احببت من اذلني باللهجة الجزائرية

جزء 4

صفاء : سلام
جاد : سلام ( ودور ظهرو )
صفاء : كنا جايزين منا وقلنا نسلمو عليكم
جاد ساكت و مدارش ممبا
و هذوك صحابو بقاو يضحكو
انا هذيك اللحظة صح تنمنيت الارض تنشق و تبلعني
ماشي موالفة ننحط في مواقف مثل هذه
قعدت نجبد في صفاء وهي غارقة في الاحلام دينا تاكسي وكل وحدة راحت لدارها ، الليل كامل وانا نخمم في التبهديلة حكيت لماريا و بهدلتني قاتلي وعلاش تبعي في الطفلة هذيك زيد هي متحملش صفاء
Jad *

نضت صباح شربت قهوة سلمت على يما ورحت للشركة
و انا راني قاعد نخدم تدخل عليا هذيك صفاء منحملهاش تقلقني بزاف زعمة ديمة تمشي و تتمايل باش تغريني وانا نشوفها مجرد عاهرة ، الحاجة الوحيدة لي مخليتني منخرجهاش من الشركة هي خدمتها المتقونة المهم موراها دخلت عبير جابت واحد الملفات صراحة تعجبني الطفلة هاذي تحشم بزاف و حاطة راسها مع الخدمة راسها مترفعوش ملغري منتلقاوش بزاف
مع العشية رحت مع صحابي ندورو و شفت عبير و صحبتها مع واحد لي جون و زيد موراها جاو يجريو يسلمو عليا و انا نكره هاذ لي جاست نحب علاقتي بالموظفين متخرجش من الشركة يعني خارج الشركة منعرفهم ميعرفوني ، عبير طاحت من عيني بزاف حسيتها ما تفرقش على صفاء
• Abir *

نضت صباح ورحت للخدمة كيما العادة و دخلت بكري اليوم الور رحت نجيب كاس قهوة و في طريق تلاقيت مسيو جاد و تفكرت البارح شاف فيا بواحد النظرة و ضحك ضحكة سخرية و استهزاء وراح ، غاضتني عمري و حكمتني القنطة وكي حكيت لصفا واش صرا قاتلي نورمال هو عامل هكذا ، جوزت نهار كامل في البيرو مهزيتش راسي و ماكليت ماوالو مورالي كان هابط
لحقت 4 جات ليا صفاء
صفاء : عبير اذا كملتي باش نروحو
عبير : ايه كملت سنايني برك نروح ل sanitaire 
صفاء : اييه معليش
و انا رايحة خبطت في بنادم طلعت راسي لقيتو مسيو جاد
عبير : سمحلي ماشي بلعاني
جاد : صح ماشي بلعاني
عبير : مفهمتش
جاد : مفهمتش اذا نتي حابسة و لا فاميلتك قاع وارثينها في الدم ، هاذ العفايس و لي جاست ميجوزوش عليا راكي فاهمة سورتو ناس لي كيما نتي ( شاف فيا من الفوق للتحت ) الناس لي تجري مو الدراهم
و راح و انا مفهمتش حتا بداو يسيلو الدموع وحدهم
رحت ديراكت للدار  دوشت و دخلت للشمبرة مخرجتش منها حتى الصباح

نتمنى نلقى دعم بسكو راني نتعب باش نكتبها وفي الاخير ماكان والو