مساء الخير،مستعدين لهالبارت ترة ينرادلة اعصاب وينرادلة تصووويت قوي ادري مو طويل كلش بس كلة احداث حلوة،متابعة طيبة
البارت الثامن والعشرون
فيدعبدالله
فيصل:تدرين ماشفت انسانة مثلج
فرح:رجف القلم بايدي وكلبي دك بسرعة مااريدة يفتح هالمولضيع بعد وياي كلما يرجعني للماضي اتحطم ،ضليت ساكتة ومدنكة وكتلة ليش
فيصل:رغم كلشي بقيتي قوية وتحاولين بكل الظروف تتأقلمين رغم هشام شكد عصبي واعرف شكد ياذيج ما عمرج شكيتي منة بالعكس حاولتي تغيري وفعلا تغير هووواي ،ورغم ما الله ما رزقكم اطفال لكيتي شي تشغلين روحج بي وتطورين نفسج وتدرسين يعني بكل موقف تتأقلمين وياه وتطلعين منة احسن تصدمين اذا اكلج انتي اقوة مني ما خليت حياتج تتوقف على شي واحد
فرح: بس اني مااشوف حياتك توقفت بالعكس كملت دراستك وتخرجت وتوضفت وتزوجت وعنك اطفال حلوين مالين حياتك وزوجة تحبك وتعزك مااتوقع حياة احد تتوقف عالمود اي شي
فيصل:باعتقادج كافي كل الكلتيه
فرح:اي كافي بالنسبة الي بس بقت كلمن وقناعاتة
فيصل:صح كلمن وقناعاتة
فرح:دنكت مقهورة والله ما جنت اتوقع لحد الان اني بحياتة عبالي عبرني وراح،تنهد هو وكال عادي نكمل غير وقت همست براحتة وجان الافضل يبتعد
اذا راح تسألوني للحظة ما دار هالحديث هو جان بحياتي اكللكم ماادري يمكن اي ويمكن لا بس التأكدت منة اني لهسة بحياتة ولهسة منتبه على كل تفاصيل حياتي ومركز بيهة حافظ كلشي جان من يحجي لميت كتبي ودخلت جوة وهو طلع ورة شوية لعد الحديث هذا ابد ما فتح فيصل موضوع خارج الدراسة حسيتة كلش متحفظ جان بتصرفاتة كملت الكتاب وبفضلة ماانكر كلش ساعدني امتحنت التمهيدي ونجحت ورجعت اقرة لاخر السنة قبل الامتحانات راجعلي فيصل الرياضيات وجان هشام كاعد بصفي وبوكتهة سالني
فيصل: اي من تنجحين شناوية تكملين
فرح :قبل ماارد رد هشام
هشام:شتكمل هي متفقين بس السادس
فيصل:ليش هشام واذا كملت شكو بيهة مو رقية كملت متكيف مرتك تصير بيدهة شهادة والله لو هالة الهة واهس اخليهة تكمل
هالة:يا ههههه شوف فيصل كافي علية هوسة الجهال لو فرح عندهة والله ولا فكرت تكمل كل وكتهة الهم
هشام:خلي الهوسة على كدكم احنة لهسة احسن عرسان لا دوخة ولا هوسة وبالنسبة للدراسة اني ما مقصر عليهة حتى تدور شهادة ولهناك تعيين
فيصل:مو بس للفلوس الشهادة سلاح للرجال والمرة
هشام:فيصل سد الموضوع ياخوي
أنت تقرأ
وفي القلب انت
Lãng mạnقلبان يجمعهما الحب الطاهر وتفرقهما يد القدر يعشقها وتعشقة يجتمعان تحت سقف واحد لكن توصد الابواب على كل قلب وحده ليعاني الم الحب ويصرخ منتفضا معلن خيانته للعنة القدر قصة حقيقية تجسدمعاناة فتاة تنقل لكم كم الالم والمرار الذي عاناه قلبها المرهف
