ابطال القصة عبير و جاد ؛ عبير تخدم في شركة تاع جاد ؛ اللي يولي يذلها و يهينها بسبب ..... تعرفوه كي تقراو الحكاية
راح يقدرو يحبو بعضهم هاذي نشوفوها من بعد
ننصحكم تقراوها لانها بزاف هايلة
#قصص_جزائرية #حب #dz
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حنا صح قدنا قد روحنا مي نحب نلبس و مانحرمش روحي من اللبسة و الشريات المهم رحت للخدمة قعدت في البيرو نشوف فواحد الورق لي كان لازم نراجعهم حتى جات صفاء صفاء : هاكي هادو ( مدتلها واحد الدوسيات ) عبير: وشنو هادو صفاء : دوسيات مركيش تشوفي فيهم عبير : علابالي بصح علاش راكي تمديلي فيهم ماشي خدمتي هادو صفاء : بصح خدمتك تدي القهوة لمسيو جاد عبير : شوفي صفاء هاذ اليمات راكي غير المعاني مالاخر عندك عفسة هدريها ديراكت صفاء : ا.....( قطعتلها هدرتها ليلي السكرتيرة ) ليلى : لالة عبير ايا وجدي روحك الشوفور راهو يستنا فيك صفاء : لوين ليلى : لدار مسيو جاد صفاء : واش حدير لتمى ليلى : علمي علمك صفاء : اممم طوالو رجليها بزاف من البيرو لحقو للدار تاعو
انا خرجت و خليتهم يهدرو و يقطعو طنجرة ولقات غلاقها بعد مدة : وصلت لدار مسيو جاد هادي ماشي دار هاذي فيلا و كبيرة بزاف جامي شفت فيلا هكا و لا دخلتلها نشوفهم غير فالافلام دخلت و شفت واحد الورد في الجنان يهبلو قعدت نشوف فيهم حتى جات واحد المراة كبيرة شوية و تبان البراءة و النور في وجهها المراة : عجبوك عبير : ايه قصدي لالا مي الجنان بزاف شباب سورتو الورد المراة : ايه ماتعرفينيش بروحك عبير : انا عبير نخدم مع مسيو جاد و جيت نوصلو هاذ الورق المراة : انا زهيرة يمات مسيو جاد هههه جا جاد سلملها على راسها جاد : يما واش خرجك ياك قتلك قعدي ريحي في شمبرتك زهيرة : يا وليدي كرهت من القعاد قلت نخرج نشم شوية هواء و مزية لي خرجت تعرفت بعبير بنت عاقلة و شابة الله يبارك عبير : يبارك فيك طاطا زهيرة : قوليلي ماما شحال تمنيت تكون عندي طفلة مي ربي رزقني غير بجاد و جواد و الحمدلله ؛ ايه انا نروح نخليكم تخدمو براحتكم
راح جاد قعد في واحد الطبلة فيها الكراسة وانا شديت كرسي حنقعد جاد : شكون قالك قعدي ، خليتك
عاودت نضت قعدت واقفة و هو مرة عينيه فالورق مرة راهو يهدر فالتيليفون و مرة يشرب في الجي ( عصير ) يشرب الرهج حنا هكا حتا جات يماه زهيرة : يا بنتي قعدي جاد عيب عليك تخليها واقفة جاد ( مدلي الورق ) : لالا كانت رايحة زهيرة : لالا قعدي فطري معانا عبير : لالا صحا طاطا .... قصدي ماما زهيرة : هيا بنتي متيبسيش راسك
قعدنا قاعدين في الصالون الله يبارك كبيرة الدار من داخل بزاف وين تبان دارنا مي حمدالله جامي لا حتاجنا حاجة هذاك وجه البق تاع جاد قعد يخزر فيا بواحد الخزرة تقول كاشما درتلو قاعد يتحلف فيا علجال طبسي ماكلة ياخي مشحاح ، حنا قاعدين و دخل جواد
جواد : زارتنا بركة مرحبا بيك عبير عبير : يسلمك جواد جواد : يما هذي هي عبير لي حكيتلك عليها و على ماليها زهيرة : صح يابنتي قالي جواد بلي لقاوك مغاشية في الشركة واش صرالك
حنا قعدنا و بداو الخدامين يحطو ، جوزت وقت شباب معاهم غير ضحك و لعب سورتو ماما زهيرة ناس ملاح بلبزاف جواد خرج يشبهلها مي عار كبير انه الكائن لي يتسما جاد وليدها
كملنا البارتي نتمنى يكون عجبكم و نتمنى نلقى دعم يعني راني نعيا باش نكتب و نحط و في الاخير مكان حتى تفاعل
