مساالء الورد والعسل يااجمل عائلة شلونكم،شكرا الكم عالتعليقات الحلوة واعذروني اذا مااكدر ارد،اتركم ببارت حلو اتمنة تصووووتوووولة،متابعة طيبة
البارت التاسع عشر
فيدعبدالله
فرح:جمدت وية صوت هشام وراية خفت لاانتبه
هشام:تدرين غرت منهم اريد اعرس من جديد
فرح:التفتت عليه استوعبت الحجاه وعقجت وجهي😒عود من اموت سوي اليعجبك
هشام:اشش ممنوع تموتين قبلي لج اريد اعرس بس عليج وبس ظل وراكف وراية وشوية واجتي انتظار من المطبخ وكفت يمنة ترجف همستلهة شبيج كالت بعدين
.............
انتظار:اجاني حسوني وكال بابا يريدج بالمطبخ الصدك خفت لان عاندتة بس ميخالف مستعدة اتحمل بس يرجعلي بقلبة رحت واني اطكطك بس ما بينت كدامة كتلهة ها ابو حسوني خير
هاشم:اني شكلت
انتظار:اشتغل الثول وكتلة شكلت
هاشم:مو كلت لبسي عباتج ليش تحبين وجع الراس
انتظار:وليش البس كلهة ذابتهة ومايوم انتة حاسبت
هاشم:لان قبل لبسج محترم مو هيج مال مستخفات استحي ابنج بطولج
انتظار:لا وين بطولي بعدني بعز شبابي اذا هسة ماالبس واتهنى من اعجز شلون اذا عالعمر فكلهة تكلي طالع عمرج ومحلوة وباوعتلة عيني بعينة
هاشم:منو كلج ،هاي شنو كحلتج بعد بعد صدك مستخفة
انتظار:هاشم كلشي ماشفت خل اروح عود بالبيت نحجي
هاشم:ولي ولبسي عباتج كدامي ومسحي كحلتج
انتظار:ذبيتهة على راسي بس وعفتهة مفتوحة ومشيت بس لسة الخوفة بية خاف انكفخ من ورة عنادي بس هي لو بالهدف لو بالنجف وصلت يم فرح وبداهلي فرحة لان اول مرة يهتم بهيج تفاصيل ورهبة لا يعاركني بالبيت وانجب واقبل واسكت بس لا ماكو لازم اشوفلي حل مثل ماكالت فرح كافي عذاب تعبت لا اني لهلي ولاني لحبيبي،كملوا هوساتهم وهاشم كلساع خازرني لان عبايتي مفتوحة ومامسحت الكحل طلعوا العرسان والهوسة وراهم ومااحس الا هاشم بصفي ولزم ايدي حيل عصرهة بكف ايدة وهمس حسابج بعدين ومشة لان هو يزفهم رحت للسيارة ولفيت روحي واني مرتبكة ماادري السويتة صح لو غلط اجتي فرح والباقين وصعدنة وحركت السيارة وكلهة تهوس وتصفك الااني لافة عبايتي وبغير عالم اشرتلي فرح شبيج كتلهة مابية وصلنة للبيت والعرسان طلعوا لكربلا وية هاشم وخالتي وبس والبقية كلمن راح لبيتة واحنة ارتاحينة شوية وهشام جاب عشا من برة كال تعبتن تعشينة واستلمنة البيت تنضيف وتعزيل ولزمتني فرح بالطركة نغسل ونسولف وكتلهة الصار
فرح:اييي اتحرك واخيرا
انتظار:اي تحرك حتى يكتلني
فرح:لا غار عليج لان طالعة حلوة خليج مهتمة بروحج وشوفي اذا ماانتبه لجمالج وظل يركض وراج
أنت تقرأ
وفي القلب انت
Romanceقلبان يجمعهما الحب الطاهر وتفرقهما يد القدر يعشقها وتعشقة يجتمعان تحت سقف واحد لكن توصد الابواب على كل قلب وحده ليعاني الم الحب ويصرخ منتفضا معلن خيانته للعنة القدر قصة حقيقية تجسدمعاناة فتاة تنقل لكم كم الالم والمرار الذي عاناه قلبها المرهف
