وفي القلب انت

الكاتبة#فيّدعبد الله(١٧)

مساء الخير يااحلى متابعين ما حبيت تنتظرون اكثر فكتبتلكم بارت حلو مثلكم وان شاء الله احاول كد جهدي اسوي النشر يومين نشر ويوم ريست وتتدللون،متابعة طيبة

البارت السابع عشر
فيدعبدالله
فرح:فز قلبي من سمعت صوت فيصل يصيح يمة ركضنة للمطبخ واشوف هشام كبالي ما صدكت روحي ركضت حضنتة بلا وعي وانهديت بجي ما مصدكة رجعلي حضني ويمسح على راسي ويكلي مابية شي رجعتلج

ام هاشم:يمة وليدي ما مصدكة شفت طولك

فرح:ابتعدت من هشام حتى اخلي يسلم على خالتي وهو توجه عليهة خطية كعدت بباب المطبخ وشابكتة وتهلهل كمت اضحك ودموعي بعيوني لحضتهة عرفت شكد صرت اعز هشام واحبة من خفت افقدة عرفت قيمتة وحبة بداخلي التفتت فيصل بصفي كتلة شكرا باوعلي وما رد وطلع للطرمة دخلنةوهشام راح لابوه يسلم عليه وبوسة خطية هم انخبص وحتى دواه ماقبل ياخذة من شافة وارتاح يلا اخذة كعدوا بالغرفة وصاحني هشام كعدت بصفة وخلة ايدة على جتفي وبصفة خالتي كتلة ما تدري شلون خوفتنة

هشام:راحت الشبكة وانقطع الاتصال والتهينة نلم بالعالم المنظر يخوف الحمد لله سيارتي بعيدة جانت خطية الشرطة والظابط راحوا الله لا ينطيهم ولا يوفقهم

ام هاشم:يمة دبطل والله الك يوم تجلطني

هشام:يمة اني مو جبان واخاف واكعد بالبيت والله الكاتبة يصيرلو جنت بنص بيتي

فرح:اسم الله عمرك طويل الله يحفظك ويحرسك

هشام:هاي دعائكم كافي

فرح:اكوم احضر العشا وية البنات

ام هاشم:وين بيج حيل شو فرفحتي هنة واكفات اصعدي وية رجلج حضريلة الحمام خلي يسبح ويرتاح

فرح:صدك جانت انتظار وهالة ورقية بالمطبخ اجاني افراج صعدت ركض حضرت الحمام لهشام ورجعت احضرلي ملابس دخل هو وكفت وابتسمتلة سحبني لحضنة وقوة حضنة كلش يريد يدخلني بين اضلاعة كالي

هشام:تدرين مااخاف من الموت بكدما اخاف مااشوف عيونج وشامة خدج بعد

فرح:خليت ايدي على شفايفة وكتلة لا تكول هيج اموت والله متدري شصار بية هشام اني احبك واحبك هواي وجانت هاي اول مرة اكلة هالكلمة وجانت صدك طالعة من كلبي حتى هو استغربهة وباوعلي وابتسم وكال

هشام:واني اموت عليج يا احلى شي بحياتي دخل للحمام وسحبني وياه سبحنة سوة وطلعنة كال ما اشتهي اكل نفسي ممرودة المنظر لهسة ببالي تعالي ننام ولو كعدنة ناكل صدك بديت امشط وهو سحب المشط وكام يمشطلي بهدوء ويبوس بية لزمت ايدة وبستهة كملت شعري ورحنة مددنة عالجرباية وسحبني لحضنة قوي ونام جان هادئ كلش الظاهر الموقف والمنظر جان قوي ومزعج الله يصبر هالعالم على بلواهم قريت الفاتحة للراحوا ونمت بحضن هشام دكت الباب رقية صاح هشام منريد رقاوي ورجع نام نمنة لل١١ يلا كعدنة وهو كعد مرتاح واحسن كال جعت كتلة مو تتدلل وكمت راسا سحبني ورجعني للجرباية