احببت من اذلني باللهجة الجزائرية

جزء 13

Abir *

نضت الصباح راسي يوجع من البارح و فيا واحد الاحساس مخلط بالخوف و الفرحة مفهمتش زعما علاش حنفرح نضت بست ماريا لي كانت مزال مناضت مسكينة عينيها منفخين من البكاء
رحت توضيت و صليت و دعيت ربي يفرجها عليا عييت و كرهت من الذل و الاهانة لي عايشة فيه كيما كان الحال وجدت روحي شربت قهوتي سلمت على ماما و بابا و رحت للخدمة ؛ اليوم وصلت روطار على غير العادة
شديت البيرو و قلت لصفاء صباح الخير مي هي حطتني فالتقيل ، لقيت البيرو معمر بالحسابات لي لازم نراجعها قعدت نخدم فيهم شحال من ساعة عييت نضت نغسل وجهي بسك دخت وانا مولية شفت صفاء تخربلي في البيرو تاعي غير شافتني ولات بلاستها
دخلني الشك انا قعدت في بلاستي و نلقا الحسابات كامل مخلطين و الخدمة لي خدمتها الصباح كامل راحت ، تفكرت نهار لقيت صفاء في البيرو تاعي مع جواد ايه هي دارتها بيا و عملتهالي كنت رايحة نقوللها مي قلت تكون شايفتني وحدة جايحة و حابسة الطفلة لي امنت فيها غدرتني و خانت العشرة

بعد ساعة : رحت لقاعة الاجتماعات قعدنا و دخل جاد
الوقت كامل و هو يشرح و يهدر وانا ماشي معاه غير غايسة

جاد ( وجه ستيلو ليا ) : نتي اذا ماركيش مهتمة بالاجتماع تقدري تروحي لداركم و تخممي و تخططي براحتك

انا فهمت وش حب يقصد وانا مكانش عندي كامل
طاقة بش نهدر عينيا تعمرو بالدموع و جيت نايضة او نطيح كاس القهوة طاح على صباطو

عبير : سمحلي ماشي بلعاني
جاد : واش درتي ؛ دوك تهبطي تمسحيلي رجلي
عبير : ساكتة

لي تما قاع قعدين يضحكو
السكرتيرة ( مدتلي بابيي ) : هاكي باش تمسحي

هبطت نمسحلو صباطو و منبعد خرجت نجري
جاد : خلاص الاجتماع كامل برا

علابالي البارت قصير
سناو الجاي انشاءالله