Abir *
نضت صليت ودعيت ربي يفرجها عليا لبست و خرجت ديراكت للشركة شديت بلاصتي منبعد جات صفاء قاعدة تسقسي على البارح تفكرت ماريا واش قالت وانا اصلا ماكنتش قادرة نهدر و نشرح الور قتلها ماكان والو وبدلت الموضوع و مام هيا ماحبتش تانسيستي عليا
هكذا شوية جات ليا سكريترة
ليلى : مسيو جاد يسحقك روحي عندو 😏
صفاء استغربت و قاعدة تبع فيا بعينيها
دقدقت الباب و دخلت
و كان يخدم في البيسي
جاد : المرة الجاية ندخل نلقا البيرو نقي يشعل ( جوز صبعو على الطابلة ) شوفي الغبرة
عبير : بصح هذي خدمة فام دو ميناج مشي خدمتي
جاد : ههه هيه اوموان خير منك تخدم و تدي دراهمها بعرق جبينها ماشي كيما حالتك تسرقي و تزيدي تشرطي ودوكا روحي جيبيلي قهوة
انا سكت مالقيت مانقول حسيت بالحقرة و ماقدرت ندير والو ، رحت نجيبلو القهوة وتفكرت كي قاتلي ختي حطيلو الملح فيها ضحكت و ديتهالو مي مادرت والو بسك انا خوافة حطيتها فوق بيرو و جيت خارجة
جاد : شكون سمحلك تخرجي
عبير : مسيو عندي خدمة لازم نروح لبيرو تاعي و ...
جاد : هادي غير نسايها تقعدي تسناي قدام الباب اذا سحقيتك نعيطلك
قعدت واقفة ساعتين قدام الباب و هاديك ليلى غير تستشفا هي اصلا متحملنيش و زادت كملت و هذاك الهم تاع جاد جابلي ربي عندو مرض اسمو يقطع الهدرة لعبير
منبعد ناضت ليلى
ليلي : اسمعي راني خارجة نفطر و مادابيك نجي نلقا البيرو مفروز
عبير : و علاش راني خدامة عندك
ليلى : تخدمي و تسكتي سينو نبيع لمسيو جاد معلبليش وش درتي مي تستاهلي بلاك تحطي رجليك فالارض
هي هكاك و خرج الهم هذاك
جاد : عندك ساعة فيدك نروح نفطر و نجي نلقا الحالة مفروزة و الدوسيات فبلاستهم بلا متنساي الغبرة
هو راح وانا بديت نخدم ونبكي على الذل و الحقرة و زيد كرشي راهي تصفر من الجوع
انا كملت وانا قعدت فالبيرو حتى رقدت و مبعد حسيت يد ديرلي في وجهي يد حنينة بزاف بديت نتفاطن ونشوف بنادم قدامي جاد ايه هو نضت بزربة
عبير : اسمحلي كنت ....
جاد ( بلعياط ) : اخرجي برا
قتلكم عندو مرض اسمو يقطع الهضرة لعبير
خرجت برا و قعدت نسامي في الباب منقدرش نروح من ولا من بسك هاديك الكلبة تاع ليلى تمتم تبيع
قعدت حتى الربعة وانا واقفة عييت و زدت جعت ليلى كملت و راحت وانا مازالني واقفة حتى تنفتح الباب خرج جاد بلا ماهدر والو وانا رحت نجري لكافيتريا تاع الشركة ناكل كاش عفسة مي الله غالب زهري و نعرفو لقيتها غلقت الور وليت نجيب ساكي باش نولي للدار و المصيبة هي لقيت الباب تاع الشركة مغلوقة و ماكان حتى واحد
أنت تقرأ
احببت من اذلني باللهجة الجزائرية
Romansابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
