احببت من اذلني باللهجة الجزائرية

جزء 3

بعدما ما راحت صفاء انا قعدت نكمل في خدمتي حتى جات
صفاء : وشبيه حاسب روحو ياخي معقد 😠
عبير : وش قالك تاني
صفاء : راكي تعرفي كلامو كيما السم
عبير : ما فهمتش علاش ميحملكش و يظل يسمعك الهدرة العيانة
صفاء : كي نفهم نفهمك 😒
مفهمتش علاش المدير يتعامل معا صفاء هكا هو صح عصبي بزاف مي صفاء خدمتها متقونة وعلاش يعاملها هكذا صراحة انا دايما نحاول نبقى بعيدة عليه حتى اذا كانوا ملفات نبعتهملوا مع السكرتيرة و هو اذا كانت كاش خدمة ولا ملاحظات يبعتهملي معاها بالمختصر منتلقاوش بزاف ، بعدما كملت واحد الدوسيات رحت لسكريتيرة
عبير : ليلي هاكي هاذوما مديهوم للمسيو جاد
ليلى (سكرتيرة ) : وش واقيلا حلاتلك قالولك خدامة عندك انا ، عندك كاش عفسة روحي نتي ليه 😒
رحت طبطبت و دخلت مهبطة راسي و مديتلو الملفات
ضحك معايا و قالي تقدري تتفضلي و يا مامي على الضحكة 😍 . صراحة محيستش عليه متكبر و واعر كيما تقول صفاء و كي خرجت شفت صفاء
صفاء : واش راكي ديري فالبيرو تاع المسيو جاد
عبير : ديتلو واحد الملفات وعلاش
صفاء : لالا سقسيت برك بسك ماشي موالفة تروحي نتي
اييه وش قالك
عبير : ماقال والو مي ضحك معايا يعني ماحسيتوش كيما تحكي نتي عليه
صفاء : ايييه بسك نتي متعرفيهش ملييح
عبير : و علاش نتي تعرفيه
صفاء : اففف خلاص وليتي سامطة متعرفيش للهدرة
المهم كملنا الخدمة من بعد لحقت 4 و صفاء قاتلي نخرجو ندورو شوية مي محبيتش و بعد تحلال طويل عيطت للدار و قتلهم باش ميتقلقوش رحنا للبحر و طلعنا سراول و قعدنا نلعبو فالماء حتى جاو 2 جون يتبلاو فينا
جون 1 مع عبير : واش عمري سافا عبير : (الصمت )
الجون 1 : انا عجبتيني و صاحبي عجبتو صاحبتك
صفاء : ايا روحو منا باش متشفوش عفسة متعجبكمش
جون 2 : اوو واعرة
راحت عبير عند صفاء
عبير : هايا نروحو بلا مشاكل
راحو البنات و هذوك ليجون قعدو يتبعوا فيهم و عبير غير خايفة و هووب تعيط صفاء
صفاء : عبير شوفي لهيك شكون جاد المدير تاعنا ارواحي نروحو نسلمو عليهم
كان جاد واقف مع ثلاتة صحابو
عبير : حبسي متجياحي حنا نعرفوه غير في اطار الخدمة
مي معامن راني نهدر قاعدة تكركر فيا حتى لحقنا
و.............
وش رايكم في الحكاية
نتمنى نلقى تفاعل
رايكم في
صفاء و جاد و عبير
و علاش جاد يتعامل مع صفاء هكا