وفي القلب انت

الكاتبة#فيد عبدالله(٣٠)

مساء الخير،اعتذر جدا عن عدم النشر البارحة صارلي ضرف طارئ،اشكركم جدا جدا على تفهمكم ودعواتكم الحلوة مثلكم،حبيت اعوضكم ببارت حلو مثل قلوبكم،متابعة طيبة

البارت الثلاثون
فيد عبدالله

هشام:بس اني مااعوفج مستحيل

فرح:بس...

هشام:لاتحجين شي هسة ابقي فترة ارتاحي يم اهلج ومن تصيرين زينة نحجي بس ثقي بالله محد يحبج بكدي

فرح:مااريد اكمل هشام حتى لو بقيت وارتاحيت يم اهليهذا قراري من الاخير

هشام:لج لو اموت مااعوفج خليهة ببالج بس عايفج ترتاحين وتهدأين انتي هسة ضايجة من السويتة وادري وغلطان وحقج علي هاي هية بعد

فرح: خلص ،تصبح على خير

هشام:تصبحين على خير حبيبتي ،فررح ترة انتظرج ترجعين

فرح:سديتة واتصالي الي عبالي يريحني وينهي كلشي زادني حيرة جنت حاسمة امري ماارجع مستحيل ليش احس قراري ضعف هسة او تزعزع ليش فرح جاي تضعفين شمتأملة مددت وغفيت من الفكير كعدت الصبح ودخلت اغسل بالحمام واسمع الجناين يحجن(والله عيارة من يومهة تتعاير ولكت الرجال اليركض وراهة وينطيهة على مايهة شفتنة شلون يركض وراهة ويتوسل

_اي شو خوانهة يطكون ويأذون ونسكت ونتحمل جاي ما يكولون خطية حرام كلمة حلوة ما نسمع كلش كلش حقج علي

_هي فرح من يومهة قوية من اجتي لابوي اول ما نخطبت تتبجبج ما تريد تعرس على هشام خالة دسكتي شو شايلهة بصلاوات)

فرح:اتعس شي من الي يحاوطنك ناس سلبين ضعفاء ابسط حقوقهم مسلوبة بحيث يباوعون للجحيم الي اني بي جنة لو ما كدامهن وجهي خرايط بس هنة همهن اللبس والهدايا ووو ماكو مشاعر او احساس ضجت منهن كلش عود ذني المفروض خواتي المهم مر الاسبوع ومحمد كال باجر يجي ياخذج هشام كتلة واني كلت ماارجع يعني ماارجع

محمد:لا تكفريني شتردين الرجال انطاج وكت ترتاحين وتهدأين ومداريج حتى اتصال ما يخابر عليج يخابرني الي يطمن خاف يزعج جنابج تسكتين وترجعين وسالفة ماارجع انسيهة ترجعين وغصبا ما عليج

ام فرح:عوفهة يمة بعدهة تعبانة خلهة ترتاح

فرح:حقك مو انتو حالك من حالة تضرب وتهين متحسون بينة شكد نتأذة لهسة اثر الحزام بجسمي ماارجع هالمرة لو اعرف تذبحني

محمد:كومي لااطيح حظج اكثر

احمد:محمد عوفهة كااافي كومي خوية فرح

محمد"احمد لاتطلع عينهن اكثر اني الجبير واني اعرف بمصلحتهن

احمد:يصير خير كومي فرح

فرح:اجة هشام لبيتنة وحاول ارجع ومحمد هم وياه صاف بس ابد مااقتنعت قفلت الغرفة وكتلهم والله اموت روحي اذا تجبروني هالمرة وكمت اعيط وابجي اتهسترت احس كدما ضغطوا علية تالي هشام كال لمحمد بعدهة تعبانة عوفهة طلع وشوية هدأ الجو لليل فتحت موبايلي اخابر عهود احسهة هنا بس هية تفهمني واشكال الرسائل كام توصل من هشام اقرة ورسالة اضرب من الثانية غلط ورزايل وكلة من وراية انطيتج اكبر من حجمج عفتهن ما رديت اتصلت بعهود وكل شوية يتصل هو ولا اهتميتلة ضليت براحتي احجي