/Unicode/
" Jimin ဘာလုပ်နေတာလဲ "
အနောက်နားက အသံကြောင့် Jimin မြေကြီးတွေကို
ရေလောင်းနေရာကနေ လှည့်ကြည့်လိုက်မိတော့
ခပ်ပြုံးပြုံးမျက်နှာနဲ့ သူ့ဆီ လှမ်းလာနေတဲ့ Saewon ။
" ရေလောင်းနေတာ ဒီမှာ ၊ အာ!!! ဒုက္ခပဲ "
Saewon ကို ခပ်လေးလေးပြုံးပြကာ ဖြေရင်းနဲ့
ရေလောင်းနေတဲ့နေရာကို ပြန်ကြည့်မိတော့ Jimin
အလန့်တကြားနဲ့ ၊ ရေလောင်းနေတာကို ရပ်ပစ်လိုက်
ရသည်။ တစ်နေရာထဲကို ရေလောင်းနေမိတာ
ကြောင့် ပြန်ဖို့ထားတဲ့ မြေကြီးတွေက များပြားလွန်းတဲ့ ရေနဲ့အတူ အပေါ်ကိုလျှံတက်လာတာ မြုပ်ထားတဲ့
မျိုးစေ့လေးတောင် တစ်စွန်းတစ်စ ပေါ်လာတဲ့အထိ။
ပုံပျက်နေတဲ့ မြေနေရာကို ကြည့်ရင်းနဲ့ Jimin စိတ်မော
စွာ သက်ပြင်းချမိသည်။ မနက်က Jungkook သွား
တုန်းက တစ်ခါရေလောင်းပြီးသား ဆိုပေမယ့် အခု
လုပ်စရာမရှိတော့လို့ လုပ်မိလုပ်ရာ လုပ်နေခြင်းသာ။
Jungkook အဆင်ရောပြေရဲ့လား လို့တွေးမိတိုင်း
Jimin ထိုင်မရ ထမရနဲ့ ။ သူ့မှာ Jungkook
သွားကတည်းက ဘာကိုမှအာရုံစိုက်လို့မရတော့တာ ၊ Seokjin hyung တို့ အိမ်မှာ နေ့လည်စာ သွားစား
တုန်းကလည်း ခွာထားတဲ့ ပန်းသီးအခွံတွေကို ယူစားမိသေးသည်။ Jungkook ကိုယ်တိုင်က စိတ်မပူပါနဲ့လို့ မှာခဲ့သည့်တိုင် ၊ Seokjin hyung နဲ့ Namjoon hyung က အဆင်ပြေသွားမှာပါလို့ ပြောခဲ့သည့်တိုင် ၊ Jungkook ပြန်မလာမချင်း သူစိတ်ချနိုင်မှာမဟုတ်ဘူး။
" ဘာမှမဖြစ်ပါဘူး ကျွန်တော်ကူပြီး ပြန်ပြင်ပေးမယ် "
" အင်း ၊ ကျေးဇူးပဲ Saewon "
ဘေးနားမှာ ဝင်ထိုင်လာတဲ့ Saewon က နေရာလွတ်
က မြေကြီးတစ်ချို့ကို တူးယူလာကာ ခုနက မျိုးစေ့
လေးကို မြေပြန်ဖို့ပေးတယ်။ စိတ်နဲ့ ကိုယ်နဲ့ မကပ်တဲ့
သူကတော့ ဘာမှကူမလုပ်ပေးမိပဲ ဘေးကနေသာ
ရပ်ကြည့်နေမိသည်။
" သခင်လေး Jeon ကို သတိရနေတာလား "
လက်က မြေမှုန့်တွေကို ခါရင်းနဲ့ မေးလာသည်ကို
Jimin ပြန်မဖြေပဲနဲ့ မဆိုစလောက်သာ ပြုံးပြမိတယ်။
သတိရနေတာထက် စိတ်ပူနေတယ်ဆိုတာ ပြောပြလို့
ရတဲ့ အနေအထားမျိုးမှမဟုတ်ပဲ။
VOUS LISEZ
𝑾𝒊𝒕𝒉𝒐𝒖𝒕 𝑨 𝑯𝒆𝒂𝒓𝒕
Fantastiqueကြယ်တွေ စုံနေစရာမလိုဘူး Jungkook သာ အနားမှာရှိမယ်ဆိုရင် လမိုက်ည ဖြစ်နေရင်တောင် ကျွန်တော့် ကောင်းကင်က လင်းပါတယ် Park Jimin ခွဲခွာခြင်းတွေကို ကိုယ်မကြိုက်ဘူး Jimin အဲ့ဒါကြောင့် ကြုံလာသမျှ ပြဿနာ...
