Abir *
باش منطلولش عليكم جازو يومين ما كاين والو غير دار و بلاماننساو العرسان اللي ميكرهوش من الهدرة في التيليفون حقا مقتلكمش جواد لقالي خدمة عند واحد صاحبو في نفس المجال اللي كنت نخدم فيه و غدوا نروح نبدا الخدمة مسكين مننسالوش خيرو مالغري محبيتش في الاول مي زكارة في جاد نخدم و خير من اللي نقعد في الدار العفسة اللي قلقتني هي نظرات جاد البارح رحنا تعشينا عند ماما زهيرة انا وختي طبعا سيفو عليا باش رحت و ملي رحنا جاد وهو يغزر فيا و يتبسم حتى اقترح عليا جواد فكرة الخدمة عند صاحبو تمتم تبدل وجهو و رفد روحو و راح
صباح جديد 🌄
اليوم راني رايحة نبدا الخدمة جا داني جواد وعرفني بالمدير لي هو صاحبو اسمه يوسف الصح الصح شباب بزاف بزاف مي الصح الصح 😂 ماشي كيما جاد ؛ جاد خير عليه بزاف جات غير فالعقلية مالوروسمون
جات ليا السكرتيرة اسمها نور طفلة هايلة و حلوة عسل ماشي كيما هاذيك اللي يسموها ليلى
نور : ارواحي نوريلك بيروك و نمدلك واحد الورق تبداي تخدمي فيهم ؛ انا نور ونتيا
عبير : انا عبير
نور : انشاءالله نجوزو وقت مليح كيفكيف
عبير : انشاءالله
كملت هاذوك الورق و روحت نستكشف الشركة و قررت نتعرف على الموظفين مانيش حابة نبقى هذيك عبير الانطوائية تعرفت عليهم و كانو بزاف ملاح معايا
لحق وقت الفطور و رحت نفطر مع نور نقدرو نقولو ولينا صحابات مي مرانيش رايحة ندير فيها كونفيونس و نحكيلها اسراري توبة
حنا رانا ناكلو حتى جا يوسف ومعاه الماكلة تاعو قعد ياكل معانا
يوسف : واش عبير راني نشوفك تفاهمتي مع نور
عبير : اممم
يوسف : واش متبداوش تاكلو تقعدو تهدرو 😁
عبير : تقعد تاكل معانا !
نور : ايه من عادت المسيو يفطر مع الموظفين
يوسف : اذا ديرونجيتك نروح
عبير : هههه لالا نورمال
بعد مرور اسبوع :
Abir *
جازت سمانة غير مع تحضيرات عرس ماريا باسكو قررو على شهر يديرو العرس الله غالب جواد مزروب
و يوسف مكانش مزيرني في الخدمة العكس كان بزاف عاقل معايا و مرات يقولي مجيش قعدي عاوني ختك ولا يساندني بزاف سورتو ملي سمع بحكاية جاد و ش صرالي
و هو يعتبرني مجرد صديقة و انا نعتبرو كيما خويا
ايا راني قاعدة في الكوزينة و تدخل لالة العروسة
ماريا : ختي الشابة
عبير : ماللخر واش تسحقي
ماريا : شوفي وجدي روحك لعشيا نروحو مع جواد
عبير : تانيت ؛ وين انشاءالله
ماريا : للديسكو
عبير : وشنوووو
ماريا : اسكتي دوك يسمعونا
عبير : معولة تكذبي على والديك
ماريا : اففف وشبيك كذبة بيضة نقولولهم رانا رايحين نتعشاو ولا نروحو عند طاطا زهيرة و خلاص و زيد كرهنا هاد سمانة غير من التوجاد خلينا نريحو روحنا شوية و جواد حا يدينا لبلاسة مليحة متخافيش
عبير : لالا معنتها لالا
ماريا : هيا عبير انا عندي ختي وحدة ماشي عشرة ليمن نعيط دوكا يروح معايا نروح وحدي و انا لي نقول عندي عبير نديها تحوس معايا نخرجها من الدار و زيد مقعدليش بزاف و نولي نتوحشك هكا اوموان نحوسو قبل منتزوج و ...... ( قعدت تهدر واحد نص ساعة و دير روحها زعما حزينة )
عبير : خلاص اسكتي نروح معاك وين حبيتي سكتي برك
ماريا : صح اييي شحال نحبك ارواحي نبوسك
المهم رحنا نوجدو روحنا باش يجي جواد يدينا
شوية تفاعل ونكملها
واش رح يصرا في الديسكو كي تتلاقى عبير ب.....
أنت تقرأ
احببت من اذلني باللهجة الجزائرية
Romanceابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية راح يقدرو يحبو بعضهم هاذي نشوفوها من بعد ننصحكم تقراوها لانها بزاف هايلة #قصص_جزائرية #حب #dz
