مساء الخير شلونكم شخباركم،البارت يخبللللل صوتولة يستاهل التصووووووويييييت،متابعة طيبة
البارت الرابع عشر
فيد عبدالله
فرح:احس غصيت باللكمة كوة اريد ابلعهة شبية ياربي دخيلك شربت مي كوة وضليت مدنكة مااريد عيني تجي بعينة
ام هاشم:يايمة يوم المنى تتزوج وافرح بيك غير وهالة ورد تختلف عن خواتهة كلهن واحضبهة انة
هشام:الف مبروك خوية والله زين مااختاريت هالة وردة حتى فرح تحبهة موفرح
فرح:رفعت راسي ورسمت ابتسامة مصطنعة كتلة اي صح الف مبروك خوية تستاهل كل خير
فيصل:رحم الله والديج خيتي،بدون مااباوع بعينهة ادري شجاي تحس مثل احساسي بيوم زفوهة لبيتنة بس خلص لازم كلمن يشوف حياتة مااكدر انساهة اذا ماانشغل بغيرهة واني مااحب الحرام وبنت عمي ماقاصرة وهي انسب مرة الية ،كلت لامي اريد هسة على نص السنة خطوبة وللصيف العرس
فرح:كمت من يمهم عقلي شارد شتردين فرح شتردين يظل مكابلج العمر كلة صبيت جاي وشربت وعدلت المطبخ وديت لهشام جاي وشلت الصينية والتموا بالصالة رقية وبيت هاشم وعمي طلعوه وبشروهم بالخبر السعيد الي الكل فرحانة بي الي اني كلبي معصور كملت المواعين وصعدت لغرفتي امشط بشعري وسرحانة شوية وانفتح الباب
هشام:شكم مرة كتلج انزلي جوة لاتعزلين روحج عنة كلهة ملتمة وانتي خاتلة هنا تفتهميني انتي لو هذا محشش
فرح:و ياشر على دماغي باصبعة كمت وكفت كتلة تعبانة اعذرني ببرود ورحت مددت مااهتميت لكل الكالة والسواه عقلي جامد ميفكر غير بشي واحد زواج فيصل طلع هشام وركع الباب شوية واندكت الباب وفاتت رقية كعدت عدلت روحي
رقية:شبيج فروحة شو مصفرة وعازلة روحج
فرح:اششش ومددت بحضنهة احس تايهة بغير عالم هي ضلت تلعب بشعري لحدما غفيت ماادري بروحي مافزيت الا على صوت الاذان الصبح هشام جاي ونايم ماادري بي كعدت صليت ومن كل قلبي دعيت الله يريحني ويريح قلبي ويوفقهم بحياتهم مااريد انفسهم كمت لميت ملابس بجنطة صغيرة وكلت اروح لاهلي اريح شي جنت مقررة باجر اروح لان سنوية ابوية باجر يسون ثواب ووراهة نروح للنجف بس كلت خليني اشرد اريحلي رجعت مددت مااجاني نوم كلت خلي اكوم اكمل شغلي حتى يكعد هشام ونتريك واروح كمت صدك نضفت البيت وطبخت غدة ونضفت الطرمة وعزلت المطبخ بالسبعة ونص كملت كلشي وكعدت خالتي
ام هاشم:صباح الخير هايمة فرح شعندج مغبشة
فرح:ماعندي يمة بس كعدت وية الاذان صليت وشفت روحي شبعانة نوم كلت اكمل شغلي لان من رخصتج اريد اروح لاهلي باجر دورة السنة مال ابوية بعيد عنكم
ام هاشم:معدلة ويلوموني لو حبيتج روحي يمة مرخوصة شعلية بيج مادام رجلج قابل
فرح:لا يمة انتي الخير والبركة
أنت تقرأ
وفي القلب انت
Romanceقلبان يجمعهما الحب الطاهر وتفرقهما يد القدر يعشقها وتعشقة يجتمعان تحت سقف واحد لكن توصد الابواب على كل قلب وحده ليعاني الم الحب ويصرخ منتفضا معلن خيانته للعنة القدر قصة حقيقية تجسدمعاناة فتاة تنقل لكم كم الالم والمرار الذي عاناه قلبها المرهف
