صلاح الخير منو كاااعد شلونكم،اجيتكم ببارت هدية لعيونكم صووتوولة،متابعة طيبة
البارت الخامس والثلاثون
فيدعبدالله
فرح:فتحت الغرفة والذكريات كلهة اجت وحدة تصحي بالثانية حسيتهن سجاجين بنص كلبي انوجعت وانقهرت حيلل اباوع للغرفة كلهة تراب جان يضوج من الوصخ سودة علية ،فتحت كنتورة ودخلت بنص هدومة اشتم بيهن ودموعي تنزل اعاتب بي ليش عافني هيج مذبوحة وجع لو ميتة وياه ولا هالالم بس روح اوووف ليش عفتنة ثنينة نريدك حتى من اباوع بوجه روح اتذكر ملامحة اتذكر فرحتة من صارت شلون اتغير الشي الوحيد الجنت مرتاحة منة هو التزم بصلاتة وصومة قبل لا يستشهد ،شوية وكمت شعلت الضوية كلهن وسديت الباب وكمت انظف بالغرفة وبدلت الفرشة ووجوه المخاد شلون من جنت استعد لنزلتة ،اباوعلهة نظيفة الغرفة رتبت ساعاتة وعطورة ومسحتهن ومسحت الاخشاب شوية ودكت الباب هالة
هالة:شلونج فرح
فرح:عايشة على الله
هالة:عادي احجي وياج بموضوع
فرح:هسة اقفل الغرفة واجيج صدك قفلت الغرفة بعد مااخذت ساعتة وخليت كلشي بمكانة حتى غراضي مااخذت منهن شي مااعرف ليش بس ماردت اغير شي دكيت الباب لكيت روح تلعب وية جهال هالة وهم مكيفين بيهة اخذتهة بوستهة وكلت لهالة عبالي جوة يم انتظار
هالة:لا صعدتهة يم الجهال يحبوهة
فرح:اي شكو بيهة خوانهة،كولي هالة شردتي
هالة:اول شي اريد منج بداعت عزيز قلبج الراح ماتكولين لاحد
فرح:شكو هالة خوفتيني والقران مابية بعد
هالة:شوفي هو اني محد يدري بية ادري بهالموضوع بس بالصدفة سمعت خالتي تحاجي الولد بغرفتهة تكوللهم اني مااريد بتنة تربة بعيد عنة واني فرح احبهة واموت عليهة واريد بس تطلع السنة واحد منكم يعقد عليهة ويجيبهة تكعد يمنة
فرح:وسعت عيوني متفاجأ بالكلام شنو جاي اسمع اني
هالة:همة الولد ما رضوا ثنينهم وكالوا شلون بس خاف تحاجيج خالتي و....
فرح:هاااالة بعصبية لان انفعلت ،انتي صدك ما خجلتي من تحجين وياي بهالموضوع ولج رجلي بعدة ترابة اخضر وتفكرين خاف اتزوج اخوووو ما استحيتي من تفكرين هيج ولج الراح موشوية هذا ابو بيتي وابو بنتي هيج بهالسهولة انساه وافكر اتزوج اخوووه اما انج صدك ما تستحين شلت روح بعصبية ونزلت فايرة رحت كبل لخالتي كتلهة خالة اني احبكم واعزج مثل امي بس سالفة اخذ واحد من خوان المرحوم مستحيلة اني كل الزواج مالي بي نفس بعد الراح الهيبة الي دفنتة بالتراب تالي افكر اتزوج واخوه اني كاعدة اربي بنتي لو شفتوني فكرت اتزوج الكم الحق تحجون
ام هاشم:يمة مو هيج الحجي على كيفج بعدين منو الكلج هاا
فرح:ميهم المهم الحجي صدك خالة بروح الراح اذا تعويني انسي هالسالفة وبنتكم شوكت من تردوهة دزوا عليهة تظل اليوم كلة اني ما امنعهة عنكم بالعكس اريدهة تربة ببيت ابوهة
أنت تقرأ
وفي القلب انت
Lãng mạnقلبان يجمعهما الحب الطاهر وتفرقهما يد القدر يعشقها وتعشقة يجتمعان تحت سقف واحد لكن توصد الابواب على كل قلب وحده ليعاني الم الحب ويصرخ منتفضا معلن خيانته للعنة القدر قصة حقيقية تجسدمعاناة فتاة تنقل لكم كم الالم والمرار الذي عاناه قلبها المرهف
