Abir *
خرجنا للصالون قعدنا نضحكو و نقسرو و بابا كان يبان مقلق راح جاد سلم على راسو
جاد : يا عمي سمحلنا على اللي صرا اليوم
بابا : نتمنى متزيدش جي بنتي لعندي بهذيك الحالة بارسكو صح خافت عليها سبق و قتلك عندي زوج عوينات ؛ ونتي ماشي كلما يصرا مشكل ولا نقاش مع راجلك تخلي دارك و جي
عبير : ميكون غير خاطرك بابا
و كيما كان الحال قعدنا فطرنا تما و تعشينا مرحناش حتى العشية كامل جواد و ماريا و ماما زهيرة راحو للفيلا و حنا ولينا لدارنا رقدت في حضن جاد مزية لي امنتو و جيت معاه بسك باباه صح واحد ميحشمش غاضني جاد بزاف من جهة البروبلام لي راهو فيه و من جهة باباه صح كان يبينلي بلي راهو قوي مي مالداخل كان محطم بزاف صعيبة جيك من اقرب الناس ؛ نضت الصباح على صوت تيليفون
عبير : جاد تيليفونك
جاد : امممم خليه
عبير : لالا شوف بلاك كاش ما كاين
جاد : الو ..... خلاص دوك نجي
عبير : شكون
جاد : طارق بابات اسماء راني رايح نهدر معاه
عنقته قلبي كان مقبوض حاسة بلي عفسة ماشي مليحة راح تصرا
وصلني للفيلا و راح محبش ممبا يدخل رحت ديراكت عنقت ماما زهيرة منبعد جا جواد و ماريا
Jad *
رحت نشوف طارق مالغري كان علبالي كيفاش راهي رايحة تخلاص وصلت عبير للفيلا مقدرتش ندخل للفيلا
وصلت للشركة دخلت عندو
طارق : كنت نسناك الهراب تاعنا
جاد : جيت نتفاهم معاك
طارق : اقعد
جاد : علبالك بلي جامي كانت عندي يد في الصفقات اللي تديرهم مع مصطفى
طارق : هههه تبريت منو
جاد : ميشرفنيش يكون عندي اب كيما هو
طارق : هههه مليح
جاد : كيما علبالك شركة تاعي مزالها جديدة ومزال ما لحقت باش يكون عندي هذاك المبلغ
طارق : اييه
جاد : راني حابك تصبر عليا حتى نجمع هذاك المبلغ
طارق : انا دراهمي نسحقهم بصح عندك حل اخر
جاد : لي هو
طارق : طلق مرتك ولي مع اسماء
جاد : غير هاذي لي متصراش محال نطلق مرتك و زيد نروح مع بنتك
أنت تقرأ
احببت من اذلني باللهجة الجزائرية
Romantikابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
