وفي القلب انت

الكاتبة#فيّدعبدالله(٧)

مساااء الخيررر واجيتكم جايبة وياية باارت حلو لعيونكم وتتدللون متابعة طيبة

البارت السابع
فيّدعبدالله

عسى وبلجن تلوحك
من بكايا ايامنة صفنة
وتفر دولاب وكتك وين مادرنة

فرح:فتحت عيوني صوووت على بوسات امي وام هاشم ارجف كمت ماادري شسويت بروحي من نطقت هالكلام ماادري راح ادخل نفسي لقفص العذاب اني ما حاربت المفروض لو انذبح مااقبل شسويت بروحي صار كلبي يوجعني روحي تلوج مااعرف شاريد شسوي ماعولت طلعن النسوان لزمت ايد رقية نترت ايدي بقوة ومشت طلعت وراهم امي وام هاشم وهاشم وهشام ورقية ومرت هاشم بالصالة جرتني امي سلمت كوة مختنكة راسي مارفعتة

هشام:بالمبارك عليج يابة صرتي بعد منة وبينة لا تستحين

هاشم:مبروك اخيتي ان شاء الله الله يتمملكم بخير

فرح:شكرا

هاشم:مادام الوجوه الطيبة هنا اني اكول ناخذ الخميس الجاي

فرح:فركت ايدي بتوتر ما جنت مخططة هيج ابد اصلا مااعرف شاريد صرت مشتتة وضايعة ساعة اريد اتزوج وانهي كلشي وابدي صفحة جديدة بس شلوون وقلبي اليصرخ وساعة اريد اطول الخطوبة وبلكي يشرد مني وهو يعتقني بس والله خواني يذبحوني صدك ساعتهةشسوي ربي امتحانك صعب نبهني صوت ام هاشم تهمس باسم فيصل اي من كل هالهوسة فز كلبي بهمس اسمة

هشام:هاي هية نتوكل من رخصتكم عندي دوام باجر يومين واخذ اجازة ان شاء الله نرتب للعرس

محمد:بس مثل ماتعرف احنة الوالد ما دارت السنة و

هشام:لا اني احترم حزنكم ومقدرة شي بسيط بسيارتي اني والحجي وهاشم نجي ناخذهة ولو تستاهل زفة توصل لبغداد بس احتراما الكم ما اسوي عرس يلا في امان الله

فرح:طلعوا ورحت ركض اخذت ملابسي وللحمام ابجي املخ بروحي ماادري شاريد اسوي شلون ارتاح ناار وتسعر بكلبي سبحت وطلعت نمت بلا تمشيط نمت واتمنى مااكعد لو اكعد الكاه كابوس وخلصان بس للاسف اول ما فتحت عيوني انعاد الصار البارحة كدامي شرررريط وعيت على دموعي غركت مخدتي مسحتهن شيفيد البجي شبيدي شسوي اني غلطتي الوحيدة جانت مالازم احب من الاساس المثلي ما انخلقوا للحب انخلقن يحددون مصيرهن مثل العبيد منو يشتري منو يبيع مر اليوم بخنكة وحسرة بالي شما اشغلة الكاه سرحان يم فيصل كون سالم مابي شي ثاني يوم العصر اجتي ام هاشم ومرت هاشم جايبات الذهب جان كلادة جبيرة و٤ بتوت ومحبس وتراجي وحلقة اتعجبوا اهلي بي الااني ماهز مني شعرة ما بعيني كل هذا

ام هاشم:شوكت تحف عروستنة الحلوة

فرح:هاا بكيفكم بعد قبل العرس بيوم

ام هاشم:لا مو هشومي يريد ياخذج تعقدون محكمة عكب باجر حفي ورتبي روحج حتى اتشيم واتباهة بجنتي الحلوة