وفي القلب انت

الكاتبة#فيّدعبدالله(٣٢)

مساء الخير كيكاتي،اعذروني اذا ماارد عالتعليقات ماالحك والله ،متابعة طيبة

البارت الثاني والثلاثون
فيدعبدالله

فرح:كعد هشام مفزوع واجة يركض هو شافني كعد على ركبة وكال لا فرح لاتكوليهة اباوعلة عيونة دمعت كمت ابجي كتلة ماادري ماادري امشي للمستشفى بسرعة حباب لبسني شلون ما جان وبهدوء

هشام: لا تتحركين حيل فدوة اروحلج

فرح:وصلنة للمستشفى ودخلت للدكتورة وفحصتني كالت واكعين ثنين وباقي بس واحد ادعوا الله يثبت احس تحطمت بهالخبر كلت ثنين وكعوا وبقة واحد عود هذا يظل يأست بس رجعت استغفرت ورفعت راسي للسما ودموعي بعيوني وكتلة الهي ارحمني دخيلك الدكتورة كالت الافضل تبقين بالمستشفى نتابع الوضع وصدك بقيت وهشام خطية ماعافني ثواني ويرجع يومين وطلعوني ماكو شي وهالمرة ما خلاني هشام اتحرك من السرير الا للحمام حتى الاكل للجرباية يجيبة والله حتى جان هو يمشطلي ويبدلي عبالك طفل وتقريبا عدة شهر عالزرع وهمة كالو ورة الشهر تجون نسوي سونار نشوف الجنين ثبت وكبر وتكون الة كيس وهالسوالف لو ما ناجح وينزلوه عبر فوك الشهر اسبوع كلما اريد اروح هشام يكلي لا خلي يكبر خاف ميبين ويصدمونة مابية حيل والله وصدك سمعت كلامة وصبرت واجة اليوم الموعود رحنة وادعي طول الطريق وهشام لازم ايدي يحاول يهدأني بس هو متوتر اكثر مني دخلت للدكتورة وبدت تسويلي سونار باوعتلي ابتسمت وفرت الشاشة علية وكالت شوفي هذا طفلج جاي يكبر ببطنج

هشام:يعني حامل ثبت

الدكتورة:اي نعم كبران حجمة والكيس تمام ووضعة زين

فرح:ما مصدكة كمت ابجي واصيح هشام حااامل اني سمعت، اجة هو حضني ودموعة نزلت من فرحتة شعور وسعادة متنوصف ولااكدر اوصفهة احس صدك معجزة انه ثبت الحمل كتبتلي الدكتورة مقويات ومثبتات حمل وجدول نضمولي سكري بي حتى الاكل ومواعيدة والجرعات مال الانسولين حتى موعد الولادة حددتة ودزتة وية الفايل مالتي لدكتورة ببغداد تتابع حالتي وكالت تكدرين تسافرين بس الافضل تكملين شهرين هنا وهشام كال نكمل كتلة لا نرجع اشتاقيت للبيت ودوامي راح يبدي ماسمع واصر وصدك كملنة شهرين وكلما يخابرونة ايكللهم فرح جاي تتحسن فراح نكمل العلاج، اتطمنت عالحمل ورجعنة اااه يا فرحتي حسيتة عوض رب العالمين الية نسيت كل الراح وهشام احسة رجع انسان ثاني حتى ما يتعصب وشكلة يكول اي ومن عيوني وصلنة وتلكانة فيصل بالمطار ما كلنالهم راجعين بس هو يعرف وباركلنة بس ابد ماخلة عينة بعيني الله يفرحة ويسعدة ويرتاح،وصلنة ودخلنة وانتظار اتفاجأت بينة وعاطت فررح اجتي سلمت على هشام وحضنتني وتبوس بية دخلنة لغرفة خالتي وسلمنة عليهة ونزلت هالة سلمت علينة من فرحتي حتى نسيت الزعل القديم وسلمت عليهة وبوستهة

ام هاشم:شلون صرتي يمة طبتي كون

هشام:يمة الصدك اني جذبت عليج شوية اني مااخذت فرح حتى تتعالج من السكر