ابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية
راح يقدرو يحبو بعضهم هاذي نشوفوها من بعد
ننصحكم تقراوها لانها بزاف هايلة
#قصص_جزائرية #حب #dz
اليوم عرسي متتصوروش شحال راني فرحانة و متوترة في نفس الوقت نضت بكري رحنا انا و ماريا للحفافة منبعد رجعنا للدار لبست هكذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كنت حابة حاجة سامبل و خفيفة وقعدت نستنا في شمبرة حتى نسمع في الهراج و الطونوبيلات داخلين عرفتها جاو كنت خايفة بزاف هكذا شوية جات ماما باش تهبطني غير هبطت نشوف حبيبي جاد باحلى طلة انا وصلت قدامو باسلي يدي قدام الناس نورمال ني حشمة ني والو المهم عقدنا و كلش و العشية درنا عشاء بين العائلتين جازت حالة و جاد كل دقيقة يغمزلي تاع هيا نروحو منبعد شفتو يهدر مع ماما و خرج برا وهي طلعت للفوق منبعد وصلني ميساج من عند جاد 《 اخرجي برا راني نستنا فيك باش نروحو 》 معرفتش اذا نخرج و لا نقعد جاتني عيب زيد كامل كانو مزال قاعدين من عماتي و عمامي ولادهم و عائلته حتى نطقت ماما زهيرة زهيرة : عبير بنتي وين راه راجلك عبير : معلباليش واقيلا راهو برا زهيرة : روحي شوفيه خرجت لعندو عبير : جاد هبلت جاد : لالا قتلك برك نروحو لدارنا عبير : جاد عيب الناس مزالهم لداخل جاد : واش دخلني في الناس عبير : صحا و حوايجي جاد : راهم فالطونوبيل كركرني حتى دخلني في الطونوبيل و الطريق كامل وهو فرحان و يغني مرة مرة يبوسني وانا كنت خايفة بزاف لحقنا لواحد الدار بصح هاذي ماشي دار ماما زهيرة عبير : وين رانا جاد : في دارنا و انا كنت حاطة في راسي بلي نعيشو مع ماما زهيرة و ماريا بصح هذا حاب ينعزل رفدني و دخلنا للدار منبعد وراهالي بزاف شابة عبير : جاد مكانش علبالي بلي عندك ذوق شباب جاد : راكي علبالك دوكا ؛ ارواحي منا نوريلك شمبرتنا مزال موريتهالكش غير دخلنا نصدمت هاذي دير الدوبل بشمبرتي بزاف شابة و كانو حاطين ورد احمر فوق البونك و الشموع زعما جو رومانسي منبعد لقيت واحد نويزات فوق الفوتاي حشمت نلبسها بارسكو بزاف عريانة جاد : عبير انا نروح ندوش منبعد نتي دخلي دوشي عبير : ايه معليش قعدت ندور في الشمبرة فتحت الخزانة قاعدة نستكشف في داري زعما حتى خرج جاد من الدوش وانا دخلت دوشت نحيت طابلو مكياج لي كنت دايرتو لبست هذيك نويزات درت غلوس و ماسكارا بارفان خرجت منبعد ما لبست طقم الصلاة لقيت جاد يستنا فيا باش نصليو صراحة كنت حاطة بلي ميصليش المهم صلينا منبعد حط يدو فوق راسي وبدا يقرا في الدعاء كي كمل قعدنا فوق البونك نقسرو على اليوم كيفاش جاز ............. و صرا لي صرا 🔞🔞🔞
..........
نضت الصباح لبست روبة قصيرة روز كلار مكييت خفيف مالقيتش جاد في الشمبرة خرجت منها كيفكيف مكانشو في الدار هكذا شوية تفتحت الباب ودخل جاد رحت عنقتو جاد : صباح الخير عمري عبير : صباح الفل و الياسمين ؛ وين كنت جاد : مراكيش تشوفي هاذ ساشيات كي نضت مالقيت والو في الدار ايا قلت نروح كشما نشري عبير : اههه مالا نروح نوجد كشما ناكلو جاد : وانا راني هنا باش نعاونك عبير : نتا . تعاوني . وفي الطياب جاد : واشبيك متحقريش بلا متشوفي والو عبير : اييه هيا مالا
رحت للكوزينة وجدت حاجات خفاف ناكلوهم و جاد زعما عاوني والو قعد غير يعنق و 😘 منبعد ما كملنا الماكلة فرزت الحالة قاعدة نغسل في المواعن حتى يجي جاد يعنقني ماللور جاد : مرتي توحشتك عبير : جاد جاد : عيون جاد جبدني و رحنا للشمبرة
منبعد دوشنا و قعدت قاعدة في حضن جاد حتى صونا تيليفون ماريا : صباح الخير العروسة تاعنا عبير : صباح الخير ماريا : واش وقتاش جيو كان جاد قدامي نحالي التيليفون جاد : مناش جايين علاش راكي تقلقي فيا و في مرتي ماريا : راهي ختي قبل ماتكون مرتك نحيتلو تيليفون قبل ما يزيد معاها فالهدرة عبير : ايا ماريا سلام راح نسييو نجيو في اقرب وقت هكذا ختيتوش ماريا : هكذا يا وجه المقلة تزوجتي وليتي تليكيدي فينا روحي برك يجي نهار و تقولي ختي و تندمي عليا قسمتيلي قلبي بالليكيداج تاعك هكذا يا يما ارواحي تشوفي بنتك كبرت و لات تليكيدي في ماريا بلاكي منبعد جي تطلبي سماح .........( قاعدة غير تهدر و تهدر كسرتلي راسي و زعما مرة تفيس تبدا تبكي ) ...........و................و ....... مي بصح معليش انا قلبي بيض منديش عليك نعرف ختي بلي مالغري غقلها صغير مي تحبني وانا نحبها وشنو منبعد كي نكونو وحدنا حكيلي على البارح ياك عبير : ايه ايه خلاص ماريا : اتهلاي في روحك و في نسيبنا العزيز مسكين غاضني ناقص في عقلو و زايد في لسانو ربي معاك ( مزية مسمعهاش) و الهدرة تاع مقبيل امباعد نتفاهمو عليها ؛ دوك انا منطولش عليك منبعد تقولو ماريا فسدتها علينا ، سلام
هي كوبات وانا تنهدت تنهيدة طويلة جاد : انا راني نخمم غير في خويا مسكين كيفاش قادر يتحملها عبير : متنساش راك تهدر على ختي
نتمنى البارت عجبكم متنساوش تتفاعلو وتخليولي تعليقاتكم باش نشوف رايكم وحبيت افكار للحياة الزوجية تاع ابطالنا شوية مشاكل شوية رومنسية حبيت نضيف لمسات تكون من اختياركم بارسكو دوك يجوزوها غير ضحك لعب و رومنسية منبعد كاينة واحد المشكلة انشاءالله المهم شاركوني افكاركم
