Abir *
نضت صباح صليت بدلت ( نفس الروتين ) رحت للخدمة غير وصلت طبطبت و دخلت لبيرو تاع يوسف و مهبطة راسي
عبير : يوسف سمحلي على البارح
يوسف : نورمال مبيناتناش
عبير : بصح ماشي زدت عليها شوية
يوسف : هههه كنت معول عليها ؛ نار الغيرة تقتل سقسي المجرب
عبير : مجرب ايهيه ياسي يوسف
يوسف : واش رانا نلعبو 😆
عبير : تسيباريتو
يوسف : هههه غير هذيك لي متصراش راهي قاعدة مع ختي في فرنسا تكمل قرايتها
عبير : ربي يخليكم لبعضكم
يوسف: انشاءالله .......عبير
عبير : امممم
يوسف : تحبيه
عبير : معلبليش
يوسف : تباني في عينيك ههههه ؛ بلاك عندو ظروفو لي خلاوه يكون هكا معاك
انا تفكرت كلام ماما زهيرة
يوسف : وين غستي يا لالة ايا لخدمتك 😂
عبير : ههه كيما تحب مسيو
انا خارجة وحبسني
يوسف : خممي في هدرتي مديلو فرصة
عبير : ام
كملت خدمتي وخرجت معا يوسف حتا نشوف جاد يسنا فيا
يوسف : اوو جا حبيب القلب
عبير : يووسف
يوسف : خلاص راني رايح
هو راح وجا جاد
جاد : وقيلا هذا راه حاب نقتلو
عبير : لالا لازم انا لي نقتلك ، واش جابك
جاد : قلت نجوز عليك نروحو نفطرو
عبير : الناس تفطر دوكا
جاد : مزال ماكليت حتى عفسة
عبير : بفففف
كيما كان الحال رحنا لواحد الريستورون شباب جاد طلب الماكلة و جابولنا واحد الماكلة مورسو طماطيش و زوج حبات زيتون واحد العفسات غريبة عجيبة في التبسي
انا ماعجبنيش قعدت نشوف في جاد ياكل و يقسر كان يبان يهبل
جاد : ماتاكليش
عبير : لالا راني شبعانة
كملنا ورحنا للدار لقينا الطونوبيل تاع جواد تما
دخلنا كيف كيف لقيناهم قعدين يشربو فالقهوة ودايرين حالة بالضحك و الهدرة رحت قعدت نشوف ماما حاطت الماكلة فوق الطابلة وشمن مسمن وشمن قاطو و البغرير منبعد هجمت على الماكلة و جاد مصدوم فيا
جاد : مقبيلة محبيتيش تاكلي ياك شبعانة
عبير : هاذيك ماكلة شوف الماكلة تاع صح
جاد : هههههه
وعلى هذ الضحكة كامل دارو ليه ماما زهيرة و جواد و اللي قاعدين نصدمو فيه بسك ماشي موالف يضحك هكا و قعد غير يضحك و يقسر معاهم لقيت ماما زهيرة تشوف فيا وتضحك و الدمعة في عينيها
منبعد راحو ونضنا انا وماريا نفرزو الحالة
Jad *
العشية هبطت من شمبرة للتحت نلقى جواد و يما يهدرو
جاد : واش راكم تهدرو
جواد : ارواح ارواح شوف يما تسحقك
جاد : غير الخير ياك
زهيرة : خير خير يا وليدي ؛ يا علبالك بلي كبرت دوكا و الوقت راهو يجوز و لازم تبني دارك ودير ولادك
جاد : يما ياك هدرنا شحال من خطرة في هاذ السوجي و قلنا لالا
زهيرة : انا عندي وحدة حبيبتي عندها بنتها وهدرتلها عليك
جاد : كيفاش ؛ كيفاش ديري هكذا بلاما تسقسيني راكي تشوفي فيا طفل صغير يرضع في صبعو
زهيرة : انا كلامي قلتو ومنعاودوش شوف خوك صغير عليك و لقا بنت الحلال و عبير كيف كيف
جاد : كيفاش عبير
جواد : قاتلي اسيا بلي وليد عمها راهو جاي يخطبها
جاد : لالا امبوسيبل مديرهاش
خرجت من الدار ديراكت لدار عبير
تقلقت بزاف بزاف صح ذليتها و حقرتها بزاف بصح انا نحبها ايه نحبها مي هي معلاباليش مي لي علابالي بيه بلي منخليها تكون لحتى واحد من غيري
لحقت لدارهم بعتلها ميساج 《 اهبطي لتحت راني نسنا فيك 》 نلقاها طلت من الطاقة وهبطت
Jawad *
زهيرة : زعما يكون راح
جواد : ايه سور
زهيرة : انشاءالله نسمعو خبار مليحة
أنت تقرأ
احببت من اذلني باللهجة الجزائرية
Romanceابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
