/Unicode/
Jungkook သူ့ရှေ့မှာ မလှုပ်မယှက်ထိုင်နေတဲ့ Jimin
ကို တစ်ချက်သာ လှမ်းကြည့်မိသည်။ Ice Flame
တစ်ယောက် ဆီမှာ Ice Stone ရှိနေတယ်လို့ သတင်းရ ကတည်းက ကောင်းကင်မင်းကြီးက မျိုးနွယ်စုရဲ့
ခေါင်းဆောင်ဖြစ်တဲ့သူ့ကို Ice Stone ပြန်ယူလာဖို့
တာဝန်ပေးတယ်။ တာဝန်ရရချင်း Jimin ကိုရှာဖို့
လုပ်ပေမယ့် နာမည်တစ်ခုကလွဲရင် ဘာမှသဲလွန်စ
မကျန်အောင် အရှောင်အတိမ်းကောင်းလွန်းတဲ့
ထိုကလေးကို သူတို့လည်း မဖမ်းနိုင်ဘူး။ ဖျတ်ခနဲသာ
မြင်လိုက်မိတဲ့ တစ်ခါ နှစ်ခါလေးမှာတင် Jungkook...Ice Stone
ကို အကြမ်းနည်းနဲ့ မတောင်းဖို့ ဆုံးဖြတ်ခဲ့ပြီးသား။
နောက်ဆုံး Ice Stone ကို အသဲအသန် လိုချင်နေတဲ့ Hell က ကောင်တွေကို နောက်ယောက်ခံလိုက်ခဲ့
တာကြောင့် သူ Jimin နဲ့ ထိပ်တိုက်တွေ့ခွင့်ရခဲ့ပြီး
ဒီကိုခေါ်လာနိုင်ခဲ့တာ။
Jimin ဆီမှာ ရှိတာသေချာမှန်း သက်သေတွေ အလုံအလောက်ရှိနေပေမယ့် ဒီလို နှလုံးသား လိုနေရာမျိုးကိုတော့တကယ်မထင်ခဲ့မိဘူး။
အခုက Ice Stone ကို ရှာတွေ့နေပေမယ့်လည်း
Jungkook ဝမ်းသာရမယ့်အစား ထူးထူးဆန်းဆန်း
ရင်ထဲ စို့လာတယ်။
"အဲ့ဒါက ဘယ်လိုလုပ် နှလုံးသားထဲ ရောက်နေတာလဲ "
Namjoon hyung က နားမလည်စွာမေးသည်ကို
Seokjin hyung က မသိမသာ သက်ပြင်းချတယ်။
အနာဂတ်ကို အရိပ်အယောင်သာ မြင်ရပေမယ့်
အတိတ်ကို ရှင်းရှင်းလင်းလင်း ပြန်မြင်ရတတ်တဲ့
Seokjin hyung ရဲ့ အမြင်တွေဟာ သံသယ ဖြစ်စရာ
မလိုမှန်း သိပေမယ့် ဘာကြောင့်လဲ ဆိုတာတော့...
သူတို့သိချင်မိတယ်။ ပြီးရင်တော့ ဘာဆက်လုပ်ရမလဲ
တွေးရမှာပေါ့။Jimin ကတော့ နားမလည်နိုင်သေး
ဟန်နဲ့ ဟိုကြည့် ဒီကြည့်။
" ကြေးမုံနဲ့ပြလိုက်ရင် ပိုရှင်းသွားမယ် ထင်တယ် "
" လာ Jimin "
Jungkook...Jimin ရဲ့ လက်ကို လှမ်းဆွဲမိတော့
လက်ဖျားလေးတွေက အေးစက်လို့နေသည်။
ဖျတ်ခနဲ မော့ကြည့်လာတဲ့ မျက်လုံးဝိုင်းဝိုင်း
လေးထဲက စိုးရိမ်မှုတွေကို သတိထားမိလိုက်တဲ့အခါ Jungkook ကောင်းကင်မင်းကြီးကို လွန်ဆန်ချင်လာတယ်။
YOU ARE READING
𝑾𝒊𝒕𝒉𝒐𝒖𝒕 𝑨 𝑯𝒆𝒂𝒓𝒕
Paranormalကြယ်တွေ စုံနေစရာမလိုဘူး Jungkook သာ အနားမှာရှိမယ်ဆိုရင် လမိုက်ည ဖြစ်နေရင်တောင် ကျွန်တော့် ကောင်းကင်က လင်းပါတယ် Park Jimin ခွဲခွာခြင်းတွေကို ကိုယ်မကြိုက်ဘူး Jimin အဲ့ဒါကြောင့် ကြုံလာသမျှ ပြဿနာ...
