Abir *
كنت قاعدة لاباس عليا في الشمبرة حتى يلحقني ميساج من عند جاد طليت من التاقة نلقاه واقف قدام الدار هبطت بلعقل و رحت لعندو خفت يديرلي التبهدايل رحت عندو نلقا عينيه حمورا جبدني من يدي و ركبني في الطونوبيل و كان ساكت الطريق كامل وانا مقدرتش نهدر معاه وصلنا لواحد بلاصة خالية هبط هو قعد متكي على الطونوبيل وانا لداخل واحد عشر دقايق فتح الباب وقالي
جاد : نحبك
عبير : وشنو
جاد : كيما سمعتي نحبك و نموت عليك واليوم زدت تاكدت
عبير: مي انا مانحبكش ياك نتا تكرهني بلا منفكرك فاللي جاز
نكدب عليكم لوكان نقلكم مافرحتش كنت ميتة بالسعادة و كنت نسيي نخبي الابتسامة بسيف كنت خايفة يكون يتمسخر برك بيا
جاد : علبالي بلي غلطت معك بزاف مي عندي ظروفي انا حاط في راسي البنات كامل كيفكيف يحبو غير الدراهم ؛ كنتي تعجبيني من الاول عقالتك ظرافتك مي نهار شفتك فالبحر معا هذوك ليجون و منبعد زدتي جيتي تسلمي عليا مع صاحبتك طحتي من عيني وليت نحسك كيما انتي كيما هي ؛ هي كانت دايمن جي لعندي تحاول تقرب مني و دير تصرفات نولي نعيفها و نكرها منبعد جات الحكاية هاذيك تاع السرقة كنت حاب ندمك و نهينك و انا لي راني نادم دوكا منبعد بديت نحس روحي وليت نحبك و كنت نكذب في روحي مي نهار شفتك مع يوسف مقدرتش نشد روحي و اليوم كي عرفت بلي نخطبتي هبلت
شدوني راني حاسة روحي حنطير من الفرحة هذا جاد راهو يهدر مي دقيقة ........ وقتاش نخطبت 🤔 ايا خليني نكملها
عبير : مي خلاص دوكا سي تروطار حنولي مرت راجل
جاد : غير هذي لي تنسايها نتيا ليا
عبير : شوف واحد اخرى
جاد : ماكان حتى وحدة نتي لي سكنتي هنا ( دار صبعو على قلبو )
عبير: خلاص دوكا عفسة ماراح تولي كيما كانت
جاد : لوكان متقبليش تتزوجي بيا ماريا متتزوجش جواد
صدمني لهذ الدرجة اناني باش يدي واش يحب يضحي بسعادة ناس واحد اخرين
وصلني للدار طريق كامل وانا ساكتة كي وصلنا
جاد : رانا وصلنا ، او خممي فواش قتلك و رديلي بالخبر غدوة صباح
هبطت من الطونوبيل و الدموع في عيني و دخلت بلعقل شديت بلاصتي و قاعدة نخمم
Jad *
ماكنتش حاب نهددها بختها مي مخلاتلي حتى حل واحد اخر لحقت للدار الليل كامل وانا ساهر ماشي علجال الجواب تاع عبير بارسكو علبالي بلي حتقبل على جال ختها مي كنت خايف تزيد تكرهني
لحق الصباح وانا مزالني واقف فالبالكون
حتى لحقني ميساج من عند عبير
《 نقبل نتزوج بيك ، ماشي بارسكو نحبك مي غير علجال ختي نتا علبالك بلي منقدرش نشوفها زعفانة على هذيك استغليتني شفتني نية و نسكت على كلش و مكانش شكون يساندني ندمك منبعد ما قررت نبدا صفحة جديدة معاك و ننسى الماضي بارسكو لقيت روحي نحبك جيت نتا وفسدت كلش مي هذا الحب نسيي نحيه من قلبي نكرهك جاد نكرهك اكثر من اي وقت ؛ صحا لي قدرت تهيني في كل وقت و في كل فرصة 》
حسيت 100 موس نغرسو في قلبي يعني كانت تحبني و دوك ولات تكرهني
رميت تيليفون تكسر و قعدت شاد راسي بيديا و الدموع قاعدين يهبطو وحدهم
أنت تقرأ
احببت من اذلني باللهجة الجزائرية
Romansaابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
