بعد مرور اسبوع
Abir *
جازت سمانة وانا وجاد متلاقيناش كامل كان دايمن يسيي يشوفني مي انا دايمن نجتانبو المهم اليوم عرس ختي ماريا وجواد فرحتلها بزاف كي راهي رايحة تتزوج بلي يحبها و تحبو ؛ رحنا عند الحفافة انا وماريا خرجنا نهبلو احم احم 😂
وانا لبست روب سواري شابة مي عريانة
لحقو اهل العريس باش يديو العروسة انا درت عباية مالفوق وخرجت ركبت ديراكت مع ولاد عمي و جاد نشوف فيه غير يشعل في عينيه شه
وصلنا للصالة وكيما كان الحال ماريا بدات تتصدر و الناس تشطح و تتصور وانا اليوم فرغت قلبي شطحت شطحت حتى عييت منبعد دخلو ولاد عمي و شوية دراري معاهم منبعد جبدني وليد عمي الكبير فارس باش نشطحو و نشوف في جاد يغزر فيا و يتحلف مي كان يبان كيوت وهو مشنف و زيد اللبسة عريانة كملت ههه مي مفهمتش علاه وليت نحب نزكر فيه هكا شوية جاء يوسف
يوسف : واش عبير ماتشطحيش مع خوك
عبير : هههه اذا راك حاب يديفورميلك وجهك ايه
يوسف : ههه مايدير والو ميقدرش يفسد عرس خوه
عبير : على هذيك هددني
يوسف : وشنو
عبير : والو ، ماشي راك حاب تشطح هايا مالة
.......... ( النقاط بين الفقرات معنتها النتقال من مكان لاخر ولا بعد مرور زمن معين )
رحت قعدت في الطابلة
ماما : واقيلة كنا رابطينك
عبير : هههه ماما هذا عرس ختي الوحيدة
ماما زهيرة : صح خليها اذا ماشطحتش وفرحت في عرس ختها فكتاش تفرح
ماما : انشاءالله في عرسها تزيد تفرح
عبير : ماما حابة تزيدي تليكيديني
ماما زهيرة : هههه
منبعد صونا تليفون ماما زهيرة خرجت من الصالة وعاودت ولات
زهيرة : عبير يابنتي كاين واحد الناس يكولولنا جاو للعرس و معرفوش الطريق روحي مع جاد جيبوهوم
عبير : بصح يقدر يروح وحدو
زهيرة : يرضى عليك بنتي مترفضيش
كي حللتني رحت خرجت قعدت نسنا في جاد قدام طونوبيل
جا و حاصرني بيديه
جاد : واش كنتي ديري لداخل
عبير : ساكتة
جاد : راني نهدر معاك
عبير : ساكتة
شدني من يدي و بدا يزير
جاد : متستفزينيش عبير علبالك بلي نتنارفا واش هاذ اللبسة وش هاذ الحالة لي درتيها 😡
عبير ( نحيتلو يدو ) : خلاص دوكا يا نروحو نجيبو الناس يا خليني نرجع للصالة راك بديت تقلقني
جاد : وليت نقلقك
عبير : ايه وبزاف
دنا عندي
جاد : علبالك بلي نحبك 😣
عبير : مي انا نكرهك بارسكو نتا ماشي راجل
حتى ضربني واحد الكف وليت مانحس بوالو
ركبني في الطونوبيل و طريق كامل وانا نبكي 😭 وهو يزيد في الفيتاس
ارائكم
نسحقكم تتفاعلو حبيباتي باش نكمل 😘
أنت تقرأ
احببت من اذلني باللهجة الجزائرية
Romansaابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
