احببت من اذلني باللهجة الجزائرية

جزء 6

Abir*

نضت اليوم وقررت نستقيل من الشركة منقدرش نتحمل اهانات اكثر نقعد في الدار خيرلي
لحقت للشركة قعدت في البيرو مع صفاء نقسرو مي محبيتش نحكيلها على الاستقالة نعرفها متخلينيش
المهم رحت لعند مسيو جاد منبعد ما جا و فيدي ورقة الاستقالة دخلت السكريتيرة تقولو و خلاني ندخل
لقيتو واقف يطل من الطاقة
عبير ( الصمت )
جاد : واش تقعدي ساكتة
عبير : احمم انا
جاد : نتي واش
عبير : جيت نقدم استقالتي و ...
جاد : هههه ياك قتلك بلي حابسة مي ماشي a ce point
عبير : مفهمتش انا وش درتلك
قاطعها جاد : نتي صاح متحشميش وجهك صحيح ( و شدها من يدها )
عبير : متمسنيش معندكش الحق
جاد : نتي لي معندكش الحق تسرقي
عبير : نسرق مفهمتش كي...فا..ش
رماني في الارض و رما عليا واحد الاوراق
خديت الورقة نقرا فيها و فعلا فيها حسابات ناقصين و فيها الختم تاعي انا مافهمت والو وزيد المبلغ كبير بزاف 600 مليون و حنا قيسنا قيس روحنا و ماما و بابا اذا سمعوا معلباليش وش يصرالهم بقيت غير نبكي حتى دخل جواد
ربي شاف فيا و جابو
جواد : جاد واش كاين . عبير وعلاش راكي تبكي
جاد كشما درتلها
جاد : هاذي ال***** خرجت وحدة سراقة وطامعة في الدراهم
جواد : شكون عبير امبوسيبل ديرها
جاد ( بلعياط ) : منين علبالك مديرهاش تعرفها دارتها حسبتلها منمرقولهاش
جواد : جاد 😡 خلاص صح نتا كبير عليا مي منسمحلكش تعيط عليا
جاد : ايه نتا 🤬 ونتي دوكا يا ترجعي دراهم يا نبعتك للحبس
عبير : الحبس انا مسرقتش وما نقدرش نرجعهم المبلغ كبير بزاف
جاد : خلاص مالا خيرتي دوك نعيط لابوليس ما يكون غير رايك 
رفد تيليفون يعيط منبعد حبسو جواد
جواد : حبس ياخو دوك نلقاو حل
قعد جواد رايح جاي في البيرو و انا غير نبكي و نشهق
جواد : شوف خليها تخدم عندك حتى تكمل قاع المبلغ
عبير ( فرحت ) : اييه راني قابلة
جاد : ههه لوكان تخدمي حياتك قاع متقدريش ترجعيه مي عندي حل واحد اخر تخدمي عندي و تنفذي اي حاجة نقولك عليها و ديريها بلا اعتراض
عبير : قول عبدة و خلاص
جاد : فهميها كيما حبيتيها
جواد : معندك حتى حل اخر عبير قبلي
مفهمتش ياربي كيفاش حتى نحطيت فهذا الموقف
قعدو تساؤلات يدورو في راسي شكون لي دارهالي بسك انا ماسرقتش ؟ كيفاش حنقدر نكون عبدة عندو من جيها ماما و بابا من جيهة الحبس كيفاش نضيع حياتي محبوسة على حاجة مدرتهاش و علهاذيك ملقيتش غير نعفس على كرامتي و نقبل
هزيت راسي و درتلو ايه
جواد : خلاص خويا راهي قبلت خليها دوكا تروح تريح و غدوا انشاءالله تبدا في وجهي
جاد : اييه معليش 😏 مي خليلي نوميرو تاعك بلاك نسحقك
خليتلو النوميرو و خرجت نكرر في رجليا رفدت ساكي و خرجت و خليت صفاء ما فاهمة فيها حبة

واش رايكم في الحكاية
و شكون لي دار هكا لعبير
و كيفاش حتكون معاناتها