وفي القلب انت

الكاتبة#فيّدعبدالله(٣٧)

مساء الخير شلونكم كيكاياتي،شخباركم،فدوة الكم ولسؤالكم علية وعلى اخباري فديتكم يااحلى عائلة،اعذروني اذا اتأخرت عليكم بس ترة البارحة الريست ماكو نشر😅 وصدكوا لو صايرلي مجال انزل بارت لخاطر عيونكمج،متابعة طيبة

البارت السابع والثلاثون
فيدعبدالله

فيصل:تعتقدين اني متزوجج عالمود هالشي اني مقدر وضعج وضروفج ولاتتخيلين بيوم اجبرج علية اذا ما تريديني او ما تطيقين قربي ما راح اغصبج على هالشي ابد اني اهم شي عندي استقرارج انتي وروح

فرح:خجلني برده، بس صدك ما جنت مستعدة نفسيا لهالشي مو بيدي والله يجوز فترة واتقبلة ويصير كلشي عادي،كتلة هاي هي اشكرك على تفهمك وموقفك واني موافقة ما دام انتة وافقت بقت بس هالة

فيصل:اتوقع حياتي اني وهالة شي خاص بينة واني اعرف احلهة

فرح:ضوجني واستحيت بس هم حقة كتلة هاي هية اسفة

فيصل:خلص ماكو داعي للاعتذار جاي اوضحلج نقاط ،ان شاء الله باجر اجيب السيد ونعقد ونسكتهم

فرح:محمد اقتنع

فيصل"معليج بي ،محتاجة شي

فرح:لا سلامتك

فيصل"يلا لعد تصبحون على خير

فرح:فيصل

فيصل"رجف كلبي من نطقت اسمي كتلهة كولي فرح محتاجة شي

فرح:اشكرك هوواي

فيصل:ماكو شي يستحق الشكر اني جاي احافظ على امانة اخوية يلا في امان الله،ماردت اضعف وياهة وهي مبينة ما طايقتني سديتة منهة ورجعت للبيت وثاني يوم اخذت الشيخ وعقدنة ورة العقد كتلهة يلا محضرة غراضج نروح

فرح:هاااا هسة

فيصل:ليش شعدنة

فرح:عبالي ورة عقد المحكمة

فيصل:مالج ثقة شنو

فرح:لا بس

فيصل:هاي هية براحتج يلا اني اترخص جيبيلي روح ابوسهة بوست روح واترخصت وطلعت،جنت اريد راحتهة لان خوانهة ملتهم تعبانة همة مارضوا بزواجهة اصلا الا اتنازلت الهم بكاع جنت مشتريهة للمستقبل ما عولت اعقد ختى اطلعهة واتصير ببيتي ومالهم حجة بعد بس هي ما مخلية ابالهة تروح وياي يلا يمكن ما متحضرة خليهة طلعت واول ما وصلت البيت العيطة كابة بين انتظار وهالة دخلت بسرعة وعطت بيهن شكوووو صواتكم للشارع ما تستحون

هالة:والله محد مايستحي غيرك انتة وذيج الدايحة بنت الفقر لفت لفت ورجعت عليك اي طبعا ماصرفلهة ترجع لفقر اهلهة

فيصل:هاااااااااالة قسما بذات الله حجاية وحدة انهيج ،هليني محترمج وعاذرج ومنطيج الحق وامشي كدامي اصعدي نحجي