مساء الخير شلونكم شوفوني شلون حبابة هاي ٣ ايام انشر ليش متجازوني بتصويت حلوووو مثلكم ترة استاهل والله البارت الجاي يعتمد على تصويتكم ترة شوكت متعبر القصة الالف صوت انزل🥰شتكولون ؟😁متابعة طيبة
البارت الحادي عشر
فيد عبدالله
فرح:نزلني يم اهلي ونزلت وياية خالتي وفيصل وهو بقة بسيارتة مالة عين اكيد يواجه اهلي دكت الباب خالتي وفتحهة حسين رأسا باوعلي بتعجب
حسين:فرح شبيج
فرح:مابية وكامت دموعي تنزل هو صاح يمة محمد دخلتني خالتي وفيصل بقة بالباب اجتني امي ومن شافت راسي ملفوف لطمت على صدرهة واجتني تركض حضنتهة وكمت اشهك
ام محمد:يمة بنيتي اسم الله شبيج يابعد بيتي ليش هيج ذبلانة وراسج مضبر منو سوالج هيج
فرح:هشام يمة
ام هاشم:انة اعتذر منكم كلش والله ماراضية عالسواه ولااني ولاخوانة اصلا هاشم كلب البيت كلاب ماقبل وفيصل تخبل كوة فكيناه من عندة واني ماراضية هاي بنيتي بمعزة رقية الله الشاهد
محمد:هاي هية ام هاشم خلوهة ترتاح وبعدين نحجي
فرح:طلعت خالتي ووصلوهم الولد الجانو واكفين يم فيصل برة وشوية ودخل محمد عيونة يتجادحن نارر
محمد:احجي ولج شمسوية وهيج ضاربج شمصخمة ماكو مرة تنضرب هالضرب الا مسوية مصيبة
فرح:جمدن حتى دموعي شنو من عقل عندة يعني مايعرفني منو اني وتربيتمن باوعتلة وكتلة ليش تذب الصوج بية ماتكول انطيتوني لواحد مخبل ومو صاحي وكل العبر بي
محمد:انجبي ولج هذا رجلج احشمي واحجي بادب
فرح:ياادب وهو طيح حظي من يوم التزوجت هو علاقاتة تركع وماكو سالفة عوجة مايسويهة حتى يحجي علي يم ذني الموزينات ويكللهن اهلهة فلح عندنة
حسن:بس هو ما مجذب احنة فلح ببساتينهم
احمد:انتة اسكت وعوفوهة هسة ترتاح ماتشوفوهة شلون تعبانة
محمد:ماكو الاتكول ليش ضربهة
فرح:لان كشفتة خاين ومن واجهتة خاف لا ينفضح وضربني ارتاحيتوا هسة
محمد:اهلة يدرون سبب العركة
فرح:ماادري كايللهم لو لا ومااهتم عساه بالحرك
محمد:ولج ضبي لسانج لااكصة
فرح:هسة انتة وياه لو وياي اخومن انتة
محمد:لج فررررحة لاتخليني اخلص عليج
احمد:محمد كااافي بعيطة عوفهة كومي خوية كومي جوة مددي فرشنلهة فراش يابنات
فرح:كومتني عهود وهي تبوس بية كتلهة بتعب اريد اغير ملابسي دخلتني للحمام وغسلت جسمي وبدلتلي منهة ملابس وطلعت احس دايخة ومفترة الكاع بية مددت واجتي امي خلت راسي بحضنهة وتسبح وتدعي سمعتة يأذن المغرب دعيت من كل قلبي الله يرحيني وويخلي حياتي حلوة بعدني ماكملت اربع شهور وانضربت هيج الباقي شلون يهلص نمت وشفت منام من اتذكرة هسة وطبعا اختي ذكرتني بي فعلا احسة مفصل حياتي والمريت بي كلة والي راح امر بي بعدين جن جاي امشي بحديقة حلوة وبيدي وردة تخبل وزاهية واجتي بنية كالتلي لا هاي مالتي انطينياهة حبابة شلتهة وانطيتهة الهة وانطتني وردة ثانية جانت ذبلانة شوية وبيهة اوراق صفر شلعت الاوراق المصفرة ومشيت كطعت وردة ثانية وجان تغيم فجأءة وصار هوة اباوع وحدة من الوردات البيدي طايرة اوراقهة وواكعة كلهة متفلشة كمت ابجي وجان يجي طفل ينطيني باقة ورد فرحت وطلعت من الحديقة اركض خايفة عليهن لا يذبلن فزيت الدنيا ليل متأخر كمت اتذكر بالحلم شنو تفسيرة اجتي عهود باستني وخلود تمسح براسي بهدوء سولفتلهن الحلم
أنت تقرأ
وفي القلب انت
Romanceقلبان يجمعهما الحب الطاهر وتفرقهما يد القدر يعشقها وتعشقة يجتمعان تحت سقف واحد لكن توصد الابواب على كل قلب وحده ليعاني الم الحب ويصرخ منتفضا معلن خيانته للعنة القدر قصة حقيقية تجسدمعاناة فتاة تنقل لكم كم الالم والمرار الذي عاناه قلبها المرهف
