يدها و تقول لجويرية التى تجلس بجانبها و هى مرتدية ملابس تظهر جمالها الهادئ التى كانت دومآ تخفيه بملابسها المحتشمة و خمارها الطويل
دعاء : تعرفى يا جويرية زمان و انا صغيرة كان نفسى احط وشم عشان شكله حلو و دلوقتى الحمد لله خليت الحنانة تعمل لى الاشكال اللى انا عايزاها بالحنة
مش عارفة ازاى الفكرة مجتش فى دماغى زمان ؟!
و تتابع بضحكة سخرية و ندم : كانت دماغى متبرمجة على الحرام بس
ازاى بقى مفكرتش ان كل حاجة حرام لها بديل حلال يرضى رغباتنا و يرضى ربنا عنا ؟
الحمد لله انه نور بصيرتى
و اذا تأتى احد فتيات العائلة قائلة بحماس : فرقة البنات وصلت
تنهض جويرية بصعوبة قليلة و قد عركل الحمل حركتها
و اذا بدعاء تنهض و تتجمع فتيات العائلة حول دعاء و تأتى فرقة البنات الاسلامية و تنشد اجمل الاناشيد
التى تجعل الوقت يسوده الجمال و الفرح
و تعطى الفرقة دعاء الدف و تدق عليه و يعم الفرح ارجاء الحفل .
تنتهى حفل الحناء و السعادة و المرح تعم ارجاء المكان و تذهب الفتيات على وعد بلقاء دعاء غدآ قى زفافها
.....
تنام دعاء على سريرها فرحة تنظر الى الحنة المرسومة على يدها و تنظر على اسم يونس الذى مكتوب على معصمها تفرح كثيرآ و تنظر له بعينان مملوئتان بالحب و الحمد
و اذا بمحمود يأتى و يطرق الباب
تنهض دعاء من السرير و تقول : اتفضل
يدخل محمود الغرفة و يقبل رأس دعاء و يجلس امامها على سريرها
محمود : دعاء انا بعتذر لك يا بنتى ان انا اعترضت على لبسك للنقاب و خليت الموضوع صعب عليكى
ساعات الواحد مش بيبقى شايف كويس
معلش اعتذارى جه متأخر
دعاء تقطع كلامه : مش مهم يا بابا متعتذرش المهم انك راضى عنى
محمود : راض عنك يا بنتى و احب اقولك ان انتى كنتى صح و عمك صح و انا اعتذرت له على طريقتى معاه زمان و برضوه عمل زيك كده محبش يحسسنى انه زعلان منى
و يتابع مبتسمآ : صحيح بنت عمك
و يرتب على رأس دعاء و يقول لها نامى يا حبيبتى
نامى كويس بكره فرحك و عايزك تبقى مستريحة
نامى يا حبيبة ابوها
تنام دعاء على السرير و يقوم محمود بتغطيها و يقبل رأسها
فى صباح اليوم التالى :
فى احدى الموانئ المطلة على نهر النيل بالقاهرة
تقف عائلة دعاء تنتظر زفة دعاء و يونس
يقف احمد و جويرية و نيرة و محمود فى مقدمة الحضور
و اذا بمركب تأتى من النيل قبيل الغروب و اذا بزفة دفوف يقوم بها شباب احدى الفرق الاسلامية تزف مجئ دعاء و يونس
تظهر دعاء و هى ترتدى فستان زفاف ابيض و ترتدى فوقه كاب يغطى تفاصيل جسدها
و تظهر كالأميرات و هى ترتدى خمارآ و تاجآ رقيقآ من الكريستال
و تصطحب معها باقة من الزهور الحمراء و البيضاء
و تأتى ممسكة فى يد يونس و الذى ارتدى بذلة بيضاء
اظهرتهما و كأنهما من الجنة
يركب الجميع سفينة فى البحر حيث تقام حفلة الزفاف
تتجمع النساء فى الدور السفلى و يتجمع الرجال فى الدور العلوى
و تنشد الفرق الأناشيد الإسلامية الأناشيد
يمضى كل من دعاء و يونس اجمل لحظات حياتهما
حيث يتم اعلانهما زوج و زوجة
تنتهى حفلة الزفاف و يمسك يونس بيد دعاء و ينظران إلى بعضهما و لا يصدقان ما يحدث
فقد اجاب الله لدعاءهما فى أجمل صورة
فستكون هى زوجته التى يرى وجهها فى كل وقت
و سيكون هو زوجها الذى ترى وجهه و يروى ظمأ قلبها بعد سنين عجاف
ينظر كل منهما الى الأخر و الفرحة تشع من عينه
ينظران الى بعضهما و كأن كل منهما يعد الأخر ان يكون زوجآ صالحآ له و ان يكون رحمته فى ايامه القاسية و ان يكون ضحكته فى ايامه الحزينة و شريك عمره القادم كله