وفي القلب انت

الكاتبة#فيّد عبد الله الجزء الاول من البارت الاخير)

مساااء الخير؛واجيتكم اليوم بالجزء الاول من البارت الاخير لقصة حملت الكثير من المشاعر بطياتهة عشتوا وياهة الفرح والحزن والحب والوجع اتمنى حبيتوهة وكدرت اوصللكم احساس بطلتنة بكل صدق لا تتوقعون اختصرت شي بالعكس سردت الكم شي تفصيلي مفيد بعيد عن الملل والتكرار،اترككم تستمتعون ومتابعة طيبة

الجزء الاول من البارت الاخير
فيد عبدالله

فرح:احس نار صعدت لوجهي ومااكدر اتنفس بعد،اتخربط كل كياني ببوستة ابتعدت وركضت للحمام اقرب شي الية جان😅دخلت اغسل بوجهي مثل الي مصدومة اوبغير عالم جنت بس الاحساس الي بداخلي ابد ما جان كارهة او نافرة شوية وطلعت لكيتة مبدل ومتمدد عالجرباية ياربي هو اني كوة قنعت انام عالجربلية سوة شلون بية هسة بس لا هو ميجبرني على شي ابد،رحت والخجل ماكلني اتمددت على طرف السرير كلش ودرت ضهري بس عالطرف كلش شوية واوكع فجأة سمعت ضحكتة

فيصل:اذا هيج تضلين نايمة اكوم انام بالصالة اشرفلي عالاقل ترتاحين بنومتج

فرح:لا مرتاحة ،فجأة لزمني من خصري وسحبني قربني شوية كمزت من حركتة وهو بس يضحك علية من فشلتي سكتت وما حجيت ونمت لليل فزيت على صوت روح تبجي لان بجربايتة تريد يمي انتبهت مخليني على ايدة ونايم سحبت روحي وكمت جبت روح خليتهة بنصنة ورجعت نمت،مر على وضعنة هيج كم اسبوع بس احس حواجز هواي انكسرت اتعودت عليه كلش وحتى ايام الي يبات يم هالة افتقدة من اتأكدت هو ملأ حياتي بوجودة وحبة وحنانة لكيت نفسي مستعدة اتقبلة وانطي نفسي كزوجة بعد ما صبر علية وماضغط وبعد ما عشت وياه وعرفتة شنو حسيت انه بداخلي شي جبير تجاهة يجوز مو حب يجوز امان استقرار مااعرف بس هالشي خلاني احب اكمل ةياه بهالشعور والراحة لوجودة بحياتي احب استقر وياه وخلص بذكرى السنوية الثالثة لهشام رحنة كلنة للنجف بس فيصل جان بالدوام ما راح واني ما حبيت اضغط عليه كعدت يم قبرة وحجيتلة كل الي بكلبي جنت مشتاقتلة صح بس متأكدة هو هسة مرتاح ومأمن علينة خلفتلة بعمري ماانساه يبقى ذكرى حلوة بحياتي كافي وهبني احلى هدية روح الي احسهة روحة ومتجسدة ببنتة ما بجيت بكدما حجيت وسولفت وياه احسة يسمعني ودعتة وكانما دا اودع ماضي وصفحة راح اطويهة حتى اعرف اكمل من جديد لان مستحيل اكمل وقلبي وروحي معلكة بين شخصين بس اكيد تبقى خانة ذكريات حلووة وكلهة احترام وحب موجودة بذاكرتي للابد لهالانسان الي اتمنى مكانتة عند ربي جبيرة،رجعنة واني احس انسانة جديدة بدت خياتهة من الصفر هسة وية انسان يعزهة ويقدرهة خالتي اصرت بعد انزع الاسود نزلت للسوك اشتريت ملابس الوان بس جانن طوخ طبعا خالتي هواي لحت من تزوجنة انزع الاسود بس ما جنت مقتنعة لكن هسة حسيت صار الوقت انة ابدي بداية جديدة وحفيت حفافة جديدة وسرحت شعري ببروتين واشتريت مكياج وتراكات برمودة وربع ردن ودشاديش قصيرة بس ماجان الي نفس اخذ سيتات نوم ابد ما اعرف ليش ما اتخيلت البس هالشكل كدامة ،رجع من الدوام ومر سلم علينة ما بينتلة التغير بيومهة كلت باجر من يجي ينصدم صدك راح للبيت ذاك وبالليل اجة لعب وية روح شوية ومشة ثاني يوم طبخت احلى غدة ودخلت بدلت بدشداشة زيتوني جوة الركبة وفتحت شعري خليتة على طولة و لونة اسود لبست طوق وخليت مكيااج خفيف بس حمرة وردي وكحل اول مرة اخلي كدامة مكياج يمكن اتعطرت وكعدت انتظرة اني وروح الي تفتر وتسويلي الله حلووو ياعيوني من وعت علية بالاسود وما حاطة مكياج بحيث اتخبلت الا حطيتلهة حمرة يلا اقتنعت دك باب المطبخ فيصل رحت فتحتهة وصرت وراهة دخل وشال روح باسهة والتفت علية يسلم حتى ما كمل سلامة ظل صاافن بس عيونة ترمش وصدرة يعلو ويهبط بنفس متخربط همسلي