فى صباح اليوم التالى
تستيقظ دعاء فرحة بما انعم الله عليها و تفتح البريد الالكترونى لتجد رسالة ما تفتحها دعاء و تقرأها فترتسم علامات السعادة و الأمل
و تخرج من غرفتها و تذهب لوالدتها لكى تكلمها
دعاء بفرحة : ماما عاوزة أكلمك فى موضوع
نيرة : خير يا جلابة الخير
دعاء : أنا كنت مقدمة فى منحة لتركيا من فترة و النهاردة اتقبلت لما النتيجة طلعت و أنا عارفة أن بابا كان رافض فكرة السفر فعاوزاكى تقنعيه
نيرة : يا بت كفاية مشاكل بقى تعبتينى معاكى
و تنظر لها بطرف عينها و تقول : حاضر هحاول أقنعه
دعاء : تسلمى لى يا أحلى ماما فى الدنيا و تقبل رأس نيرة و تتابع دعاء : بس ممكن طلب تانى
نيرة : عاوزة أيه تانى ؟
دعاء : يعنى بعد اذنك يا ماما كنت حابة اعزم اصحابى البنات يجوا البيت تحت
بيت جدو الله يرحمه يعنى
عاوزة اقعد معاهم شوية براحتى
نيرة : اشمعنا ؟
دعاء : اصل انا شديت معاهم من ساعة لما لبست النقاب و عاوزة اصالحهم يعنى
نيرة : من ساعة البتاع ده و المشاكل عمالة تيجى
ماشى بس بشرط ميطلعش صوتكوا من البيت
دعاء بفرحة تمسك يدى نيرة و تقبلهما : شكرآ يا احلى ام فى الدنيا
تفتح دعاء مجموعة الواتس اب لاصدقاءها و تقوم بتسجيل صوتى و تقول : بنات خلونا ننسى اللى حصل اخر مرة انا مسامحة لو انتوا غلطانين و انتوا كمان سامحونى لو انا غلطت
انا فرحانة و فرحتى مش هتكمل الا بيكوا
انا عزماكوا النهاردة تيجوا البيت عندى فى شقة جدو المقفولة نقعد فيه براحتنا و نضحك و نهزر زى زمان مستنياكوا
توافق صديقات دعاء على الفور و يرسلوا لها الرسائل التى يخبرونها فيها أنهم سوف يأتون لزيارتها
.... و لكن لم تعلم دعاء ان احدهن كانت مختلفة النية فكانت دنيا لها نية اخرى غير مصالحة دعاء
●●●●●●●
فى بيت احمد
تنادى جويرية و هى فى غرفتها احمد و هو منشغل بطبخه احدى الطبخات التى تحبها زوجته جويرية
فقد اعتاد على طبخ الغداء بنفسه يوم الجمعة
احمد حبيبى فى حد بعتلك رسالة
احمد : طب اقريها و قولى لى فيها ايه عشان ايدى مشغولة
تفتح جويرية الرسالة لتجدها من فتاة مسجلها احمد فى هاتفه ب Dodo و فى الرسالة مكتوب فيها حبيبى و بجوارها قلب احمر
تشتعل جويرية غيرة و تشعر بغصة فى قلبها
و تذهب لاحمد منصدمة و تقول له : احمد
يرد عليها و هو منشغل بطهى الطعام :نعم يا حبيبتى
جويرية : دودو بتقولك حبيبى و بعتالك قلب احمر
احمد : ماشى يا حبيبتى
تشعر جويرية بان الارض تهتز من تحتها و تقول له : احمد انت مدرك انا قلت ايه دلوقتى ؟
احمد : اه دودو بعتالى قلب ايه المشكلة ؟
اها انت عارفة مين دودو ؟
جويرية بغضب ممزوج بدهشة : لأ
احمد : دى دعاء
جويرية : دعاء مين ؟
احمد : دعاء بنت اخويا يا جويرية شكلك دماغك راحت بعيد
كانت سألتنى عن اسماء شيوخ تسمع لهم دروس على الفيس و اليوتيوب فبعت لها فتلاقيها بتشكرنى
تبتسم جويرية خجلآ و تقول : لا طبعآ انا واثقة فيك يا حبيبى
احمد ضاحكآ : باين باين
تبتسم جويرية و تهدأ نارها و تزيد ثقتها و حبها فى احمد
أنت تقرأ
دعاء يونس
Romanceعندما تشدك المعاصى لحياة فانية و تشدك الطاعات لحياة أبدية ........ دعاء فتاة مثل باقى فتيات جيلها غارقة فى المعاصى التى تستصغرها و يونس غارق فى الكبائر و لا يشعر و لكن صوت نقى بداخلهما جعلهما يتركا حياتهما القديمة لينعما بحياة فى طاعة الله و لو على...
