وفي القلب انت

الكاتبة#فيّدعبدالله(١٨)

مساء الخيررر هااا اليوم من وكت راح احسد روحي هههه بس عندي طلعة وكلت مااعطلكم انشر واطلع،لاتنسون التصوووووووووييييييت،متابعة طيبة

البارت الثامن عشر
فيدعبدالله

وصلنة البيت ونزلت اتلكتنة انتظار كتلهة زينة صاح علية عمي خطية ظال بالة كتلة خلع بس ويطيب ان شاء الله وصعدت ذبيت روحي عالجرباية وهادئة ساكتة مابراسي اي شي لان تعبت من التفكير تعبت وكلش اجة هشام كعد بصفي وكالي شلونج شلون صرتي كتلة بهدوء زينة ودرت وجهي ضايجة منة ومن روحي ومن فيصل ومن اهلي ومن كل العالم باس راسي ومشة نمت بدون تفكير من المسكنات هم ماكعدت الا للصبح واني بحضن هشام بس وجع جتفي مأذيني كمت شربت مسكن ورجعت مددت اتذكر الصار البارحة احس حلم بغير عالم كعد هشام

هشام:شلون صرتي

فرح:ان شاء الله احسن اكوم اسوي ريوك

هشام:اكعدي وين هسة اخلي رقية

فرح:لا اكدر جنت اريد انزل اختنكت من الغرفة كمت بدلت كوة وغسلت همزين اني استعمل اليسرة بكلشي وايدي اليمنى الي انخلعت لكيت انتظار بس كاعدة كالت شلونج كتلهة احسن انتي شلونج

انتظار:شلوني خية مانمت افكر بصخمانة لو عرف هاشم شيسوي

فرح:عادي يتزوجهة

انتظار:يااا اموت غير شتكولين انتي وياية علية

فرح:وياج بس مادامج متسمعين الكلام اكلج الراح يصير كملت الريوك سويت للكل وكعدت خالتي وعمي ونزل هشام سويت صينية وشالهة هشام للصالة وكعدنة سوالف وضحك وشقة نزل فيصل بهالاثناء باوعلي وكال الحمدلله عالسلامة كتلة الله يسلمك كعد يتريك واستلموه عمي وهشام تصنيف اختنك كدما لحوا عليه كوة كمل ريوك وكام عالسريع سالني عمي شلون صرت كتلة احسن هسة

هشام:يابة اني مرتي ناعمة لو عثرت تتأذة

ام هاشم:لا يمة عيون العالم نومتهة بالمكان اني البارحة من رجعنة بخرت البيت وعندي خرزة زركة مدالية خلي تلبسهة كلادة هاي مريتك ما تحمل عين ابد

فرح:مشكورة خالتي فدوة لقلبج،شاورني هشام

هشام:اووف تنعوصي بعد ولج كوة مصبر روحي عليج من البارحة

فرح:ابتسمت وكتلة بهمس تحلم زعلانة وكمت ومشيت للمطبخ الصدك ماجنت زعلانة بس ردت اتدلع عليه كملت شغل الخفيف ماكدرت من ايدي وهشام يحوس وخالتي كل شوية دازتة على شغلةومخابر احد بمكانة واني لزكت بالمطبخ والبنات يمي واجتي سماح وبنات عماتهم واوه كبت الهوسة كوم عالم اخر شي خالتي كالت لهشام شنو مكابلنة اصعد فوك ما تموع مرتك صدك صعد وشوية وكلت اصعد وراه وصلت باب الغرفة وجان اسمعة يخابر

هشام:رجلج طالع اذا طالع هسة اجيج اريدج كلش،،،ماشي ماشي شوية واني يمج

فرح:جمدت بمكاني من السمعتة لا لا اني متوهمة ما كال هيج دفعت الباب كوة دخلت وقفلتة التفت هو ورجع عالكنتور