وفي القلب انت

الكاتبة#فيد عبدالله(٣٤)

مساة الخير شلونكم اسفة طولت عليكم كوة كتبت والله،بس اوووف علكد بجيت واني اكتب وانوب يمي خطار اكتب وابجي وهمة يسالون شكوا🙄عالعموم اتركم تعيشون مشاعر فرح بهالبارت والجاي احلى ،متابعة طيبة

البارت الرابع والثلاثون
فيدعبدالله

فرح:جان يوم بسيط مثل كل ايامنة الفاتت بديتة بهوسة روح ودلعهة وكلشي تسوي جنت اصورة وادزة لابوهة خابرنة من الصبح هشام وفتحت كاميرا على ست روح 😁 شوية وكال صارعندنة واجب راح نطلع صدك قفلتة منة ونزلت كملت شغلي وسبحت روح وسبحت ورجعت انظف بالغرفة جان تزلك روح بمي المسح وتوكع اجيت ركض شلتهة وجان اشوف حلكهة يجري دم اتخبلت عليهة وركضت بيهة للحمام اغسللهة وهي تبجي شفتهة مشكوكة من الداخل وكف الدم وغسلتلهة وطلعت من الحمام وجان اسمع فيصل يعيط بالموبايل (شبي هشااام احججججييييييي)وفتح الباب وية هاية حجايتة احس قلبي انخطف باوعتلة وبيدي روح شايلتهة وهو مثل الي جمد وكام ميحجي همست بخوف فيصل شبي هشام

فيصل: ما ادري شبي ماادري رايح اشوف

فرح:دخل للغرفة ودخلت وراه وكوة انطق:بروح ابوك فيصل احجي شبي جان داير وجهة للكنتور وفجأة شهك يبجي وضرب الكنتور حيل .كتلة بعصبية كووووول شبي هشااااام

فيصل:خابرني صاحبة يكوول طاكة عليهم مفخخة وو

فرح:لا لا ما بي شي هو، هذا صاحبة يجذب مووو ،بهالاثناء دخلت هالة وانصدمت بفيصل يبجي

هالة:شكووو شبيكم

فرح تعالي هالة شوفي هذا هذا صديق هشام شلون يجذب علينة يكول عود هشام مفجورة عليه مخفخخة اصلا هو الصبح حاجاني وكال مابي شي والله تجذبوون والله هسة اتصل عليه ويرد

هالة:اهدي فرح اهدي خلي نتاكد ان شاء الله جذب فيصل متحجي

فرح:عفت روح يم هالة وطلعت اتصل من كل عقلي اتصل ومغلق واتصل مغلق اتخبلت وركعت الموبايل واحس كمت كوة اتنفس ووراهة مااعرف شصار صحيت الدنيا ليل مااعرف بيش الساعة والغرفة ضواهة خفيف استذكرت الصار وكمت مثل المخبلة فتحت باب الغرفة وجان يجيني صوت عياط النسوان من جوة سديت الباب مثل الي مااريد استوعب او اصدك رافض عقلي هالشي لهسة عندي امل جذب عندي امل يجي وية فيصل مثل ذيج المرة كعدت بسد الجرباية بالكاع وادعي ياربي جذب ياربي هسة يفوت علية ويطلع حلم اي ياالهي اعرفك رحمن رحيم ماتكسر قلبي هيج بهالاثناء فتحت انتظار الباب وشعلت الضوة وشايلة روح كمزت اخذت روح الي دفنت راسهة بحضني وتبجي بخوفة

انتظار:حبيبتي فرح اتنزلين النسوان تسأل عليج

فرح:لا لا ماانزل هسة يجي هشام وننزل ميقبل هيج هوسة روح تخاف

انتظار:حبيبتي فرح😭كومي بدلي ونزلي راح يجيبوه

فرح:شفتي شفتي😊 مابي شي مو كتلكم هسة ابدل وانزل ،جنت مثل المخبلة مااعرف شحجي وشكول بس اريد اقتنع ما مات