وفي القلب انت

الكاتبة#فيّد عبدالله(٢٥)

مساء الخير  شلووونكم شخباركم مشتاقتلكم،طبعا كتبتلكم بااارت طوويل تعويض لان البارحة ماكو اتمنى تصووووووتولة،متابعة طيبة

البارت الخامس والعشرون
فيدعبدالله

هشام:شنو هالحجي هاشم شنو تزوج

هاشم:انتو تدرون اني من زمان جنت ناوي اتزوج

فرح:انتظار رأسا كامت للغرفة لحكتهة بس شنو صوتهم كلة واصلنة وصار بصياح

ام هاشم:وابوك جلطتة من ورة هاي سالفتك هسة ناوي تجلطني اني ياهاشم لو من مات ابوك عبالك ماكو رداد

هاشم:اسم الله عليج يمة بس اني من زمان رايد هالشي وهسة يلا ظروفي ناسبتني اخذ

هشام:وهي شنو فرض تتزوج وجنت مأجل الموضوع شناقصك حتى تاخذ على مرتك شو بنت عمتي شايلتك والنعم منهة

فيصل :هذا مو حجي هاشم ميصير بعد هالعمر تكسر بمرتك وتجيب عليهة مرة وهي ما ناقصهة شي لو تزوجت عليهة الناس تعيبك الك

هاشم:لحد يتدخل بحياتي انتو كلمن عايش حياتة ومرتاح بس اني ضايك المر

فيصل:يا مر شبيك هاشم هاي عود انت الجبير المفروض تلمنة وتعرف تتصرف مو تروح تفكك عايلتك وتطشرهم

هاشم:فيصل لا تتجاووووز ما مسوي شي حرام ولا عيب متزوج على سنة الله ورسولة وهشام من الناس تزوج ٣ ومااستقر وارتاح الا وية فرح اني مالكيت الاستقرار بزواجي الاول اريد ارتاح ومرتي ما ينقصهة شي واصلا ما اجيبهة هنا ابني مشتمل صغير

فرح:شبكتني انتظار وتبجي

انتظار:لج سمعي شلون مخطط لكلشي الله لا يوفقة كوون

فيصل:ومنين الرايدهة

هاشم:تعرفهة امي وتدري بيهة من زمان

ام هاشم:لاتكلي سامية المطلكة

هاشم:اي واذا تطلكت لان ماتخلف واني جهال مااريد عندي

هشام:لا بربك هاااشم لا تكفرني مالكيت غي هالكح........ تلفيهة ببيتك لك هي من بيتمن تعرف منو خالتهة

هاشم:هشاااام لا تخربط بالحجي ما شفت عليهة هية شي ششفتني عار والفيهة لو سمعتهة موزينة مالهة ذنب

ام هاشم:جاانتة اغم وعار اي ،تبدل الجوهرة بهالزبايل

هاشم:يمة رايدهة وقافل لا تطلعوهة فد مرة البنية اخلاقهة حلوةوانتي تعرفين البنية من زمان واني رغبتي بيهة،بس انتي وابوي ما رديتهة عبن خالتهة مو هالكد البنية مالهة دخل لا تصيرون ظلام

هشام:لك يا ظلام البنية ربت نص عمرهة يم خالتهة شتريدهة تطلع منو يكلك تطلكت عالخلفة ايجوز سالفة اكبر وماتنحجي

هاشم:خلص قررت اني مو صغير وحجيكم هذا عيب لان البنية وامهة مابيهن كل عيب

ام هاشم:جا اذا مقرر ولي اتزوج مالي كل دخل بيك ولسانك ميطخ لساني وهالادب سزز ماتلفي بيتي وانتة وياهة اريد اشوف شلون توكف بوجهنة