البارت الثاني
فيد عبدالله
فيصل:اكيد عرفتوا منو اني ببداية القصة اني انسان بسيط هادئ اغلب الوقت عكس اخواني الي اني اصغرهم هاشم الجبير وهشام الوسطاني واختي سماح واني ووراية رقية اني مواليد ١٩٨٧ حالتنة والحمدلله ميسورة ووضعنة بالبيت مستقر اخوية هاشم متزوج وعندة اطفال ٢ وهشام اتزوج سنتين وطلك ورجع اتزوج ولهسة ما عندة جهال واساسا هو مامهتم للموضوع كل منحاجي يكول بعدني صغير صح من يقارن روحة وية الي بعمرة ٢٣ سنة صغير بس يمنة بهالعمر متزوجين ومخلفين لكن هو اغلب حياتة جانت ببغداد مكضيهة وتعود على طبعهم بحكم شغلة هناك يشتغل ببغداد مفوض بالشرطة وشكد حاولنة منة يبطل اول شي ما محتاج هو وثاني شي خطرة الاوضاع جانت بس هو معاند وجان يطول ايام مينزل وزوجتة تظل تشكي حتى القبلهة انغصلت ورة سنة ونص لان جان هاملهة بالمختصر عايش لنفسة عكس هاشم الي جان لامنة كلنة وهو الي قايم بواجب البيت خصوصا بعد وكعة ابوية وصابتة جلطة وعلى اثرهة صار عندة شلل نصفي اختي سماح متزوجة ابن عمي وتزوجت بعمر صغير لان جانت مبطلة من المدرسة وبيتهة قريب علينة اني جنت ملتهي بدراستي وبالشاغلة كلبي وهاي صارلي ٣ سنوات مراقبهة من بعيد بنية ثكيلة بكل معنى الكلمة ما يوم رفعت راسهة وباوعت لاحد j هاي وهاي ملتهية تلم بعبايتهة يعني حتى بهيج موقف ماهمهة الوجع همهة تستر روحهة لاارادي طلعت مني كلمة بتنة هاي لان احسهة صارت جزء مهم مني وعندي قناعة انه هاي صارت جزء من بيتنة لان جنت ناوي ادخل كلية وفد سنة سنتين واخطبهة دخلتهة للبيت كوة قنعت واني روحي تتكطع عليهة وصحت امي وطلعت كوة لان ماردت احرجهة خطية شوية وطلعت من بيتنة ورحت وراهة لحد ما اتأكدت دخلت بيتهم ورجعت وراهة يومين ما داومت كلت بس لا بطلوهة بعدين لمحت طولهة اي هي والله كلبي فز قبل متشوفهة عيني هي رفعت رسهة شافتني بالباب ورأسا دنكت ومشت ضلينة بهالوضع لحد ما خلصت الثالث لان رقية جانت اكبر منهة بسنة بس هم ثانوية يعني من الاول للسادس وجنت اعرف هي بياصف من رقية بالصدفة جرجرتهة بالحجي وكالت كلش شاطرة وطلعت الاولى عالثالث بنص السنة فرحت كلش من شفت طموحهة ويعني ماعندهة غير مدرستهة ملتهية بيهة خلصت المدارس بالكوة مانع روحي احاجيهة اخاف على سمعتهة والتهيت ادرس لان جنت سادس علمي وطلعت معدل الحمدلله زين ويدخلني هندسة لان جان طموحي مهندس اتمنيتهة تفرح وياي صارت جزء جبير بحياتي عديت العطلة مشتاقلهة واجتي المدرسة واول يوم انتظرتهة ماكو ملت يجوز لان دوام ممظبوط ما تداوم ثاني يوم ماكو اسبوع ماكو اخر شي طك كلبي ورحت لرقية كتلهة كل البكلبي وطلبت منهة تروح وتسأل صديقاتهة عليهة وصدك يامن يجيب باجر وترجع رقية تبشرني تالي رجعت سحبتهة لغرفتي قبل متبدل ها بشري
رقية:يمة اسم الله خل ابدل بالاول مستعجل
فيصل:احجي دخيلج مالي خلك بعد
رقية:سالت بنت عمهة وكالت اهلهة بطلوهة بعد متداوم زين وخلوهة تكمل ثالث
فيصل:ليش مو شاطرة
أنت تقرأ
وفي القلب انت
Romanceقلبان يجمعهما الحب الطاهر وتفرقهما يد القدر يعشقها وتعشقة يجتمعان تحت سقف واحد لكن توصد الابواب على كل قلب وحده ليعاني الم الحب ويصرخ منتفضا معلن خيانته للعنة القدر قصة حقيقية تجسدمعاناة فتاة تنقل لكم كم الالم والمرار الذي عاناه قلبها المرهف
