وفي القلب انت

الكاتبة#فيّد عبدالله(٢٩)

صباح الخير،طبعاماخذة علاج حساسية ومسطورة وما نايمة الظهر وجنت طالعة وقيسوا التعب اكتب واغفة بس لخاطركم كتبت،متابعة طيبة

البارت التاسع والعشرون
فيدعبدالله

احمد:هاي شبي وجهج شمسوي بيج هالطايح الحظ وينة خلي يطلع

فرح:مو هنا اصلا امشي احمد حباب مالي خلكة لو شافني

احمد:دخلي يفك حلكة ويشوف

فرح:كافي احمد مااريد ااذيكم امشي بروح ابوي كوة واكفة،سكت احمد من شافني تعبانة كلش ركبت بسيارة وكوة كعدت احس مكسرة وصلت للبيت جان الكل نايم تقريب دخلت كبل لغرفة امي وذبيت روحي بحضنهة هي كعدت خطية مخترعة وشهكت

ام فرح:يمة بنتي شبيج يمة شجابج بهالليل

فرح"كمت ابجي رفعت وجهي بايدهة وشهكت

ام فرح:عزا العزاني منو ضاربج هيج هذا رجلج

فرح:اي يمة كسرني وضربني بالحزام

ام فرح:ليش الله لا ينطي كون

فرح:شغلة بينة وبين اختة ودخلني بيهة لا بيش لاعليش لان ماكتلة لان ما صرت حقيرة وخبرتة

ام فرح:عزا يمة وصخام ليش هيج مسكطج كون هذا الزين طلع انكس من وليد نامي يبعد امج والصبح نحجي

فرح:بعدني هستوني مددت ودك موبايل باوعت هشام غلقتة وشمرتة مااريد اي اتصال بي كافي لهنا وكافي

يمكن ربع ساعة لا شنو اقل ومانحس الاتكسر الباب عرفتة هوة بس ما جان عندي اي استعداد اسمعة غطيت راسي حيل وكمت ابجي دقايق وطلعوا الولد

محمد:خير خير هشام شكو بهالليل فرح بيهة شي

هشام:طلعولياهة هسة، فرررررح

محمد:شبيك تصيح مو هنا

هشام،شتكول اجيتوا اخذتوهة انتو امي كالت، فرررح اطلعي

احمد:اي اني جبتهة ومترجعلك بعد تحلم

محمد:ليش شكو شصاير شوكت جبتهة شنو اني طرطور ماادري

احمد:جنت نايم وجبتهة لان رجلهة المحترم ضاربهة ومزورك وجهة والله اعلم شنو جوة الملابس وخابرتني تستنجد بية

هشام:وما احد علمك مايصير تاخذ مرة من بيت رجلهة بدون علمة

احمد:انتة جاي تعلمني الاصول محد كاللك المرة ما تنضرب هيج انتة مشوهة شسوت هية حتى تكتلهة هيج شو كللنة

هشام:ليش ما كالتلكم السبب

احمد:لا ومارضت تحجي الصار بس كالت المشكلة بينك وبين اختك ومدخلهة انتة بيهة شعليهة هية هاا

هشام:وينهة خلي تجي ترجع وياي

احمد:ماااكو كل رجعة لهنا وبس