وفي القلب انت

الكاتبة#فيّدعبدالله(٢٢)

مسااء الخيررر شلونكم متابعيني الكيكات ،اتمنى منكم تستمرون بدعمكم الحلو والجميل واشكركم من القلب ولا تنسون صوتووووووا،متابعة طيبة

البارت الثاني والعشرون
فيدعبدالله

انتظار:استغربت سؤال هاشم يمكن هاي اول مرة يهتم ابجي لو لا نهضت وكتلة حجاية انحجت اليوم قهرتني كلش

هاشم:ليش شكالوا ومنو الكال

انتظار:سولفتة حجاية سماح والموقف كلة

هاشم:وهسة انتي عفتي سواية سماح بفرح وجلبتي بحجاية كالتهة الج عمي صدك ينرادلجن خلك

انتظار:وليش متجرلي خلك شنو ناقصني شو عالكتلك العشر شمع واحلى جهال عندك وبيت وعائلة ومرة خايفة الله بيك وتحبك ليش هيج بارد وياية كلي شسوي بعد

هاشم:اوووه صوجي سالتج بعلي اروح انام احسنلي من هالدوخة

انتظار:راح ناام وعافني مسحت دموعي بس غصبا عني تنزل جانت تعبت من هالوضع والعيشة شوكت يحس يسويلي قيمة واهمية بحياتة وعند الكل نمت والهم تارس كلبي صرت مثل العجوز واني بعز شبابي وردة وذبلهة هاشم وداس عليهة ومشة كعدت ثاني يوم لنفس الحياة نفس الركضة والشغل ااماكو غيرهن الهي روحي بيهن وايام تجر ايام وشهور تجر شهور وكلشي ما تغير نفس الاسلوب ونفس البرود حتى بطلت اهتم بروحي رجعت على شالي وشعري الكبة وملفوف وحتى لونة نزل مالي خلك اجدد صبغة وحفافة كوة تجرني فرح تحفلي بس لبسي لا بقيت البس دشاديش جديدة ومرتبةوشالات جديدة وحتى كمت اعرف اخيط لروحي دشاديش ومخلصة وكتي بين جهالي والبيت والمكينة والبالي هو هو ما تغير نقطة اجت المدارس وسجلنة حسوني بالمدرس والتهيت وياه والمااعرفة ادزة لفرح تقري احس املي صار بحسوني واتخيلة شوكت يكبر ويتخرج وازوجة اي اي هاي صارت افكاري بعز شبابي وافكر شوكت يكبر ابني وازوجة والسبب ماعندي الرجال المالي حياتي خالي كلش تعب هالفترة وصار اكثر وكتة عالبخاخ واني كلش اتأثرت عليه وانقهرت هو جان بمثابة ابوية ويوجعني قلبي من اشوفة هيج تعبان هاشم جان اغلب وكتة يمة جنت اتمنى يوم يطب ومثل ما يسأل على خالي يكلي شلونج اليوم شكد جانت امنياتي بسيطة بس شثكلهة جانت على هاشم وعمرة ما سواهة

................

فرح:مرت الايام والشهور بعد الصار هشام ابد ما حاجة سماح رغم مااجتي واعتذرت بس ابد ما قبل اعتذارهة وكاللهة من اجي ابد لا تشوفيني وجهج هالشي خلاهة تحقد علية بالزايد وكامت سلام متسلم عشتوا ميتة على سلامهة😒،حتى خالتي مرتين حاجتني مثل التلمح اني السبب بالزعل كتلهة خالة ابد مالي علاقة هشام علاقتة باختة مالي كل دخل بيهة ولو راد يصالحهة ما يتأثر بحجي هو رجال والقرار بيدة سكتت خالتي وما فتحت الموضوع بعد ،هالة وفيصل استقرت امورهم وورة تقريب ٣ شهور اخذهة وصارت مرتة وارتاحينة من بجيهة😁 اتصدكون اذا اكللكم ارتاحيت من استقرت حياتهم لان ببساطة طريقنة اني وهو انسد من زمان بس هو هسة يلا اقتنع وجنت انقهر من احس اني سبب باذيتهة لهالة واذية فيصل ،فيصل شخص رائع والة مواقف ووكفات حلوة ابقة اتمنالة الخير طول عمري لان ببساطة مااذاني يمكن اني الاذيتة بس ما ردلي المثل فابقى احترمة طول عمري، اهلي رحتلهم كم مرة ومااطول ساعتين بالزايد وارجع اشوف امي وبس لان محد الصراحة يستحق اسأل عليه تصدكون لليوم ما دكوا الباب وكالوا شمحتاجة خوية او مو الباب اتصال محد شال تلفونة علية ولو اتصلوا فجانوا يردون هشام عالمود شغل البستان شكد جان بداخلي قهر منهم ضلمونة وهواي وهاي خلود وحدة من ضحاياهم الي جاي تعاني المر ولساتهة عروس مثل مايكولون الهة كم شهر رجلهة مشوفهة الضيم باع ذهبهة وموبايلهة وحتى حلقتهة وكاعد بالبيت كرشة كدامة مترين جنت احاجيهة من موبايل عهود الي وضعهة ارتب ورجلهة خايف ربة وشاغول بس على كدهم اهم شي مرتاحة وياه اما خلود اتكول جان ياخذ غراضي يبيعهن ويطلع لبغداد يصرفهن ويرجع مرات اكوللهة انتي عوبة ومابيج حظ تكلي شسوي ادري لو رحت زعلانة خواني يردوني وساعتهة كلهة تتشمت بية وهو يزيد بطياح حظة هاي قسمتي ورضيت بيهة وادري بيهة عوجة من يوم الطلعوا خياسة كلة كدامي بيوم الاجة خطب هشام بس مالي غير حل،مرات اصفن اكول ليش هيج نتأذة هالكد من اقرب ناسنة خوانة واهلنة ليش لهدرجة سالبين قراراتنة ومخلين جوة ايدهم مثل العبيد ولو مو كل الخوان بس خوواني صنف نادر بالاذية حتى نسوانهم جانن مخليهن معامل للخلفة والشغل وبس ممنوت تطلب او تحجي او تتمنى هو الامر الناهي ،مرت ايام عمي كلش تعب وهالشي زاد اجواء البيت قهر وكأبة بعد ما فيصل راح لدوامة لان بدت اخر سنة وهشام ملتهي بدوامة يروح ويجي بس سوه سبعة يروح بسبعة ينزل لان الضابط حباب وتفهم وكعة عمي ومرضة وبس هاشم هنا فرتب دوانة هيج ورقية داومت واني امشي واحذر بيهة لا تنجرف بمشاعرهة لان سبق وانلجم كلبي مااريد تضوك هالكاس المر، حتى حسوني كبر وراح للمدرسة وانتظار بودهة تداوم وياه والي للاسف هي هم ضحية لرجل سلب كل شبابهة وانوثتهة وخلاهة وردة ذبلانة،اجة الشتا واااه يا كآبة الشتا جان يوووم باااارد اذكر نهاية شهر١١ بررد يكص طلعت ودعت هشام ارجف كلي دخلي لاتتمرضين ذبيت وراه مي وباسني ومشة قريتلة ايات ودخلت ارجف اتدفة عالصوبة كعدت انتظار وتجر بحسوني كوة يغسل وجهة غسل وكعد مطفي كبال الصوبة اباوعلة يغفي ضحكت كتلهة باعي خطية والله اتذكر مثلة من جنة نكعد كبال الصوبة نغفي ومنريد نداوم دخلي يغيب باردة خلي يرجع لفراشة الدافي هو كمز