وفي القلب انت

الكاتبة#فيّد عبدالله(٣٨)

مساااء الخيررررر شلونكم،البارت عنوني اعذروني اعوضكم والله بس افرغ،اكلكم انتو هم خطاركم تفطن ورة العيد وتكووم عليكم🧐🧐 والله كوم خطار ماالحك والله،متابعة طيبة

البارت الثامن والثلاثون

فيد عبدالله

فرح:والله هو لحكني ووكفني بباب المدرسة

فيصل:جان عفتي وطبيتي،استغفر الله، فررح اخاف عليج افهميني ومو حلوة بحقج موكفج بشارع ويسولف وياج

فرح:ادري والله اني ردت ادخل بسرعة بس هو اعترض طريقي وهددني وكالي عالكاع

فيصل:هددج 😡شتحجين فرح شهددج

فرح:كلي الا اخليج تتندمين خايفة لا ياذيكم 😖

فيصل:اتخافين علينة من هالعار،بس ماشي انزل واني اعرف شلون اطيح حظة اليوم لا ترجعين مشي ادز هاشم ياخذكم

فرح:ماشي ،اني اسفة

فيصل:لا تعتذرين ما مسوية غلط هو الي غلط واعرف شلون اطيح حظة

فرح:ماااشي يلا اتأخرت اني

فيصل:ديربالج على نفسج

فرح:مااشي الله وياك،سديتة ودخلت للادارة وكملت دوامي عادي نهاية الدوام اجاني هاشم رجعنة واول ما دخلت جيتت علية روح تبوس بية اخذتهة ودخلت على خالتي سلمت عليهة وعلى انتظار وجلبت الا تتغدين كتلهة مشكورة بس تعبانة ومابية اروح ابدل وارتاح للعصر اكل صدك اخذت روح ورحت لبيتي بدلت وغسلت وفتحت شعري روح متغدية كبل نامت ونمت يمهة كعدت العصر اكلت شي خفيف وبدلت ورحت لعيالي وجاي وسوالف وانتظار عاجنة طلعت تخبز واحنة يمهة بالطرمة والجو دافي مو بارد كلش والجهال يلعبون يمنة شوية وجان تطب هالة مدرعمة طبت والتفتت شافتنة وباوعتلي خزرتني وتوجهت علية واني جنت مستعدة لهيج لقاء

هالة:هاااا يالحية اتمسكنتي واتمسحتي لحد ما خليتيهم ينفكوج على رجلي فري روسهم يا بنت الفقر ما كدرتي على فقر اهلج رديتي لعزنة وخيرنة حتى لو تخربين بيتي اهم شي راحتج يا دايحة

ام هاشم:هاااالة احترمي نفسج مو هيج الحجي لا تخليني اوصل لفيصل

هالة:والله ما تفرق وصلتي او لا اصلا كلكم ما تفرقون عندي بعد لان محد بيكم يخاف الله حتى انتي يا خالتي يا صايمة ومصلية سعيتي بخراب بيتي

انتظار:ولج انتي شو جاية متفرعنة ضبي لسانج لااذبج بالتنور ومحمد احترمي عالاقل

فرح:خليت هالة تلعلع وسحبت روح ومشيت لبيتي وهي ظلت تعيط وراية

هالة:اي يا بنات الفقر صارت الجن بيوت الله يخربة على راسج مثل القبلج سكنتة،يا بومة كرطت رجلهة وردت علية يالمريضة يالعايبة

ام هاشم:هاااااالة اصعدي لغرفتج وخليني لهسة ساكتة لااحجي واطيح حظج يلااااااااااا